نصايح وافكار ازاى تعملى الـ velvet لوك صح

خامة القماش القطيفة منتشرة بشدة فى موضة الشتاء للسنة دى و بتعتبر fabric اساسية بتقدرى تستخدميها فى اوقات ومناسبات مختلفة، ولانه بنات حوا بتهتم انها تعرفك على كل جديد فى عالم الموضة والازياء ، فى المقال ده هنقولك على افكار ونصايح ازاى تعملى الـ velvet لوك او اللوك اللى بيعتمد على خامة القطيفة بطريقة صحيحة، وبقطع ملابس مختلفة  لستايل كل يوم  من المكتب لحد الفساتين علشان تبقى دايما شيك وجاهزة.

نصايح وافكار ازاى تعملى الـ velvet لوك صح ..

1- Velvet top :

خامة القطيفة او الـ velvet fabric بتعتبر من الخامات المميزة لانه شكلها بيبقى شيك مهما كان الموديل او اللون اللى تحبيه، ممكن تلبسي top او بلوزة بلون تفضليه مع جينز ازرق او اسود وهتبقى مناسبة للمكتب و خروجاتك اليومية كمان.

2- Velvet blazer : 

الـبلايزر القطيفة بيدى لمسة من الأناقة لاى لوك بتعمليه، جربى تلبسي velvet blazer مع فستان قصير او بلوزة و بنطلون، وممكن تعملى اللوك ده فى خروجاتك العادية، وحتى فى السهرات او اجتماعات الشغل الرسمية.

3- Velvet dress : 

واحده من القطع الأساسية فى موضة الـ velvet لوك هو الفستان او الـ velvet dresses، اختارى فستان قطيفة بأى لون تفضليه واى موديل سواء كان بفتحة V neck ، او طويل او قصير واحضري بيه مناسباتك فى الشتاء وخليكى واثقة انك هتطلعى بلوك شيك وحلو جدا يلفت الأنظار ليكى، وميزة مهمة فى النوع ده من الخامات انها بتناسب الـ plus sized وبتديهم شكل حلو كمان.

4- Velvet pants:

البنطلونات القطيفة او الـ velvet pants بتعتبر من القطع اللى ظهرت جديدة فى الخامة دى وليها ميزة كبيرة بجانب انه شكلها شيك واليجانت انها كمان مريحة جدا وبتدفى، جربى تلبسي بنطلون velvet بلون كحلى او نبيتى لانهم الوان الموضة للسنة دى او اى لون جرئ تفضليه ، مع بلوفر بلون مناسب و عليهم كوفية و بوليرو او بالطو طويل.

5- Velvet Shoes :

 جربى كمان يبقى عندك الشتاء ده shoes من خامة الـ velvet لانه غير انه شكلهم شيك ومميز لكنهم كمان بتقدرى تلبسيهم مع البنطلون، الجيبة و كمان بعض الفساتين. سواء كان boot او شوز بكعب، الستايل ده هيكمل اللوك بتاعك ويخليه مختلف، شوفى هنا ستايل البوت القطيفة وإزاي تدخليه في ال outfit بتاعك .

6- Velvet purse :

استخدمى الـ velvet purse كلمسة اخيرة تكملى بيها اللوك بتاعك، شنطة كروس من الخامة دى هتخلى اللوك بتاعك perfect و تقدرى تشيلى فيها كل حاجاتك لانها عملية، وللفساتين والسهرات ممكن تجربى بورتوفيه بحجم ولون مناسبين للوك بتاعك.

7- Velvet turban :

التربون turban طبعا من القطع اللى شفناها  بشكل كبير فى لبس الشتاء ده و ده لانه بيقدروا يلبسوها البنات المحجبات و غير المحجبات تقدرى تلبسيه مع حلق طويل علشان يبين رقبتك اطول، البسي تربون قطيفة بلون مناسب مع اى ستايل لبس تحبيه واعملى لنفسك لوك وستايل مميز ومختلف.

اعرفى معانا كمان ستايلات أنيقة للبس الجاكت والبالطو القطيفة SUEDE JACKETS .