مجموعة قبعات للشتا مميزة جدا اكيد هتضيفيهم لدولابك
اكيد مينفعش الشتا من غير القبعة بجميع اشكالها واستايلاتها, واكيد كتير مننا بيحب لبسها في الشتا لانها مش بس بتدفي كمان تعتبر قطعة اكسسوار بتضيف اناقة للوك الشتوي بتاعنا, والنهاردة جايبين لكل بنات حوا مجموعة قبعات للشتا مميزة جدا اكيد لما تشوفيها هتضيفيها لدولابك.
مجموعة قبعات للشتا مميزة جدا:
1- قبعة سودا مطبوعة:
الستايل ده مع اللون الاسود بشكل خاص من القطع اللي في بنات كتير بيفضلوها لان اللون الاسود سهل جدا تنسقيه مع اي لبس عندك لانه بيمشي مع كل الالوان عشان كده القطعة دي تعتبر اساسية في الشتا ومش هتترددي انك تضيفيها لدولابك.
2- قبعة فيدورا Fedora حمرا:
استايل القبعات ده مميز اوي مع اللون الاحمر بشكل خاص بيطلع اللوك كلاسيكي ورائع جدا, ولو نسقتي معاها كمان اكسسوارات مناسبة هتخلي اللوك يطلع بشكل احلى وملفت.
3- كاب رمادي:
الكاب بيدي لوك شبابي وحيوي جدا, البسيها مع تسريحة شعر فوضوية ممكن تلمي الشعر وتنزلي منه خصل بطريقة عشوائية كده بيبقى حلو جدا مع استايل الكاب ده.
4- قبعة القطة:
استايل القبعة دي مميز جدا وجديد وملفت اوي لانها واخدة شكل القطة, وممكن تنسقيها مع لوك كاجوال بسيط.
5- قبعة سودا مع التُل:
لو عايزة لوك مختلف اكيد القبعة دي هتبقى اختيارك لان داخل فيها خامتين الصوف والتل, تقدري تنسقيها مع اللبس الكاجوال الرياضي ومع اللبس الكلاسيك.
6- قبعة فيدورا Fedora سودا:
زي ما قولنا الفيدورا الحمرا من الحاجات المميزة جدا كمان الفيدورا السودا تعتبر اختيار مميز للي بيحبوا اللوك الكلاسيك او الرترو Retro ممكن تنسقيها مع بونشو اسود وFlared جينز وتكملي اللوك بنضارة شمس Aviator او شكل الدمعة المقلوبة واستايل النضارات ده تريندي اوي السنة دي.
7- قبعة فيدورا Fedora انيقة:
لو انتي من عشاق الاناقة واللوك المميز اختاري قبعة فيدورا سودا بسيطة ونسقيها مع بوت طويل لحد الركبة وبالطو صوف اللوك هيطلع شيك وانيق جدا.
8- قبعة Oversized اسود في ابيض:
القبعة الكبيرة او ال Oversized كمان اختيار رائع جدا واستايل القبعات ده بيكون شيك جدا مع الجلد ممكن تنسقي معاها فيست او جاكيت جلد بيبقى حلو جدا.
9- قبعة طبعة النمر:
طبعة النمر من الحاجات اللي لسه تريندي اوي ومستمرة معانا, وبتكون حلوة جدا لما بيكون داخل مع الطبعة اللون الاسود وممكن تختاريها بخامة فرو بتبقى انيقة جدا واكيد مش هتترددي انك تضيفي استايل القبعات دي لدولابك الشتوي.
10- القبعات التريكو:
طبعا القبعات التريكو تعتبر من القطع الاساسية في الشتا وتقريبا معظمنا بيختار النوع ده من القبعات لانها بتدفي جدا وكمان بتمشي مع اي استايل لبس عندنا, ولو نسقتيها كمان مع كوفية مناسبة وجوانتي هتخلي اللوك يطلع احلى.
شوفي كمان ازاي تلبسي السكارف في الشتاء
