5 طقوس تبدأي بيهم يومك كل يوم الصبح خليهم من عاداتك اليومية

بقلمريهام محمود فيصحة visibility8451

تقريبا معظمنا بنعمل نفس الروتين اليومي كل يوم الصبح, لكن في بعض النشاطات الاضافية اللي ممكن نزودها لروتينا اليومي كل يوم وعلى قد ما هي بسيطة لكن فعالة جدا في تغيير يومك وهتخليه اسهل بكتير, والنهاردة جيبنالكم 5 طقوس تبدأي بيهم يومك كل يوم الصبح خليهم من عاداتك وروتينك اليومي.

5 طقوس تبدأي بيهم يومك كل يوم الصبح:

1- تدليك اذنك:

تدليك الاذن اول ما تقومي من النوم وانتي لسه في السرير هيساعدك انك تصحي بشكل كامل وهتكوني فايقة ونشيطة, لان تدليك الاجزاء الحساسة في الاذن ليه تأثير ايجابي على نشاط وحيوية الجسم.

5 طقوس تبدأي بيهم يومك كل يوم الصبح
5 طقوس تبدأي بيهم يومك كل يوم الصبح

2- اشربي كوباية مية دافية مع الليمون:

لو متعودة تشربي قهوة كل يوم الصبح يبقى ده الوقت انك تستبدليها بكوباية مية دافية مع الليمون لان المشروب ده صحي جدا, بيحسن عمل الجهاز الهضمي والكلى والامعاء, بيساعد على ازالة السموم من الجسم, بيعزز المناعة, ممكن تعصري ربع ليمونة على كوباية مية دافية هيكون كافي جدا, ولو قررتي تشربي المشروب ده كل يوم الصبح الافضل انه يكون قبل الفطار من 20 – 30 دقيقة.

5 طقوس تبدأي بيهم يومك كل يوم الصبح
5 طقوس تبدأي بيهم يومك كل يوم الصبح

3- نضفي لسانك:

المفروض اننا ننضف الاسنان كل يوم مرتين لكن التنضيف لازم ميكونش للاسنان بس لان عدد كبير من البكتيريا بيتراكم على اللسان ودي واحدة من الاسباب اللي ممكن تسبب ريحة الفم الكريهة, وتسبب البلاك وتسوس الاسنان, ومشاكل مع اللثة, عشان كده لازم منهملش تنضيف اللسان بفرشة الاسنان العادية بعد ما تغسلي سنانك مشي الفرشة على اللسان لكن بالراحة مش بعنف عشان متسببيش ضرر للسانك.

5 طقوس تبدأي بيهم يومك كل يوم الصبح
5 طقوس تبدأي بيهم يومك كل يوم الصبح

4- كلي معلقة عسل نحل:

العسل بيدي طاقة كبيرة للجسم, وبيحفز الذاكرة, وبيعلي انتاجيتك وبيخليكي تشتغلي اكتر, بيعالج السعال او الكحة, بيخفف من اعراض الحساسية, وللاسباب دي ولاكتر منها كمان لازم تبدأي يومك كل يوم الصبح بمعلقة عسل نحل خديها قبل الفطار من 10 – 15 دقيقة ولو انتي مش بتاكلي السكريات او مش بتحبي العسل اوي ممكن تدوبي معلقة العسل في كوباية مية وتشربيها هيكون لها نفس التأثير.

5 طقوس تبدأي بيهم يومك كل يوم الصبح
5 طقوس تبدأي بيهم يومك كل يوم الصبح

5- مضمضي بمية الاكسجين:

مية الاكسجين من الحاجات المطهرة جدا, ضيفي من 5 – 7 نقط من مية الاكسجين بنسبة 3% ل50 مل مية تقريبا ¼ كوباية ومضمضي بيه الفم, لو انتظمتي على العادة دي كل يوم الصبح هتساعدك على تبييض الاسنان, والتخلص من رائحة الفم الكريهة, وعلاج وحماية اللثة.

5 طقوس تبدأي بيهم يومك كل يوم الصبح
5 طقوس تبدأي بيهم يومك كل يوم الصبح

10 حاجات صحية ممكن تضيفيهم للمية عشان تخلي طعمها احلى وصحية اكتر

10 حاجات صحية ممكن تضيفيهم للمية
10 حاجات صحية ممكن تضيفيهم للمية