5 نصايح سريعة هتخليكي تستعدي للخروج بشكل اسرع وبلوك مثالي

ريهام محمود
ريهام محمود
في
مكياج
7019

في الغالب معظمنا الصبح بنبقى مستعجلين لان بيبقى ورانا يوم طويل ومواعيد سواء للشغل او للجامعة او لو رايحة لاي مكان بتكوني عايزة تستعدي بسرعة وتلحقي وقتك وخصوصا كمان لو صاحية متأخر ووقتك ضيق وفي نفس الوقت بتبقي عايزة تطلعي بلوك مثالي وتكوني راضية عن شكلك, عشان كده النهاردة هتكوني محتاجة انك تعرفي النصايح دي معانا هنقولك بخطوات بسيطة جدا ازاي تستعدي للخروج بشكل اسرع وفي نفس الوقت بلوك مثالي.

ازاي تستعدي للخروج بشكل اسرع وبلوك مثالي:

1- جهزي هدومك قبلها:

بالليل اكيد بتبقي عارفة انتي رايحة فين تاني يوم الصبح ومرتبة نفسك وايه المشاوير اللي وراكي وعشان تختصري وتوفري في الوقت الصبح جهزي هدومك اللي انتي هتخرجي بيها من بالليل بدل ما لسه هتقومي الصبح تحتاري هتلبسي ايه وطبعا كلنا عارفين الحيرة دي بنقف قدام الدولاب اللي مليان هدوم وبنبقى مش عارفين نلبس ايه فالافضل عشان توفري وقت اختيار الهدوم الصبح انك تجهزيها من بالليل وجهزي كل حاجة يعني اللبس والاكسسوارات والشوز اللي هتلبسيه حتي الميك اب اللي هتحطيه على الطقم اللي اختارتيه تجهزيه قدامك, ولو وراكي مشوارين مثلا هترجعي البيت وتنزلي تاني بردو تبقي مجهزة الطقم بتاعه من بالليل وبكده هتوفري كتير في وقتك الصبح وتلحقي مواعيدك.

ازاي تستعدي للخروج بشكل اسرع وبلوك مثالي 1
ازاي تستعدي للخروج بشكل اسرع وبلوك مثالي 1

2- اغسلي شعرك بالبلسم:

لو شعرك مش دهني بس في نفس الوقت حاسه انه محتاج يتغسل قبل ما تنزلي ممكن تستخدمي البلسم بس على الشعر من غير شامبو هينضفه وفي نفس الوقت هيديه ملمس ناعم وهتاخدي وقت اقل في غسل الشعر, يعني متضيعيش وقتك على حاجة مش محتاجاها فعلا.

ازاي تستعدي للخروج بشكل اسرع وبلوك مثالي 2
ازاي تستعدي للخروج بشكل اسرع وبلوك مثالي 2

3- استخدمي شاور كريم:

دلوقتي في منتجات شاور كريم موجودة في السوق بتبقى شاور جل وبادي لوشن مع بعض يعني اتنين في واحد وده هيوفرلك الوقت اكيد يعني بعد ما تاخدي الشاور بتاعك مش هتحتاجي وقت للبادي لوشن لان الشاور كريم هيغنيكي عن الخطوة دي يعني نضافة وترطيب وتغذية للبشرة في نفس الوقت, وممكن تستخدموا شاور كريم دوف, او لوكس, او نيفيا.

ازاي تستعدي للخروج بشكل اسرع وبلوك مثالي 3
ازاي تستعدي للخروج بشكل اسرع وبلوك مثالي 3

4- اعملي شعرك ديل حصان:

اسرح تسريحة ممكن تعمليها الصبح ومتاخدتش منك وقت هي تسريحة ديل الحصان سريعة وعملية وبتدي لوك حلو وفي نفس الوقت مناسبة لاي مكان.

ازاي تستعدي للخروج بشكل اسرع وبلوك مثالي 4
ازاي تستعدي للخروج بشكل اسرع وبلوك مثالي 4

5- اعملي مكياج سريع:

اكيد الصبح مش بيبقى في وقت لمكياج كامل والافضل كمان اننا الصبح نحط مكياج خفيف, ممكن تكتفي بكريم الاساس, والايلاينر او الكحل وممكن تفرديه شوية بالفرشة على الجفون عشان تعملي سموكي ايز خفيف, والماسكارا, ورسمة الحواجب, وممكن تحطي روج بلون نيود او تكتفي بزبدة كاكاو.

ازاي تستعدي للخروج بشكل اسرع وبلوك مثالي 5
ازاي تستعدي للخروج بشكل اسرع وبلوك مثالي 5

شوفي كمان ازاي تحطي الميك اب بتاعك في خمس دقايق بس!

مكياج سريع وسهل
مكياج سريع وسهل

مقالات متعلقه

خطوات عمل مكياج نهاري خفيف

خطوات عمل مكياج نهاري خفيف

ازاي تعملي مكياج بيبي فيس Baby face makeup?

ازاي تعملي مكياج بيبي فيس Baby face makeup?

مكياج للجامعة سهل وسريع في 8 خطوات

مكياج للجامعة سهل وسريع في 8 خطوات