موضة اكسسوارات الـ choker وازاى تدخليها فى الستايل بتاعك

بقلمآية حسان فيموضة وأزياء visibility1523

موضة الـ choker رجعتلنا تانى من التسعينات وبقوة، وشفنا كتير من الممثلات والنجمات بيلبسوها فى ستايلات مختلفة، سواء كانت كاجوال او حتى سواريه! ولانه الـ choker بتعتبر من الاكسسوارات اللى بتحتاج شوية جرأة علشان تدخليها فى الستايل بتاعك بسبب شكلها المختلف والمميز، فى المقال ده هنساعدك .. اعرفى معانا ايه هى موضة اكسسوارات الـ choker  فى 2017 وازاى تدخليها فى الستايل بتاعك علشان تعملى لوك مختلف ومميز فى كل مرة.

موضة اكسسوارات الـ choker وازاى تدخليها فى الستايل بتاعك :

اختارى القطع البسيطة:

حاولى تختارى قطع الـchoker البسيطة من غير تفاصيل كتيرة او احجام كبيرة، ممكن تجربى تلبسيى الـchoker الرفيعه مع جاكت SUEDE  مثلا، لفى الـchoker الطويل حوالين رقبتك اكتر من مرة او اربطيه على شكل فيونكة من قدام.

اختارى القطع البسيطة

اختارى الـ choker بلعبة صغيرة :

جربى تعملى ستايل جديد بإنك تلبسي choker رفيعة بلعبة بسيطة زى اللى فى الصورة، او ممكن كمان تلبسي الـ chain choker وهى اللى بيبقى معاها سلسلة علشان تبقى لابسة قطعة اكسسوار مختلفة فى شكلها وبتجمع بين ستايلين فى نفس الوقت.

اختارى الـ choker بلعبة صغيرة

اختارى الحجم الصغير: 

ممكن كمان تختاريه بالحجم الصغير علشان تخلى الـ neckline او فتحة الفستان هادية من غير ما يبقى فيها اكسسوار بتفاصيل كتيرة، الحجم الصغير مناسب جدا مع بلوزة حرير او شيفون و كمان مع الفساتين السواريه البسيطة.

اختارى الحجم الصغير

جربى الـ choker مع السلسة القصيرةوسكارف طويل:

لو لسه مقلقة من شكل الـchoker هيطلع ازاى عليكى، جربى تلبسيها مع سلسة قصيرة بلون دهبى مثلا ولعبة بسيطة وصغيرة مع سكارف طويل ملفوف حوالين رقبتك مرة واحدة بس وسيبيه يتحرك بحرية من غير ما تثبتيه او تربطيه تانى ، لكن خدى بالك انه السلسلة تكون قصيرة اوى بحيث ماتكونش فارقة فى طولها كتير عن الـchoker علشان ماتكونيش خرجتى برة الموضة.

جربى الـ choker مع السلسة القصيرة

جربى الـ choker مع السكارف:

بما انه موضة السكارف مابتبطلش ابدا ومابنعرفش نستغنى عنه صيف او شتا، ممكن تجربى تلبسي choker مع سكارف حرير او ستان حوالين رقبتك. ستايل choker مع سكارف بيعتبر مناسب جدا لستايلك فى خروجاتك بالليل، لكن كمان تقدرى تلبسيه بالنهار فى خروجاتك مع اصحابك او خروجاتك النهارية.

جربى الـ choker مع السكارف

جربى تلبسي الـ layered choker :

جربى تلبسي choker بطبقات او layered choker علشان تعملى لوك سيمبل ومختلف، اشترى choker طويلة ولفيها حوالين رقبتك على مرتين او تلاته علشان تعملى لوك زى اللى فى الصوة، 

جربى تلبسي الـ layered choker

شوفى كمان موضة اكسسوارات الـ body chain وستايلاتها المختلفة