7 وصفات حلويات قليلة الدسم لو مش عايزة تتخني

بقلمريهام محمود فيحلويات visibility3938

لو متبعة نظام غذائي او رجيم ولو بتحبي الحلويات ومش عايزة تتخني او وزنك يزيد جربي معانا 7 وصفات حلويات قليلة الدسم لذيذة جدا وفي نفس الوقت هتاكلي منها من غير ما تخافي ان وزنك يزيد لان كل صنف نسبة الدهون فى القطعة الواحدة منه او المربع اقل من 10 جرام.

وصفات حلويات قليلة الدسم:

1- كيكة الجنزبيل:

المقادير:

  • – ½ كوباية سكر.

– ½ كوباية عصير تفاح.

  • – 2 معلقة كبيرة زيت نباتي.

– 2 بيضة كبيرة.

  • – 1 كوب عسل اسود.

– 1 ½ كوباية دقيق.

  • – ½ كوباية بذور كتان مطحونة.

– ½ كوباية جنين القمح محمص ومطحون.

  • – 2 معلقة صغيرة صودا الخبز “كربوناتو”.

– من ½ – 1 معلقة صغيرة قرفة مطحونة.

  • – من ½ – 1 معلقة صغيرة قرنفل.

– من ½ – 1 معلقة صغيرة من الجنزبيل.

  • – ¼ معلقة صغيرة ملح.

– 1 كوب مية سخنة.

  • – 1 معلقة كبيرة سكر بودرة “اختياري”.

– شرايح تفاح “اختياري”.

طريقة التحضير:

اخلطي السكر وعصير التفاح والزيت مع بعض واضربيهم في الخلاط وبعدين ضيفي بيضة واضربيها مع المكونات وبعدين ضيفي البيضة التانية واضربي المكونات تاني كويس ضيفي الخليط ده للعسل الاسود, اخلطي الدقيق مع بذور الكتان وجنين القمح والكربوناتو والقرفة والقرنفل والملح وبعدين تضيفي خليط الدقيق والمية السخنة واحدة واحدة لخليط السكر اللي احنا جهزناه بالتبادل يعني ضيفي شوية من خليط الدقيق وبعدين ضيفي شوية من المية وبعدين خليط الدقيق تاني وهكذا وخلي اخر اضافة تبقى خليط الدقيق وقلبي المكونات كلها مع بعض كويس, هاتي صينية ادهنيها زيت وصبي الخليط فيها على درجة حرارة 350 لمدة 30 دقيقة لو لحد ما تيجي تختبريها وتدخلي فيها السكينة وتطلع من غير عجين كده تبقى استوت وبعدين طلعيها وقطعيها, وممكن ترشي عليها سكر بودرة وتقدميها مع شرايح التفاح.

نسبة الدهون في القطعة الواحدة: 6.1 جرام.

وصفات حلويات قليلة الدسم
وصفات حلويات قليلة الدسم
وصفات حلويات قليلة الدسم
وصفات حلويات قليلة الدسم

2- كريم كراميل جوز الهند والاناناس:

المقادير:

  • – 1/3 كوباية سكر.

– 3 معالق كبيرة مية.

  • – 3 بيضات كبيرة.

– 1 بياض بيضة كبيرة.

  • – 1 2/3 كوباية لبن قليل الدسم.

– ½ كوباية سكر.

  • – 1/3 كوباية كريمة جوز الهند.

– 2 معلقة صغيرة فانيليا.

  • – 1/8 معلقة صغيرة ملح.

طريقة التحضير:

اخلطي السكر مع المية في طاسة على نار متوسطة وقلبيهم لحد ما السكر يدوب واللون يتحول لدهبي تقريبا هتاخد 10 دقايق, هاتي القوالب اللي هتعملي فيها ادهنيها زيت وصبي فيها خليط السكر لحد ما يغطي قاع القالب كله.

في طبق اخلطي البيض وبياض البيض اضربيهم كويس مع بعض وبعدين ضيفي لهم اللبن والسكر وكريمة جوز الهند والفانيليا والملح وقلبي المكونات كويس مع بعض وصبيه بالتساوي على القوالب وحطيها في صينية وصبي في الصينية مية سخنة لحد 1/3 القالب كده ودخليهم الفرن على 325 درجة لمدة 50 دقيقة او لحد ما تختبريها وتحطي السكينة وتطلع نضيفة, طلعيها من الفرن وحطيها في التلاجة على الاقل 4 ساعات وبعدين اقلبيها على طبق وقدميها مع اناناس مقطع.

نسبة الدهون في القطعة: 6.9 جرام.

وصفات حلويات قليلة الدسم
وصفات حلويات قليلة الدسم
وصفات حلويات قليلة الدسم
وصفات حلويات قليلة الدسم

3- براونيز كريمة الجبن:

مقادير البراونيز:

  • – ½ كوباية زبدة طرية.

– 1 ½ كوباية سكر.

  • – 1 معلقة صغيرة فانيليا.

– 2 بياض بيضة كبيرة.

  • – 1 بيضة كبيرة.

– 2/3 كوب كاكاو غير محلى.

  • – ½ كوباية لبن خالي من الدسم.

– 1 ½ كوباية دقيق.

  • – ½ معلقة صغيرة بيكنج بودر.

– ¼ معلقة صغيرة ملح.

للتزيين:

  • – كوباية جبنة كريمي قلية الدسم “ممكن نستخدم فيلادلفيا لايت”.

– 1 معلقة كبيرة نشا.

  • – معلقة صغيرة فانيليا.

– كوباية لبن مكثف خالي من الدسم.

  • – بيضة كبيرة.

طريقة تحضير عجينة البراونيز:

حطي الزبدة في طبق واضربيها بالمضرب الكهربائي على سرعة متوسطة لحد ما تلاقيها بقت خفيفة معاكي ضيفي لها السكر والفانيليا واضربيهم مع بعض كويس لمدة 5 دقايق تقريبا, ضيفي البيض وبياض البيض واضربيهم تاني, بوعدين ضيفي الكاكاو واللبن واضربي الخليط بعد كل اضافة, اخلطي الدقيق مع البيكنج بودر والملح وضيفيه على خليط الكاكاو واضربيهم على سرعة منخفضة لحد ما كل المكونات تندمج كويس وصبي الخليط في صينية الفرن.

تحضير التزيين:

حطي الجبنة في طبق اضربيها بالمضرب الكهربائي على سرعة متوسطة لحد ما تبقى ناعمة وضيفي لها بالتدريج النشا وباقي المكونات واضربيهم مع بعض كويس لحد ما يبقى الخليط كريمي ناعم وزعيه بالتساوي على العجين من فوق وحطيه في الفرن على 350 درجة لمدة 35 دقيقة او لحد ما تستوي.

نسبة الدهون في القطعة: 4.2 جرام.

وصفات حلويات قليلة الدسم
وصفات حلويات قليلة الدسم

4- كيكة مزدوجة بالكراميل:

مقادير الكيك:

  • – 1 ½ كوب مية مغلية.

– ¾ كوب كاكاو غير محلى.

  • – 1 ½ كوب سكر.

– 6 معالق كبيرة زبدة طرية.

  • – 1 معلقة صغيرة فانيليا.

– 2 بيضة كبيرة.

  • – 1 2/3 كوب دقيق.

– 1 معلقة صغيرة صودا الخبز “الكربوناتو”.

  • – ¾ معلقة صغيرة بيكنج بودر.

– ¼ معلقة صغيرة ملح.

الحشو:

  • – 2 معلقة كبيرة زبدة.

– ¼ كوباية سكر بني.

  • – من 2 – 3 معالق كبيرة لبن خالي الدسم.

– 2 معلقة صغيرة فانيليا.

  • – 2 كوب سكر بودرة.

التزيين:

  • – 2/3 كوب كراميل خالي من الدسم.

– ¼ كوباية مكسرات محمصة ومفرومة.

طريقة تحضير الكيك:

اخلطي الكاكاو مع المية المغلية قلبيهم كويس وسيبيهم لحد ما يبردوا خالص.

اخلطي السكر والزبدة والفانيليا واضربيهم مع بعض بالمضرب الكهربا على سرعة متوسطة حوالي 5 دقايق, ضيفي البيض واضربيهم تاني, اخلطي الدقيق مع الكربوناتو مع البيكنج بودر والملح وقلبيهم مع بعض, وبعدين ضيفي خليط الدقيق والكاكاو لخليط السكر بالتبادل يعني ضيفي شوية من خليط الدقيق وبعدين شوية من الكاكاو وهكذا لحد ما تنتهي الكمية واخر اضافة تبقى خليط الدقيق.

هاتي صينية ادهنيها زيت وحطي ورق زبدة او ادهني ورق الزبدة بالزيت وحطيه في الصينية وبعدين صبي فيها العجين وحطيها في الفرن على درجة 350 لمدة 30 دقيقة او لحد ما تستوي وعدين نطلعها ونسيبها تبرد.

اثناء الفترة دي نحضر الحشو هندوب الزبدة في طاسة على نار متوسطة ونضيف لها السكر البني واللبن ونقلبها على النار لمدة دقيقة او لحد ما السكر يدوب ونرفعها من على النار ونسيبها تبرد شوية, وبعدين نضيف عليها الفانيليا والسكر البودرة بالتدريج ونضربهم مع بعض على سرعة متوسطة  لحد ما يبقى الخليط ناعم ولو لقتيها سميكة اوي ممكن تضيفي لها معلقة لبن وتضربيها لحد ما تبقى ناعمة وسمكها معقول.

اقطعي الكيك من النص خليها طبقتين وحطي نص الحشو بينهم ومن فوق حطي باقي الحشو ورشي عليها الكراميل والمكسرات.

نسبة الدهون في القطعة: 8.4 جرام.

وصفات حلويات قليلة الدسم
وصفات حلويات قليلة الدسم

5- جرانيتا البرقوق والريحان:

المقادير:

  • – كوباية مية.

– 2/3 كوباية سكر.

  • – ¼ معلقة صغيرة فانيليا.

– معلقة صغيرة قرفة مطحونة.

  • – ¾ كيلو برقوق مقطع.

– 2 معلقة كبيرة عصير ليمون.

  • – ¾ كوباية ريحان.

طريقة التحضير:

اخلطي المية مع السكر والفانيليا والقرفة والبرقوق وعصير الليمون في طاسة على حرارة متوسطة لعالية ولما يغلي خفضي درجة الحرارة وسيبيه على النار لمدة 15 دقيقة مع التقليب او لحد ما الخوخ يبدأ يتفكك وينعم ارفعيه من على النار وحطيها في طبق كبير فيه مية سقعة او مية فيها تلج عشان يبرد, وبعدين اضربي خليط البرقوق في الخلاط وبعدين صفيه على طبق بمنخل ناعم او مصفى واتخلصي من المواد الصلبة وخلي السائل اللي طلع عندك بس غطيه وحطيه في الفريزر لحد ما يتجمد خالص.

نسبة الدهون: 0.1 جرام.

وصفات حلويات قليلة الدسم
وصفات حلويات قليلة الدسم

6- خوخ بالزبادي:

المقادير:

  • – معلقة صغيرة فانيليا.

– 1 كوباية زبادي قليلة الدسم.

  • – 5 ½ معلقة سكر بني.

– 1/8 معلقة صغيرة ملح.

  • – 3 معالق كبيرة لبن خالي الدسم.

– 4 ثمرات خوخ ناضجة “طرية” متقطعة نصين.

طريقة التحضير:

سخني الفرن على درجة حرارة 350, اخلطي السكر والزبادي والملح واللبن والفانيليا قلبيهم مع بعض كويس, هاتي قالب صغير حطي فيه ورقة زبدة ورصي الخوخ وبعدين حطي عليه نص خليط الزبادي والسكر اللي حضرناه وحطيه في الفرن على درجة حرارة 350 لمدة 10 دقايق وبعدين طلعيه وحطي عليه باقي خليط الزبادي والسكر وحطيه 10 دقايق كمان لحد ما الخوخ يطرى, وممكن تشربي مع الطبق عصير اي نوع تفضليه.

نسبة الدهون: 1.8 جرام.

وصفات حلويات قليلة الدسم
وصفات حلويات قليلة الدسم

7- كيكة مربى التوت:

المقادير:

  • – كوباية زبدة طرية غير مملحة.

– 1 ¼ كوباية سكر.

  • – 4 بيضات كبيرة.

– معلقة صغيرة فانيليا.

  • – 3 كوب دقيق.

– معلقة صغيرة صودا الخبز “الكربوناتو”.

  • – 1 ½ معلقة صغيرة قرفة مطحونة.

– 1 معلقة صغيرة جوزة الطيب مطحونة.

  • – 1 معلقة صغيرة جنزبيل.

– 1 كوب لبن.

  • – 1 كوب مربى توت “ممكن نستبدلها بمربى الفراولة”.

– 2 كوب توت طازة “او فراولة طازة”.

طريقة التحضير:

اخلطي الزبدة والسكر واضربيهم بالمضرب الكهربائي على سرعة متوسطة لحد ما المكونات تزيد, ضيفي البيض واحدة واحدة واضربي المكونات بعد كل اضافة وبعدين ضيفي الفانيليا.

اخلطي الدقيق مع الكربوناتو والقرفة وجوزة الطيب والجنزبيل وضيفيه لخليط الزبدة والسكر بالتبادل مع اللبن يعني شوية خليط من الدقيق وبعدين اللبن وتكون اخر اضافة خليط الدقيق واضربيهم مع بعض كويس على سرعة متوسطة بعد كل اضافة, وبعدين ضيفي له المربى ومن غير ما تقلبيه, صبي الخليط في صينية مدهونة حطيها في الفرن على درجة حرارة 350 لمدة ساعة او لحد ما تستوي كويس, وبعد ما تطلعيها زينيها من فوق بثمرات الفاكهة الطازة وممكن تزودي كريم شانتيه حسب ما تفضلي.

نسبة الدهون في القطعة: 6.9 جرام.

وصفات حلويات قليلة الدسم
وصفات حلويات قليلة الدسم

13 اكلة سهلة ممكن تعمليهم في مج لو مش عايزة تاكلي كتير

اكلات سهلة تعمليها في مج
اكلات سهلة تعمليها في مج