7 عادات بنعملهم كنا فاكرين انها مفيدة لكن هي مضره للصحة !

ريهام محمود
ريهام محمود
في
صحة
11435

كل واحد فيها بيكون عنده عادات متعود يعملها بشكل يومي وبنكون فاكرين انها مفيدة لصحتنا لكن هي في الحقيقة ممكن تكون مضره, والنهاردة هنعرف مجموعة عادات مضره للصحة كنا فاكرين انها مفيدة لينا.

عادات مضره للصحة كنا فاكرين انها مفيدة لينا:

1- تناول فيتامينات كتير:

اثبتت الدراسات ان تناول اقراص الفيتامينات او الادوية اللي بتنشط الجسم مش بتقلل خطر الاصابة بأمراض معينة او ليها تأثير على الذاكرة او بتزود قدرة العمل عندك لكن بالعكس كمان اثبتوا ان تناول انواع فيتامينات كتير مختلفة ممكن يكون ليها تأثير سلبي على الصحة, والافضل او الصح اننا ناكل اكل صحي ناخد منه كل الفيتامينات اللي محتاجها الجسم.

عادات مضره للصحة 1
عادات مضره للصحة 1

2- استخدام جل تنضيف الايد الخالي من الكحول:

كتير مننا بيستخدم جل تنضيف الايد لما بنكون بره البيت لكن انواع الجل اللي بتكون خالية من الكحول بشكل خاص مش بتقتل كل انواع الجراثيم والبكتيريا والمختلفة, لازم يكون الجل بيحتوي على نسبة كحول مش اقل من 60% عشان تقتل الجراثيم ومع ذلك بردوا النوع ده من الجل اللي فيه نسبه كحول عالية مش فعال مع التلوث او لو لمستي مبيد حشري مثلا, وفي الحالة دي انتي محتاجة لغسل الايد بالمية والصابون هي دي الوسيلة اللي هتقتل كل البكتيريا والجراثيم.

عادات مضره للصحة 2
عادات مضره للصحة 2

3- تجنب مادة الجلوتومات احادية الصوديوم:

مادة الجلوتومات احادية الصوديوم او MSG المادة دي موجودة في منتجات كتير ممكن نكون بنستخدمها بشكل يومي عشان كده لما نيجي نشتري اي حاجة لازم نقرا المكونات ونتجنب المنتجات اللي بتحتوي على المادة دي وهي بتكون مكتوبة على المنتج باختصار MSG, والدراسات اثبتت ان المادة دي ممكن تسبب الغثيان والصداع وده بيحصل لما ناكل منها تقريبا ما لا يقل عن 3 جرام بشكل نقي.

عادات مضره للصحة 3
عادات مضره للصحة 3

4- تطهير الجسم بالديتوكس:

انتشر في الفترة الاخيرة نظام تطهير الجسم بالديتوكس اللي بيساعد على تنضيف الجسم من السموم هو مش مضر ولكن لو انتي بتعاني من مشاكل صحية فهو مش هيفيد, والمتخصصين كمان صرحوا ان الجسم بيتخلص من السموم بشكل تلقائي, الا في حالة لو وظايف الكبد والكليتين مش شغالين بشكل سليم وفي الحالة دي الافضل استشارة الدكتور بدل شرب الديتوكس.

عادات مضره للصحة 4
عادات مضره للصحة 4

5- اكل المنتجات العضوية:

في كتير من السوبر ماركت بنلاقي انواع كتير من الفاكهة والخضار مكتوب عليها كلمة عضوي او اورجانيك ودي المنتجات اللي بتبقى خالية من المواد الكيميائية, لكن المشكلة انه مش بيكون مضمون ان فعلا انواع الفاكهة والخضار دي اورجانيك او خالية من اي مواد كيميائية وممكن يكون مجرد حيلة تسويقية بس ورفع لسعر المنتج مش اكتر وبالتالي بتكون مش مختلفة ولا مفيدة اكتر عن الخضار العادي اللي بتشتريه من السوق, عشان كده اشتري الخضار العادي بس اغسليه ونضفيه كويس جدا بمية جارية هتكون كافية انها تخلصك من اي مواد مضرة.

عادات مضره للصحة 5
عادات مضره للصحة 5

6- رفض استخدام الميكروويف:

دايما بنسمع ان تسخين الاكل في الميكروويف بيدمر القيمة الغذائية للاكل والفيتامينات اللي موجودة فيه لكن نفس الشيء بيحصل لما نسخن الاكل اكتر من مرة في الفرن العادية, وبالعكس كمان تسخين الاكل في الميكروويف بيكون اسرع وبالتالي هيحافظ على المواد الغذائية احسن وبالتالي هيكون هو الاختيار الافضل, وعلى سبيل المثال ان تسخين الاكل في الميكروويف بيحافظ افضل على بعض الفيتامينات منها فيتامين C.

عادات مضره للصحة 6
عادات مضره للصحة 6

7- اكل المنتجات قليلة الدسم:

دايما اللي بيتبعوا نظام غذائي لتخسيس الوزن بنلاقيهم بيتجهوا للمنتجات قليلة الدسم او الخالية من الدسم لكن الدهون زيها زي الكربوهيدرات والبروتين جسمنا بيكون محتاجها عشان كده استبدال المنتجات الغذائية العادية بالمنتجات قليلة الدسم مش افضل اختيار لحرق السعرات الحرارية, لان كتير من المنتجات قليلة الدهون بتعوض خفض الدهون ده بنسبة سكر عالية وده ممكن يضر بصحتك.

عادات مضره للصحة 7
عادات مضره للصحة 7

10 حاجات لازم تتخلصي منهم عشان تحافظي على صحتك

10 حاجات لازم تتخلصي منها عشان صحتك
10 حاجات لازم تتخلصي منها عشان صحتك

مقالات متعلقه

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

صحتك مهمة.. اعرفي 5 طرق لتقليل خطر الإصابة بـ الأزمات القلبية سهلة وفعالة في الوقاية

صحتك مهمة.. اعرفي 5 طرق لتقليل خطر الإصابة بـ الأزمات القلبية سهلة وفعالة في الوقاية

10 حاجات يومية بنعملها بتسبب ضرر اكتر من انها بتنفع

10 حاجات يومية بنعملها بتسبب ضرر اكتر من انها بتنفع