موضة اكسسوارات الـ body chain وستايلاتها المختلفة
الـ body chain من قطع الاكسسوارات اللى شوفنا كتير من الممثلات المشهورين على الـ red carpet بيعتمدوا عليها فى انهم يكملوا الستايلات بتاعتهم، ولكن فى نفس الوقت بنلاقى كتير مننا مابيدوش قطعة الاكسسوار دى حقها وبنتردد ويمكن حتى بنخاف نستخدمها وده لانه يمكن علشان شكلها جرئ ومختلف شوية عن الحجم العادى للاكسسوارات اللى احنا متعودين عليها، لكن الحقيقه هى انه الـ body chain من اسهل الطرق اللى تقدرى تحولى بيها اى قطعة ملابس عندك بسيطة وهادية لقطعة ملابس شكلها مختلف و stylish جدا، وكمان مابتبقيش متحددة بانك تلبسي بلوزة او فستان بـ neckline معين، وده لانها بتتلبس على اى ستايل تتخيليه علشان تطلعى بلوك مذهل! وعلشان كده بنات حوا هتعرفك على البوم فيه ستايلات واشكال مختلفة تختارى منهم الـ Body Chain اللى تحبيها … يلا شوفيهم وقوليلنا رأيك :)
