10 طرق طبيعية لتطويل وتكثيف الرموش

بقلمريهام محمود فيشعر visibility9265

زي ما شعرنا بيحتاج اهتمام عشان نحافظ عليه صحي الرموش كمان محتاجة عناية واهتمام عشان نتجنب تساقطها وضعفها اللي ممكن يحصل بسبب الاستخدام المستمر للماسكارا او لاي سبب تاني, عشان كده النهاردة جايبين لكل بنات حوا طرق طبيعية لتطويل وتكثيف الرموش.

طرق طبيعية لتطويل وتكثيف الرموش:

1- تدليك الجفون:

الرموش مش بس ممكن تقع لكن كمان ممكن تكون ضعيفة وبتتكسر بسرعة زي الشعر بالظبط, ومن الحاجات اللي بتساعد جدا في تجنب المشاكل دي هي تدليك الجفون لان التدليك بيحفز بصيلات الشعر وبيساعد الرموش انها تنمو بشكل اسرع.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

2- النظام الغذائي:

من الحاجات اللي بتأثر بشكل سلبي على الرموش وبتخليها ضعيفة هو الدايت او نظام غذائي غير صحي, او الاكل الغير صحي كل ده بينعكس على صحة الرموش وبيخليها ضعيفة وخفيفة, عشان كده لازم في الحالة دي تغيري النظام الغذائي وكلي فاكهة وخضار اكتر وهتلاحظي الفرق بنفسك, لان زي ما احنا بنقول ان العناية الداخلية اهم وبتيجي قبل العناية الخارجية.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

3- خدي بيوتين:

فيتامين H او البيوتين بيعزز نمو الشعر بشكل اسرع وبيساعد كمان على تقوية الشعر, وفيتامين اتش هو نفسه فيتامين B المركب اللي هنلاقيه داخل في كتير من مستحضرات التجميل المختلفة, وكتير من الاطعمة زي السردين, الموز, الخميرة, اللوز, الحبوب الكاملة, القرنبيط, الفول السوداني, الكبدة, المشروم, وصفار البيض بشكل خاص لان بياض البيض بيحتوي على الافيدين وده نوع من البروتين بيمنع امتصاص فيتامين H, وممكن تاخدي فيتامين H عن طريق حبوب من الصيدلية بس طبعا الافضل اننا نحصل عليه بطريقة طبيعية من الاكل.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

4- الفرشة:

الفرشة او المشط الصغير الخاص بالرموش اللي في كتير من البنات ممكن يكونوا بيستخدموه للرموش قبل وضع الماسكارا عشان الرموش يطلع شكلها احلى, الفرشة دي مفيدة جدا لان تسريح الرموش ده بيساعد انها تنمو وتطول بشكل اسرع واسهل.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

5- استخدمي الفازلين:

الفازلين يعتبر من البدائل لزيت الزيتون وزيت الخروع اللي بتساعد بشكل فعال على تطويل وتكثيف الرموش, خدي منه كمية بسيطة على صوابعك وادهني بيه الرموش من الجذور للاطراف كل يوم بالليل قبل ما تنامي واغسليه الصبح ولو مش عايزة تنامي بيه ممكن تحطيه 15 دقيقة وبعدين تغسليه, هتلاحظي نمو الرموش بشكل ملحوظ بعد كام اسبوع من استخدامه.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

6- زيت الزيتون:

تقريبا الطريقة دي المفضلة او المنتشرة عند معظم البنات هو زيت الزيتون, وبالفعل هو من الحاجات الفعالة اللي بتساعد على نمو الرموش بشكل سريع, بس دلكي الرموش بكمية صغيرة من زيت الزيتون من الجذور للاطراف كل يوم قبل النوم, الرموش هتمتص كل المعادن والفيتامينات اللي موجودة في الزيت.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

7- فيتامين E:

فيتامين E كمان من العلاجات الفعالة جدا للرموش اللي بتساعد على نموها وبتطولها وتكثفها بشكل ملحوظ جدا, استخدميه بنفس طريقة زيت الزيتون ادهني منه الرموش كل يوم قبل النوم, ومن الاطعمة الغنية بفيتامين E الخضروات الورقية زي السبانخ والجرجير واللفت والخس والكرنب وغيرها من الخضروات, الافوكادو, السمك, البروكلي, البطاطا, الاعشاب المجففة زي الريحان والزعتر والبقدونس وغيرها من الاعشاب, والزيوت زي زيت الزيتون وزيت اللوز وزيت فول الصويا وزيت الذرة.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

8- ركزي على البروتين:

احيانا النظام الغذائي الصحي مش هيكون كافي لنمو الرموش لو جسمك مش بيحصل على بروتين كفاية اللي الفاكهة والخضار متقدرش تعوض نقصه وفي الحالة دي انتي محتاجة تزودي البروتين في نظامك الغذائي, ركزي على اكل السمك, والبيض لانهم يعتبروا مصادر ممتازة جدا للبروتين.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

9- متشديش الرموش:

احيانا احنا بنعمل حاجات غلط بتأذي الرموش زي خطوة ازالة المكياج وانتي بتشيلي الماسكارا متحاوليش تشدي الرموش او تفركيها بعنف لان ده ممكن يضرها ويخليها تضعف وتقع وتتكسر وكمان تتوقف عن النمو مرة تانية , دايما استخدمي كمية صغيرة من مزيل المكياج من غير فرك او شد للرموش هتديكي نتيجة افضل.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

10- مسرع الرموش:

في ماركة ماسكارا مسرع للرموش نازلة حاليا في السوق وتقريبا الماركة الوحيدة اللي نزلت النوع ده لحد دلوقتي هي ريميل Lash Accelerator بتساعد على نمو الرموش بشكل اسرع وبتساعد على تطويلها وتكثيفها من غير ما تضرها وسعرها تقريبا 120 جنية.

طرق طبيعية لتطويل وتكثيف الرموش
طرق طبيعية لتطويل وتكثيف الرموش

تساقط شعر الحواجب .. اعرفي اسبابه ووصفات لعلاجه والوقاية منه

تساقط شعر الحواجب .. اسبابه ونصائح ووصفات لعلاجه والوقاية منه
تساقط شعر الحواجب .. اسبابه ونصائح ووصفات لعلاجه والوقاية منه