20 نوع اكل لو اكلتيهم مع بعض هتستفادي منهم اكتر
اكيد في اكلات كتير مفيدة لينا لو اكلناها لوحدها لكن احنا النهاردة جايبين لكم مجموعة اكلات لو اكلتيها مع بعض هتفيدك اكتر لان اكلهم مع بعض هيساعد اكتر على امتصاص المواد الغذائية بشكل اكبر.
اكلات لو اكلتيها مع بعض هتفيدك اكتر:
1- التفاح والشوكولاتة الغامقة:
ممكن يكون اكل التفاح مع الشوكولاتة الغامقة تركيبة غير تقليدية ومحدش فكر ياكلهم مع بعض قبل كده لكن الانزيمات اللي موجودة في التفاح لما بتتفاعل مع المواد المضادة للاكسدة ممكن تعمل المعجزات للصحة من تعزيز المناعة, وتحفيز نشاط الدماغ, وتحسين صحة القلب والاوعية الدموية, وتقليل خطر الاصابة بالسرطان.
2- الشوفان وعصير البرتقان الطازة:
الشوفان وعصير البرتقان يعتبروا مصدرين ممتازين جدا لعنصر الفينول اللي بيساعد على تحسين الجهاز الهضمي, وبينضف الجسم من الفضلات والسموم.
3- اللحمة والكرنب:
اللحمة وخصوصا اللي بيكون فيها دهون او دسمة برغم ان اكلها بشكل مستمر مش صحي لكن في نفس الوقت بتحتوي على السيلينيوم اللي بيساعد على منع نمو الخلايا السرطانية, ولو اكلتي اللحمة مع الكرنب ده بيزود من فعالية السيلينيوم 13 مرة اكتر من انك تاكليها لوحدها.
4- الطماطم والكبدة:
نقص الحديد في الجسم ممكن يسبب مشاكل صحية كتير زي الشعور بالضيق والتعب المزمن, وخفض معدل الايض, ومشاكل في القلب والاوعية الدموية, وبرغم ان الكبدة غنية جدا بالحديد لكن الجسم مش هيمتص الحديد ده بشكل كامل من غير فيتامين C وهنا يجي دور الطماطم لانها يتحتوي على حامض الاسكوربيك اللي هيساعد الجسم على امتصاص الحديد بشكل كامل.
5- البقدونس والليمون:
البقدونس غني جدا بالحمضيات والحديد اللي موجود فيه بيحسن من امتصاص فيتامين C في مجرى الدم والفيتامين ده هو المسئول عن تعزيز نظام المناعة, وتحسين التمثيل الغذائي اللي بيساعد على انقاص الوزن.
6- الخضار والزبادي:
الزبادي الطبيعية الخالية من الالوان والمواد الحافظة والسكر غنية جدا بالكالسيوم المعروف في تحسين وظايف المعدة والامعاء الدقيقة, واكل الزبادي مع الخضار زي مثلا الكرفس او الجزر بيزود من فايدتها لان الالياف الموجودة في الخضار بتساعد على تحسين امتصاص الكالسيوم.
7- الافوكادو والسبانخ:
اخصائيين التغذية بينصحوا دايما بالجمع بين السبانخ والافوكادو, السبانخ بتحتوي على فيتامين A واللوتين والعناصر دي بيزيد تأثيرها الايجابي على الصحة لو جمعناها مع الدهون النباتية المفيدة الموجودة في الافوكادو وبتساعد على تحسين الجهاز الهضمي بشكل كبير جدا.
8- الشاي الاخضر والليمون:
شرب الشاي الاخضر مع الليمون يعتبر مشروب ممتاز لتجديد الطاقة, الشاي الاخضر غني بالمواد المضادة للاكسدة اللي بتساعد على تعزيز وتقوية نظام المناعة ولما تضيفي عليه الليمون فيتامين C اللي موجود فيه بيضاعف من تأثير الشاي الاخضر.
9- الطماطم وزيت الزيتون:
الليكوبين الموجود في الطماطم بيحسن من صحة القلب والاوعية الدموية وبيمنع تصلب الشرايين, والاورام الخبيثة, ولما تاكليها مع الدهون اللي موجودة في زيت الزيتون ده بيزود من فعالية امتصاص الليكوبين في الجسم.
10- اللحمة والروز ماري:
اللحمة مصدر مهم جدا للبروتين لكن لازم تكون مطبوخة بشكل صحيح عشان الجسم يستفاد منها كويس لان قليها او شويها في الفرن ممكن يأدي لتكوين مواد مسرطنة وعشان نتجنب ده ممكن نضيف للحمة قبل الطبخ الروز ماري او اكليل الجبل لانه بيحتوي على المواد المضادة للاكسدة اللي بتمنع تكوين المواد الضارة.