9 خدع نفسية هتخليكي شخصية جذابة جدا

ريهام محمود
ريهام محمود
53507

“جيف هادن” ده واحد من اكتر الشخصيات شعبية على موقع LinkedIn, ومؤلف كتب عن الاتصالات هيقولنا الصفات اللي المفروض تكون موجودة في الشخصية الجذابة, وازاي بسهولة تقدري تكسبي ثقة الناس اللي حواليكي وتخلقي صورة ايجابية عن نفسك وتبقي شخصية محبوبة وليكي شعبية, من خلال 9 خدع نفسية هتخليكي شخصية جذابة جدا.

خدع نفسية هتخليكي شخصية جذابة جدا:

1- مش بيخافوا من فقد اي حاجة:

الشخصيات الجذابة من اول صفاتهم انهم مش بيحاولوا يكسبوا كل حاجة, بالعكس هما بيدوا ومن غير ما يتوقعوا او يستنوا ان الحاجة دي ترجع لهم او ينتظروا اي حاجة في المقابل, ممكن يعترفوا باخطائهم ونقط ضعفهم بسهولة ودي اكيد حاجة مش اي شخص بيقدر يعملها, ممكن يقولوا بسهولة لاي حد “انا غيران منك” او “معرفش اعمل كذا ممكن تعلمني” يعني متصالحين مع نفسهم جدا وعارفين ان معظم الناس بتقدر الصدق والمشاعر الحقيقية.

خدع نفسية هتخليكي شخصية جذابة جدا 1
خدع نفسية هتخليكي شخصية جذابة جدا 1

2- بيظهروا سعادتهم لمقابلتك:

الاتصال بالعين في اي محادثة مهم جدا عشان تقدري تفهمي اللي قدامك, والشخصيات الجذابة واللي عندها كاريزما هتلاقيهم بيضحكوا معاكي لما بتضحكي اثناء الحديث بيكشروا لما بتكشري وده مش تقليد للحركات لكن هما بيكونوا مركزين في كلامك وبيستمعوا بعناية ومتفاعلين معاكي جدا ومع ردود افعالك ومهتمين بمشاعرك وبكلامك, والطريقة دي بتخلق ارضية مشتركة اثناء المحادثة وبتخليكي تكسبي ثقة اللي قدامك.

خدع نفسية هتخليكي شخصية جذابة جدا 2
خدع نفسية هتخليكي شخصية جذابة جدا 2

3- بيدوروا على التفاهم المتبادل:

معظم الناس من غير وعي منهم هنلاقيهم دايما بيدوروا على نقط الاختلاف والتناقضات بينهم اللي ممكن تأدي في اخر المحادثة او النقاش لخلاف بينهم, لكن الشخصيات الجذابة بتتميز بعكس ده تماما هما دايما بيسعوا لارضية مشتركة مع كل الناس, وبيحاولوا يلاقوا شيء مشترك مع اللي قدامهم وده بيساعد على بداية محادثة مثمرة ومثيرة للاهتمام وبتخلي المحادثة كلها مشاعر ايجابية.

خدع نفسية هتخليكي شخصية جذابة جدا 3
خدع نفسية هتخليكي شخصية جذابة جدا 3

4- بيستخدموا قوة اللمس:

اللمس يعتبر اداة قوية جدا تساعد الناس على فهم عواطف بعض بشكل افضل, وفي تجربة عملها العلماء عن اختبار قوة اللمس من غير كلام خالص اكتشفوا من التجربة ان من 50 – 83% من الحالات قدروا يعبروا ويفهموا عواطف بعض من مجرد اللمس بس من غير ولا كلمة, عشان كده لو حابه مثلا تهني شخص بحاجة معينة بشكل افضل يبقى بالمصافحة او بالحضن وده اكيد بيعتمد على الوضع والمناسبة, واللمس بيساعد على تأكيد صدق الكلام, والتعبير عن العواطف بشكل صح, وكسب ثقة اللي قدامك.

خدع نفسية هتخليكي شخصية جذابة جدا 4
خدع نفسية هتخليكي شخصية جذابة جدا 4

5- جيدين في استخدام تعبيرات الوش والايماءات:

الشخصيات الجذابة بيعبروا عن مشاعرهم بشكل جيد جدا وبدقة, يعني ممكن اكتر قصة او حوار ممل في الدنيا ممكن يحولوها بطريقتهم في التعبير وايماءتهم واشاراتهم “بشكل مناسب اكيد” لحوار مثير للاهتمام وممتع جدا, وده اكيد بيخلي الحوار ايجابي جدا.

خدع نفسية هتخليكي شخصية جذابة جدا 5
خدع نفسية هتخليكي شخصية جذابة جدا 5

6- مش بيخافوا يظهروا بشكل مضحك:

مش بيخافوا يظهروا بشكل مضحك او ان اللي حواليهم يضحكوا بسبب تصرفاتهم, وبالعكس ده بيزود احترام الناس اللي حواليهم لانهم  لما بيظهروا نقط ضعفهم عادي من غير ما يخافوا اللي حواليهم مش هيضحكوا عليهم او على تصرفاتهم لكن هيضحكوا معاهم لانهم عارفين ان الموضوع عادي بالنسبة لهم ومش هيضايقهم.

خدع نفسية هتخليكي شخصية جذابة جدا 6
خدع نفسية هتخليكي شخصية جذابة جدا 6

7- جيدين في طرح الاسئلة:

الشخصيات الجذابة ممكن تخليكي تتكلمي عن نفسك بسهولة جدا في اي قعدة او حوار لانهم جيدين جدا في طرح الاسئلة ومش بيترددوا انهم يسألوا اي سؤال يجي في بالهم, وبيتكلموا بصراحة عن نفسهم, وبيقدروا يخلوك تثق فيهم وتتكلم عن اللي بتفكر فيه بكل سهولة, يعني مثلا لو بتتكلمي مع شخص في موضوع وبتسأليه في حاجة معينة ممكن تقولي حاجة مماثلة او مشابهة للموضوع اللي بتتكلموا فيه عن نفسك وبالتالي هتظهري للي قدامك ان في حاجة مشتركة بينكم ممكن يكون موضوع مثير للاهتمام للمحادثة.

خدع نفسية هتخليكي شخصية جذابة جدا 7
خدع نفسية هتخليكي شخصية جذابة جدا 7

8- دايما بيفتكروا الاسماء:

الشخصيات الجذابة دايما بيفتكروا الاسماء والتفاصيل الصغيرة والدقيقة جدا, يعني لو شخص يعرفك من فترة قصيرة او قابلك مرة واحدة بس وهتلاقيه فاكر اسمك وبيقوله اثناء المحادثة بينكم اكيد ده هيحسسك بأهميتك اكتر, يعني تذكر اسماء الاصحاب او الاقارب او اي شخص تعرفيه ده هيخلي اللي حواليكي يفكروا فيكي بشكل ايجابي جدا.

خدع نفسية هتخليكي شخصية جذابة جدا 8
خدع نفسية هتخليكي شخصية جذابة جدا 8

9- بيسمعوا اكتر ويتكلموا اقل:

معظم الناس في الغالب مش بيسمعوا او بيكون معندهمش حسن الاستماع بيبقوا عايزين يتكلموا اكتر ويقولوا الاخبار الخاصة بيهم, فاكيد هيكون احساس رائع جدا لما تكوني بتقولي حاجة تخصك وتلاقي اللي حواليكي مهتمين يسمعوكي بعناية جدا وبيردوا على كلامك ومتفاعلين معاكي, عشان كده الاستماع اكتر من الكلام يعتبر من صفات الشخصيات الجذابة, وده كمان بيساعدهم يعرفوا شخصية اللي قدامهم اكتر ويعرفوا حاجات اكتر عنهم, وده اكيد هيخليهم يلاقوا نقط مشتركة بينهم اكتر.

خدع نفسية هتخليكي شخصية جذابة جدا 9
خدع نفسية هتخليكي شخصية جذابة جدا 9

15 طريقة غير عادية وفعالة جدا لتحسين مهارات التواصل في شخصيتك

تحسين مهارات التواصل
تحسين مهارات التواصل

مقالات متعلقه

50 سؤال تسألهم لحبيبتك عشان تعرفها بشكل افضل

50 سؤال تسألهم لحبيبتك عشان تعرفها بشكل افضل

تفضلي سينجل افضل من المحاربة في علاقة غلط ، اعرفي السبب

تفضلي سينجل افضل من المحاربة في علاقة غلط ، اعرفي السبب

اهم اسرار الزواج الناجح ، وازاي تظهروا احترامكم لبعض

اهم اسرار الزواج الناجح ، وازاي تظهروا احترامكم لبعض