15 حيلة جسدية مذهلة هتخليكي تحسي بشعور افضل وتحسن مزاجك

بقلمريهام محمود فيصحة visibility9010

جسم الانسان سبحان الله من اروع الانظمة اللي بتشتغل بشكل منظم ودقيق جدا, وفي حاجات كمان بسيطة جدا ممكن نعملها تحسن من عمل نظام الجسم, وده اللي هنعرفه النهاردة مع بعض هنقولكم مجموعة حيل جسدية رغم بساطتها لكن فعالة جدا انها تساعدك في التعامل مع بعض المشاكل الجسدية اللي ممكن تقابلك بشكل يومي, لو طبقتيها هتفرق معاكي جدا وتخليكي تحسي بشعور احسن وتحسن مزاجك.

حيل جسدية هتخليكي احسن وتحسن مزاجك:

1- علاج حساسية او حكة الحلق:

ساعات كتير بيجيلنا احساس حكة في الحلق وبيجي الاحساس ده خصوصا لما بيكون عندنا برد, وعلاج الحالة دي بسيط اوي وغريب, تم التوصل ان خدش او فرك الاذن يعتبر علاج فعال لحساسية الحلق لان ده بيحفز الاعصاب اللي بتسبب تشنجات العضلات واللي بدورها هتساعد على التخلص من شعور حكة الحلق.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

2- تعملي ايه لو مش سامعة كويس:

تعملي ايه لو مش سامعة حد كويس؟ الحل بسيط جدا انك تحاولي تسمعي بودنك اليمين, لان الودن اليمين وظيفتها الاساسية التعرف على الكلام بشكل افضل, والودن الشمال اكتر للموسيقى والملاحظات, وده بسبب ان الدماغ كل جزء فيه بيشتغل بشكل مختلف وليه وظيفة مختلفة  لكل جزء في الجسم.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

3- تعملي ايه لو بتخافي من الحقن:

معظمنا تقريبا بنخاف من الحقن جدا ومعظمنا بيفضل اي علاج تاني غير الحقن بس ساعات بنكون مضطرين ناخدها او بتكون هي العلاج الوحيد للحالة, عشان كده النهاردة هنقولك على حيلة بسيطة تعمليها لما تيجي تاخدي الحقنة هتساعدك تتجنبي الالم وهي انك تكحي اثناء وانتي بتاخدي الحقنة, واثبتت الابحاث ان الاشخاص اللي بتستخدم حيلة الكحة اثناء اخد الحقنة بيحسوا بألم اقل من الاشخاص اللي مش بيستخدموها, وده بيحصل لان الكحة بتسبب رفع مفاجيء في ضغط الدم اللي بيساعد على السيطرة على النخاع الشوكي وبتعطل قدرته على نقل مشاعر الالم.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

4- علاج انسداد الانف:

انسداد الانف من اكتر الاعراض اللي بتحصلنا لما بنتعرض لنزلة برد او انفلونزا وبتخلينا متضايقين ومش عارفين نتنفس, لكن النهاردة ممكن نحلها بحيلة بسيطة جدا خلي لسانك يلمس سقف الفم وفي نفس الوقت اضغطي بين الحاجبين بصوباع واحد لمدة 20 ثانية, الجركة دي هتعالج انسداد الانف لانه بيساعد على فتح مجرى التنفس.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

5- تعملي ايه لو اكلتي كتير قبل النوم على طول:

احنا دايما بنقول ان الاكل قبل النوم على طول من اكتر الحاجات المضرة لانها مش بس بتسبب زيادة في الوزن كمان ممكن تسبب حرقة المريء وبالتالي ده هيأدي للارق ومش هنعرف ننام كويس, بس لو اضطريتي تاكلي في وقت متأخر اوي قبل ما تنامي ممكن تتجنبي الحرقة بحيلة بسيطة انك تنامي على جنبك الشمال وبالطريقة دي المعدة هتكون في مستوى اقل او منخفض عن المريء وده هيخلي فيه صعوبة ان الحامض يوصل للحنجرة, لكن اكيد نصيحتنا انك متاكليش قبل النوم على طول والافضل تكون اخر وجبة قبل النوم بساعتين او تلات ساعات.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

6- التخلص من الم الاسنان:

لو حاسه بألم في الاسنان لكن في نفس الوقت مش قادرة تروحي لدكتور الاسنان في الوقت ده ممكن تعملي حيلة بسيطة تخلصك من الم الاسنان, هاتي مكعب تلج وافركيه على ضهر الايد في المنطقة ما بين الابهام والسبابة, لو الالم خفيف هيخليه يروح ولو قوي هيخففه تقريبا للنص, والطريقة دي بتحفز الاعصاب في الجزء ده وبتمنع اشارات الالم انها توصل للمخ.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

7- تعملي ايه مع نزيف الانف:

لو بتعاني من اي نزيف في الانف, هاتي قطعة قطن واضغطي بيها على اللثه العليا خلف منطقة تحت الانف النزيف هيتوقف لانك بالطريقة دي هتسدي الشريان اللي مسبب لك النزيف, لكن لو النزيف متوقفش بالطريقة دي خلال من 5 – 10 دقايق يبقى في الحالة دي لازم تروحي للدكتور.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

8- علاج الحروق:

عشان تتخلصي اولا من الم الحرق اضغطي على المنطقة المصابة بصوباعك, واحسن طريقة عشان تهدي الحرق وتخليه يختفي من غير ما يسيب اثر هي الطريقة القديمة بالمية الباردة او التلج تعتبر افضل طريقة فورية لعلاج الحرق.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

9- تعملي ايه لو حاسة بتوتر قوي جدا:

لو حاسة بتوتر شديد جدا لاي سبب ممكن تتخلصي منه بحيلة بسيطة وفعالة جدا, انفخي على صوباعك الابهام, الابهام بيحتوي على النبض الخاص بالجسم والطريقة دي هتبطأ نبض الابهام وبالتالي ده هيأدي لتهدئة ضربات القلب ويبطئها, ومش بس كده الحركة دي هتخليكي تستنشقي بشكل اعمق وليها كمان تأثير مهديء للاعصاب.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

10- التخلص من تجميد الدماغ:

ساعات بتحصل الحالة دي وهي عبارة عن صداع قوي بيجي لما بتاكلي او بتشربي حاجة سقعة اوي بسرعة وبتحصل لان الاعصاب على سطح الفم بتتجمد وفي الحالة دي المخ بيقرر ان الجسم كله محتاج لتبريد وردا على ده الجسم بيعمل رد فعل عكسي وبيسخن وبتحصل حالة صداع, وعشان تتخلصي من الحالة دي وتدفي سقف الفم وتتخلصي من الالم, اضغطي بلسانك ضد سقف الفم وغطيه باكبر قدر ممكن لمدة دقايق او لحد ما تحسي انك ارتاحتي والالم اختفى.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

11- تعملي ايه لو ايدك نملت:

تنميل الايد من الحاجات اللي بتحصلنا كتير لما نسند على ايدينا فترة طويلة زيادة عن اللزوم والاحساس بتخدير الاطراف ده بيحصل لاننا بنبقى ضاغطين على الاعصاب, وعشان تتخلصي من التنميل لازم تنشطي الاعصاب المسؤولة عن نقل الاشارات من الايد للدماغ وده هيحصل من خلال تشغيل الرقبة عشان كده احسن طريقة انك تعملي ستريتشنج للرقبة يعني تمديها لفوق وتنزليها لتحت هتساعدك على التخلص من التنميل.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

12- ازاي تنامي اسرع:

دي يمكن تكون طريقة غريبة وجديدة للنوم اسرع وهو انك تصحي اسرع الصبح يعني اول ما تصحي من النوم تقومي من السرير فورا ومتحاوليش تنامي تاني حتى لو لسه حاسه انك نعسانة وعايزة تنامي, لان ده هيساعد جسمك لا شعوريا انه يربط السرير مع النوم, حافظي على العادة دي وشوفي النتيجة مع الوقت هتلاقي نفسك بتنامي اول ما تحطي راسك على المخدة.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

13- ازاي تحفظي حاجة بسرعة:

لو في حاجة عايزة تحفظيها بسرعة ومتنسيهاش كرريها اكتر من مرة بينك وبين نفسك قبل النوم على طول, لان اثناء النوم الدماغ بتحفظ كل المعلومات اللي دخلت لها كلها خلال فترة النهار وبتخزنها في ترتيب منطقي, وبيحفظ بعض منها كمان في الذاكرة طويلة الامد يعني اللي ممكن تفتكريها بعد فترة طويلة, بعد الحركة دي هتقومي الصبح هتلاقي نفسك حافظة اللي انتي كنتي بتقوليه قبل ما تنامي كويس جدا ومش هتنسيه.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

14- تجنب الالم اثناء الجري:

لو بتمارسي رياضة الجري في ساعات كتير بيحصل انه بيجي الم او نخزة جامدة في الجنب الشمال اثناء الجري لانه بيحصل ضغط على الكبد بيسبب الالم ده, لكن الاحساس ده ممكن تتجنبيه بسهولة وانتي بتجري بانك تطلعي الزفير لما رجلك الشمال تلمس الارض في الحالة دي مش هيحصلك اي الم.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

15- ازاي تغطسي فترة اطول:

عشان تغطسي تحت المية فترة اطول, بدل ما تاخدي نفس واحد طويل خدي انفاس قصيرة سريعة قبل ما تغطسي تحت المية الطريقة دي هتديكي تقريبا 10 ثواني زيادة لان التنفس بالطريقة دي بيخلي الدماغ يفترض او بيديه شعور انه في كمية كافية من الاوكسجين في الجسم وده هيديكي فرصة تفضلي تحت المية فترة اطول.

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

ازاي تستعدي للنوم .. الحاجات اللي لازم تعمليها وتتجنبيها قبل النوم

افضل طريقة للتحضير للنوم