مشروبات صحية للفطار تبدأي بيها يومك وتخلي صحتك ومودك احسن

ريهام محمود
ريهام محمود
في
صحة
4769

اكيد مافيش خلاف ان الفطار هو اهم وجبة في اليوم لانه هي الوجبة اللي بتدينا طاقة لباقي اليوم, لكن مش وجبة الفطار بس هي المهمة كمان اختيار المشروب هو بنفس اهمية اللي هتاكلية, لان الجسم بيحتاج لترطيب بعد فترة النوم والمشروب كمان هيهيء الجسم للاكل, والنهاردة هنقولكم على قايمة فيها مجموعة مشروبات صحية للفطار الافضل انك تبدأي بيها يومك.

مشروبات صحية للفطار:

1- المية:

المية من اكتر الحاجات الصحية اللي هيكون مفضل تبدأي بيها يومك, اولا المية خالية تماما من السعرات الحرارية  وبتلعب دور مهم في تقليل آلام العضلات والمفاصل, كمان بيعزز الايض او عملية التمثيل الغذائي في الجسم وممكن تخليها فعالة اكتر لو ضيفتي لها شرايح ليمون طازة.

مشروبات صحية للفطار 1
مشروبات صحية للفطار 1

2- عصير الفاكهة:

عصير الفاكهة من الحاجات المفيدة جدا اللي ممكن تبدأي بيها يومك لانه غني جدا بالفيتامينات المهمة لصحة الجسم, ولو عايزة سعرات حرارية اكتر تبدأي بيها يومك ممكن تضيفي لعصير الفاكهة اللي هتختاريه بذور الكتان, او الزبادي قليلة الدسم, وده هيديكي تقريبا 185 سعر حراري, و8 جرام الياف, و5 جرام دهون غير مشبعة, و6 جرام بروتين, و17% من الكالسيوم اللي بيحتاجه الجسم بشكل يومي.

مشروبات صحية للفطار 2
مشروبات صحية للفطار 2

3- النعناع:

مشروب النعناع او شاي النعناع من المشروبات المفيدة جدا اللي ممكن تبدأي بيها يومك لتخفيف التقلصات وعسر الهضم, وكمان مضاد للتشنج, وبيساعد الجسم يكون اقوى وبيتحمل اكتر لو بتمارسي تمارين رياضية, والميزة انه خالي من السعرات الحرارية وبيعزز حركة الطعام وده بالتالي بيحسن عملية الهضم.

مشروبات صحية للفطار 3
مشروبات صحية للفطار 3

4- عصير البرتقان:

عصير البرتقان غني جدا بفيتامين سي ومضادات الاكسدة, وكوباية من عصير البرتقان على الفطار ممكن تحمي الجسم من السرطان, وتحسين النظر, وفيتامين سي بيمنع الضرر التأكسدي اللي ممكن يسبب السرطان, وبيحسن من وظيفة الخلايا المناعية, وبيخليكي جسمك عنده مناعة اقوى للامراض او اي عدوى, كمان يعتبر مصدر لحمض الفوليك, وكوباية عصير البرتقان بتحتوي تقريبا على 115 سعر حراري بس.

مشروبات صحية للفطار 4
مشروبات صحية للفطار 4

5- مشروب الفلفل الاحمر:

المشروب ده بشكل خاص للي بيحبوا التوابل والحاجات الحراقة, لو عايزة تخسي وتخسري وزن بشكل اسرع ضيفي شوية من الفلفل الاحمر “الشطة” لاي مشروب انتي بتشربيه على الفطار يعني ممكن تضيفي لاي عصير, ده بيعزز الايض اللي هي عملية التمثيل الغذائي اللي بتساعد على فقدان الوزن, وكمان بيطهر القولون وده بيساعد في تنظيم وزن الجسم.

مشروبات صحية للفطار 5
مشروبات صحية للفطار 5

6- عصير الطماطم:

عصير الطماطم كمان واحد من المشروبات الصحية اللي ممكن تشربيها على الفطار, كوباية واحدة من عصير الطماطم غنية جدا بعنصر الليكوبين, والمواد المضادة للاكسدة اللي بدورها بتقلل من خطر الاصابة بمرض السرطان, كمان بتحمي القلب والرئتين من التلف التأكسدي, وهتبقى مفيدة جدا للي حابين يخسروا وزن لان كوباية عصير الطماطم بتحتوي على 31 سعر حراري بس.

مشروبات صحية للفطار 6
مشروبات صحية للفطار 6

7- لبن قليل الدسم:

كوباية من اللبن بتحتوي على 120 سعر حراري لكن كمان بتمد الجسم بالدهون اللازمة والبروتين والكربوهيدرات اللي بيحتاجها جسمك عشان يفضل في صحة كويسة, وكوباية واحدة من اللبن الصبح كافية انها تقلل رغبتك في الاكل او تسيطر على شهيتك لانه غني بالكربوهيدرات والبروتين اللي الجسم بيمتصها ببطء وبالتالي معدتك بتفضل مليانة لفترة طويلة, وطبعا اللبن معروف انه من الحاجات المهمة جدا لصحة العضم لانه بيمد الجسم بالكالسيوم, ومفيد كمان انه بيحافظ على استقرار نسبة السكر في الدم.

مشروبات صحية للفطار 7
مشروبات صحية للفطار 7

10 حاجات ممكن تضيفيهم للمية عشان تخلي طعمها احلى وصحية اكتر

10 حاجات صحية ممكن تضيفيهم للمية
10 حاجات صحية ممكن تضيفيهم للمية

مقالات متعلقه

12 وصفة سموزي للفطار تحضريهم في اقل من 5 دقايق

12 وصفة سموزي للفطار تحضريهم في اقل من 5 دقايق

طريقة عمل فريتاتا البيض الايطالية

طريقة عمل فريتاتا البيض الايطالية

دايماً متسعجلة الصبح ومابتهتميش بيها؟ اعرفي إيه اللي يحصل لجسمك لو تخطيتي وجبة الفطار

دايماً متسعجلة الصبح ومابتهتميش بيها؟ اعرفي إيه اللي يحصل لجسمك لو تخطيتي وجبة الفطار