3 طرق تختاري بيهم ارتفاع الكعب المثالي ليكي عشان تتجنبي الم القدمين

بقلمريهام محمود فيموضة وأزياء visibility2656

لبس الكعب العالي بيكون مشكلة لكتير من البنات لانه بيسبب مشاكل صحية زي ألام الضهر وآلام الساقين وغيرها من المشاكل لكن هل هنستغنى عن الكعب ومنلبسهوش خالص ؟ اكيد لا لان في اوقات كتير بنحتاج اننا نلبس الكعب العالي خصوصا في مناسباتنا الخاصة, الموضوع كله بيعتمد على اختيار ارتفاع الكعب الصحيح والمناسب, لو اختارتي ارتفاع الكعب صح مش هتحسي باي الم ولا هيحصلك اي مشاكل وده اللي هنعرفه النهاردة مع بعض من خلال موضوعنا هنقولك ازاي تختاري الارتفاع المثالي المناسب ليكي.

اختيار ارتفاع الكعب الصحيح والمناسب ليكي:

1- ارتفاع الكعب المناسب للبس اليومي:

ايه هو ارتفاع الكعب المناسب اللي تلبسيه يوميا سواء للشغل او للجامعة او لاي خروجات يومية ليكي ويكون آمن وميسببش اي مشاكل او الم؟ الدكاترة المتخصصين بشكل عام قالوا ان الارتفاع المناسب للاستخدام اليومي المفروض يكون 4 سم هل ده صحيح ولا لا ؟ ده هنعرفه بالطريقة اللي تقدري تحسبي بيها الارتفاع المناسب ليكي وهي هتكون بقياس طول قدم الرجل وبعدين تقسميها على 7 اللي هي ايام الاسبوع والرقم اللي هيطلع لك ده هيكون ارتفاع الكعب المناسب ليكي.

للتوضيح اكتر زي ما هو واضح المثال في الصورة كده لو طول قدم الرجل 24 وهتتقسم على 7 هتطلع النتيجة 3.4 سم وهو ده هيبقى ارتفاع الكعب المناسب, وهكذا بقى كل واحدة تقيس طول القدم بتاعتها وتقسمها على 7 وتشوف الارتفاع اللي يناسبها.

اختيار ارتفاع الكعب الصحيح والمناسب ليكي
اختيار ارتفاع الكعب الصحيح والمناسب ليكي

2- ارتفاع الكعب المثالي المناسب لطولك:

والطريقة دي بتعتمد انها تعمل تناسق ما بين طول الساق وطولك الكلي, وهتكون بصيغة حسابية اننا هنقسم الطول الكلي على طول الساق ونطرح منهم رقم 1.61 ونضربهم في 10 والنتيجة اللي هتطلع هيبقى هو ده ارتفاع الكعب المناسب.

زي المثال ده كده لو طولك مثلا 160 سم وطول الساق 75 سم اقسميهم على بعض والناتج نقصي منه 1.61 والناتج اللي هيطلع اضربيه في 10 هيطلع لك ارتفاع الكعب المناسب هو 5.2 سم, والرقمين “1.61 و 10” دول ثابتين اللي هيتغير ما بين كل واحدة والتانية بس الطول الكلي وطول القدم.

اختيار ارتفاع الكعب الصحيح والمناسب ليكي
اختيار ارتفاع الكعب الصحيح والمناسب ليكي

3- اقصى ارتفاع كعب مناسب للبسه في المناسبات:

طبعا اكتر وقت ممكن نلبس فيه كعب هو في المناسبات الخاصة وعشان تكون مرتاحة ومتحسيش باي الم الطريقة دي هتساعدك انك تختاري الكعب المناسب.

  • – اقعدي على كرسي ومدي لرجلك لقدام, وخلي الرجل في وضع ريلاكس مش مشدودة, وصوابع الرجل اتجاهها لفوق.

– قيسي المسافة من كعب الرجل للعضمة اللي عند الصوابع زي ما باين في الصورة كده.

  • – والرقم اللي هيطلع لك ده هيبقى مقاس الكعب المناسب ليكي وهتكون رجلك مرتاحة فيه.

وفي الغالب بالنسبة لمعظم البنات المفروض يكون الحد الاقصى لارتفاع الكعب هو من 7 – 9 سم.

اختيار ارتفاع الكعب الصحيح والمناسب ليكي
اختيار ارتفاع الكعب الصحيح والمناسب ليكي

شوفي كمان 11 نصيحة ازاي تلبسي الجزمة الكعب من غير ما توجع رجلك

ازاي تلبسي الجزمة الكعب من غير ما توجع رجلك
ازاي تلبسي الجزمة الكعب من غير ما توجع رجلك