افكار ذكية جدا ومبتكرة لديكور الشقة الصغيرة لتوفير المساحات

بقلمريهام محمود فيمنوعات visibility8624

الشقة الصغيرة او المساحات الضيقة هي مشكلة ممكن يكون في كتير بيعاني منها لكن المشكلة دي ممكن تتحل ببساطة جدا لو عرفنا نستغل المساحات دي بطريقة صح ونخزن حاجاتنا بطريقة عملية توفر المساحات, وده اللي هنعرفه النهاردة مع بعض هنقولكم مجموعة افكار لديكور الشقة الصغيرة ذكية ومبتكرة جدا هتخليكي تستغلي المساحات بطريقة عملية وتبقى شقتك مريحة اكتر.

افكار لديكور الشقة الصغيرة لتوفير المساحات:

1- تخزين الاكسسوارات:

ممكن نخزن الاكسسوارات بطريقة ذكية وفي نفس الوقت تبقى ديكور في البيت, لو عندك تابلوه قديم ممكن تستغلي المنظر بتاعه وتنفذي اطار خشب عادي بالحجم اللي انتي عايزة وتثبتي فيه من جوه خطافات صغيرة او مسامير وتركبي عليه المنظر وتثبتي مغناطيس في الاطار عشان تقدري تقفليه وتفتحيه, وبكده تقدري تعلقي كل الاكسسوارات بتاعتك بطريقة ذكية وبسيطة.

افكار لديكور الشقة الصغيرة
افكار لديكور الشقة الصغيرة

2- مسند خشب:

ممكن تعملي بديل للترابيزة توفرلك في المساحة بانك تحطي مسند خشب على ايد الكنبة, وهتلاقيه متوفر في محلات الادوات المنزلية او تنفذي انتي الفكرة وتعمليها هي بسيطة وسهلة التنفيذ جدا.

افكار لديكور الشقة الصغيرة
افكار لديكور الشقة الصغيرة

3- رفوف صغيرة للحمام:

لو مافيش مكان على الحوض للصبانة او ادوات الحلاقة او مستحضرات التجميل بتاعتك ممكن بكل بساطة تعملي ستاند فيه رفوف فوق الحنفية بالاحجام اللي انتي عايزاها تحطي فيها الحاجات.

افكار لديكور الشقة الصغيرة
افكار لديكور الشقة الصغيرة

4- استغلال الدولاب:

ممكن تستغلي كل جزء في الدولاب بانك تستخدمي الجنب بتاعه تثبتي عليه عُلاقات تعلقي عليها الهدوم او الشنط وممكن يتعمل الدولاب نفسه تحته قعدة متحركة عشان تقدري تلفي الدولاب في اي اتجاه.

افكار لديكور الشقة الصغيرة
افكار لديكور الشقة الصغيرة

5- تحويل الكرسي لسرير:

ممكن تنفذي الفكرة هتوفرلك كتير في المساحة او لو عندك ضيوف وعدد زيادة في البيت ومعندكيش مكان زيادة للنوم الفكرة دي هتفيدك جدا هي عبارة عن كرسي وممكن تفرديه سرير في نفس الوقت نفس فكرة الكنبة اللي ممكن تحوليها سرير بس بالكرسي.

افكار لديكور الشقة الصغيرة
افكار لديكور الشقة الصغيرة

6- سلة الغسيل:

بدل ما تاخدي مكان لسلة غسيل كبير وانتي عندك المكان ضيق ممكن تستخدمي سلة بتتطبق وبتتفرد عشان تقدري تخزنيها في اي مكان صغير ومتاخدش من المساحة.

افكار لديكور الشقة الصغيرة
افكار لديكور الشقة الصغيرة

7- مكان تخزين سري في المطبخ:

دايما بيبقى عندنا في المطبخ مكان صغير وضيق ما بين الحيطة والتلاجة واكيد في المكان ده مش بينفع انك ممكن تحطي فيه حاجة لكن بالفكرة دي هتقدري تستغلي المساحة الصغيرة دي وتعملي جرار بعجل ويبقى فيه ارفف تخزني عليه المعلبات والبرطمانات.

افكار لديكور الشقة الصغيرة
افكار لديكور الشقة الصغيرة

8- تعليق الملابس:

لو عندك هدوم كتير والمساحة عندك صغيرة بدل ما تعملي رفوف اضافية او دولاب كبير ياخد من مساحة الاوضة ممكن تنفذي فكرة العُلاقة دي تعلقي عليها الهدوم بتاعتك فكرة.

افكار لديكور الشقة الصغيرة
افكار لديكور الشقة الصغيرة

9- خُطافات للحمام:

ممكن تعملي خُطافات تعلقيها على قضيب ستارة الدش تعلقي عليها الليفة وهتبقى فكرة بسيطة جدا وعملية.

افكار لديكور الشقة الصغيرة

10- ترابيزة مُعلقة للبلكونة:

لو مساحة البلكونة بتاعتك صغيرة ومعندكيش مكان تحطي فيها ترابيزة ممكن تنفذي الفكرة دي وتعملي ترابيزة معلقة في سور البلكونة وممكن تعملي فيها كمان مكان للزرع عشان تديكي شكل جمالي.

افكار لديكور الشقة الصغيرة

11- حامل لورق التواليت والمجلات:

في ناس كتير عندها عادة القراية في الحمام, الفكرة دي ليهم بشكل خاص وفي نفس الوقت هتوفر في المساحة وهي حامل اتنين في واحد لورق التواليت والمجلات مع بعض.

افكار لديكور الشقة الصغيرة

12- رف رأسي للازايز:

ممكن تنفذي فكرة الرف الرأسي ده في المطبخ تعلقي فيه الازايز عشان مياخدش مكان وتوفري في المساحة .

افكار لديكور الشقة الصغيرة

13- تخزين التوابل:

ممكن تنفذي فكرة جرار زي ده تستغليه من الناحيتين تحطي عليه برطمانات وعلب التوابل عشان توفري مساحة في الدولاب لحاجات تانية.

افكار لديكور الشقة الصغيرة

14- رف اضافي للتوابل:

ممكن تستغلي المساحة الفاضية اللي بين الارفف تعملي فيها رف اضافي صغير تحطي عليه برطمانات التوابل الصغيرة وبكده تبقي استغليتي كل مساحة الدولاب بطريقة بسيطة وعملية.

افكار لديكور الشقة الصغيرة

15- حامل للاطباق:

ممكن تعملي فكرة حامل قماش وتقسميه تحطي فيه الاطباق والشوك والمعالق والسكاكين والحاجات اللي بتستخدميها دايما بشكل مستمر عشان تبقى سهلة قدامك دايما وفي نفس الوقت ترتبيهم بطريقة متاخدش مساحة او تعملك زحمة.

افكار لديكور الشقة الصغيرة

16- درج للسكاكين:

ممكن تنفذي فكرة درج صغير تحت اي دولاب عندك, اعملي الدرج متقسم بالشكل ده عشان تخزني فيه السكاكين وفي نفس الوقت تبقى قريبة ليكي وفي متناول الايد لما تيجي تستخدميها.

افكار لديكور الشقة الصغيرة

17- جيب للبيبي ليس والسيشوار:

ممكن تستخدمي جيب زي ده تخزني فيه البيبي ليس والسيشوار في الحمام وفي نفس الوقت ممكن تستخدميه تحطي عليه المكياج بتاعك في الحمام لما تيجي تستخدميه عشان تحافظي عليه من المية.

افكار لديكور الشقة الصغيرة

18- ستارة بجيوب للحمام:

ممكن تستغلي ستارة الحمام بطريقة عملية جدا وموفرة للمساحة بانك تعملي فيها جيوب تحطي فيها الليفة والشامبو والشاور هتوفرلك في المساحة جدا وفي نفس الوقت الحاجات هتبقى قدامك سهل الوصول ليها.

افكار لديكور الشقة الصغيرة

19- مغناطيس للحيطة:

ممكن تستخدمي مغناطيس تعلقيه على الحيطة تستغليه للحاجات المعدن زي المقص, المبرد, الملقاط واي حاجة معدن صغيرة عندك.

افكار لديكور الشقة الصغيرة

20- كرسي تخزين:

الفكرة دي حلوة وعملية جدا وهي فكرة كرسي ووحدة تخزين في نفس الوقت, هتوفرلك جدا في المساحة وفي نفس الوقت هتبقى قطعة ديكور.

افكار لديكور الشقة الصغيرة

21- ركن تجفيف الاطباق:

ركن تجفيف الاطباق من الافكار العملية جدا اللي هتنظم لك ترابيزة المطبخ وتوفرلك في المساحة.

افكار لديكور الشقة الصغيرة

22- مجموعة اطباق:

مجموعة الاطباق دي هتلاقوها في محلات الادوات المنزلية عملية جدا بتبقى مجموعة اطباق جوه بعض وفيها كوبايات ومعالق ممكن تستخدميها مقياس, وتخزينها مش هياخد مساحة هتاخد مساحة طبق واحد لما تيجي تخزنيها.

افكار لديكور الشقة الصغيرة

23- سلة تخزين:

ممكن تستخدمي سلة تخزين متحركة في الدولاب عشان تنظمي عليها الحاجات بطريقة عملية وموفرة للمساحة في نفس الوقت.

افكار لديكور الشقة الصغيرة

24- مبشرة بتتطبق:

ادوات المطبخ دلوقتي تصميمها بقى عملي جدا لتوفير المساحات, ممكن تستخدمي مبشرة زي دي بتتطبق بحيث انك بعد ما تستخدميها تطبقيها وتحطيها في الدرج متاخدي مساحة.

افكار لديكور الشقة الصغيرة

25- وحدة تخزين في المخدة:

ممكن تعملي وحدة تخزين في ورا المخدة تتقفل وتتفتح تخزني فيها اي حاجة عشان توفرلك في المساحة وفي نفس الوقت تبقى مش باينة انها وحدة تخزين.

افكار لديكور الشقة الصغيرة

26- تخزين ترابيزة المكوى:

الفكرة دي حلوة وعملية جدا لانها تعتبر ديكور وفي نفس الوقت وحدة تخزين, ممكن تعملي مراية تتعلق على الحيطة وفي نفس الوقت تبقى وحدة تخزين لترابيزة المكوى هتوفرلك في المساحة جدا وفي نفس الوقت هتدي شكل جمالي.

افكار لديكور الشقة الصغيرة

27- تخزين الكتب:

الفكرة دي ذكية وعملية جدا ممكن تصممي وحدات لتخزين الكتب متحركة يعني تقدري تغيري في شكلها وتستغليها كمكان للقعدة وتخزين للكتب في نفس الوقت.

افكار لديكور الشقة الصغيرة

28- لوح تقطيع:

الفكرة دي عملية اوي ومش بس هتوفرلك في المساحة كمان هتسهل عليكي شغل المطبخ, وهي تصميم لوح تقطيع بفتحة على سلة الزبالة على طول بحيث انك تقطعي عليها وتنضفي الخضار وتتخلصي من اللي مش محتاجاه بشكل مباشر في السلة.

افكار لديكور الشقة الصغيرة

29- دولاب لادوات التنضيف:

ممكن تقفلي دولاب على الغسالة وتبقى وحدة لتخزين ادوات التنضيف بتاعتك وتبقى كلها في نفس المكان بطريقة منظمة.

افكار لديكور الشقة الصغيرة

30- تخزين مستلزمات الحمام:

لو مساحة الحمام بتاعتك صغيرة ومعندكيش مكان تعملي وحدة تخزين ممكن تنفذي الفكرة دي اعملي ستاند فوق قعدة الحمام تحطي عليها الفوط والصابون والحاجات الخاصة بالحمام.

افكار لديكور الشقة الصغيرة

31- ترابيزة متحركة للمطبخ:

لو مساحة المطبخ عندك صغيرة ممكن تنفذي فكرة ترابيزة بعجل متحركة تعملي لها مكان تحت رخامة المطبخ ممكن تدخليها وتطلعيها بحيث انك بعد ما تستخدميها تدخليها في مكانها عشان متاخدش مساحة في المطبخ.

افكار لديكور الشقة الصغيرة

32- مكان للقطط:

الفكرة دي بشكل خاص للي بيحبوا يربوا حيوانات في البيت وخصوصا القطط, ممكن تستخدمي منظم زي اللي بتستخدميه في المطبخ ويبقى مكان مريح ليهم.

افكار لديكور الشقة الصغيرة

شوفي كمان 18 فكرة رائعة وعملية لترتيب البيت بسهولة..وازاي تستغلي المساحات

افكار لترتيب البيت واستغلال المساحات