10 تمارين هتساعدك تتخلصي من دهون الضهر بسرعة

بقلمريهام محمود فيتخسيس الوزن visibility3699

دهون الضهر من المشاكل اللي بتقابل بنات كتير جدا وبتخلي شكل الجسم مش حلو ده غير انها بتبقى مقيداكي في اختيار اللبس ومش بتعرفي تلبسي اللي انتي عايزاة عشان تداري عيوب الجسم, ودهون الضهر بيكون سببها الاساسي زيادة الوزن, والعادات الغذائية الغلط, وقلة ممارسة التمارين الرياضية بانتظام وبالتالي الدهون بتتراكم في المنطقة دي, وفي بعض الاحيان بتكون وراثية او بسبب ادوية معينة.

كمان من الحاجات اللي ليها تأثير كبير على كمية الدهون في الجسم هي مستوى الهرمونات في الجسم , زي هرمون الغدة الدرقية والانسولين المساهمين بشكل اساسي في تراكم الدهون, لان انخفاض مستوى هرمون الغدة الدرقية هو المسئول عن تراكم الدهون في الضهر, والانسولين مسئول عن تراكم الدهون في منطقة الفخدين.

ولازم نكون عارفين ان التخلص او اذابة الدهون في منطقة معينة من الجسم بيكون اصعب من تخسيس الجسم كله عشان كده لام نبذل مجهود ونمارس التمارين الرياضية بشكل منتظم عشان نوصل للنتيجة اللي احنا عايزينها, ونركز في التمارين على العضلات في المنطقة المتراكم فيها الدهون بشكل كبير, يعني الموضوع متوقف على اننا نختار التمارين الرياضية المناسبة للمنطقة اللي احنا عايزين نخسسها, وده اللي هنعرفه النهاردة مع بعض من خلال 10 تمارين للتخلص من دهون الضهر بسرعة.

10 تمارين للتخلص من دهون الضهر بسرعة:

1- التمرين الاول:

التمرين ده بيشتغل على كل عضلات الجسم بشكل عام وعلى عضلات الضهر بشكل خاص.

1- التمرين ده بيتعمل على الPull bar هتمسكي فيه بايديكي الاتنين وتسحبي جسمك لفوق.

2- حاولي تسحبي الجسم لفوق لحد ما تبقى منطقة الدقن فوق الPull par.

3- بعدين ترجعي تنزلي لتحت لحد ما دراعك يبقى مفرود خالص.

4- كرري التمرين من 5 – 10 دقايق.

تمارين للتخلص من دهون الضهر بسرعة
تمارين للتخلص من دهون الضهر بسرعة

وممكن تعملي تغيير بسيط في التمرين وتخلي وضع ايدك العكس يعني تكون مقابلة لوشك وتعمليه بنفس الطريقة.

تمارين للتخلص من دهون الضهر بسرعة
تمارين للتخلص من دهون الضهر بسرعة

2- التمرين التاني:

التمرين ده بيركز على الذراعين ومنطقة اعلى الضهر.

1- استخدمي كنبة او ترابيزة ارتفاعها منخفض اسندي بركبة واحدة عليها.

2- امسكي بالايد التانية المعاكسة للرجل اللي انتي رفعاها دامبل بوزن من 3 – 5 كيلو .

3- انحني لقدام مع الحفاظ على ضهرك بشكل مستقيم واسندي بايدك على الترابيزة.

4- ابدأي اسحبي ايدك اللي ماسكة بيها الدامبل لفوق وحافظي على وضع الايد جنب جسمك.

5- كرريها 12 مرة لكل جنب.

لو مش متوفر عندك دامبل ممكن تستخدمي كتب او ازازة مية مليانة يعني اي حاجة ليها وزن.

تمارين للتخلص من دهون الضهر بسرعة
تمارين للتخلص من دهون الضهر بسرعة

3- التمرين التالت:

التمرين ده من التمارين الممتازة جدا اللي بتساعد على التخلص من الدهون ونحت الضهر.

1- نامي على بطنك على الارض, او ممكن تستخدمي كورة توازن لو متوفرة عندك.

2- خلي ضهرك مفرود وارفعي منطقة الصدر لفوق.

3- حركي الذراعين افرديهم للجنب وخدي وضع حرف T.

4- رجعي الذراعين تاني لورا جنبك وبعدين افرديهم وخدي وضع حرف Y.

5- رجعي الذراعين تاني لورا جنبك وبعدين افرديهم لقدام اوي في شكل مستقيم يعني تبقى الراس بينهم.

6- كرريه من 12 – 15 مرة يوميا.

تمارين للتخلص من دهون الضهر بسرعة
تمارين للتخلص من دهون الضهر بسرعة

4- التمرين الرابع:

تمرين ال Push up من اكتر التمارين الفعالة لحرق دهون الجسم وللتخلص من دهون الضهر.

1- خدي وضع ال Push up اسندي الذراعين على الارض وخليهم اوسع من الكتفين بحاجة بسيطة.

2- انزلي لتحت ببطء ناحية الارض.

3- خليكي تحت لمدة 3 ثواني وبعدين ارجعي تاني لفوق.

4- كرريه 20 مرة على مجموعتين, يعني اعملي 10 بوش اب وارتاحي ثواني واعملي 10 كمان وممكن تزودي كل يوم حسب مقدرتك.

تمارين للتخلص من دهون الضهر بسرعة
تمارين للتخلص من دهون الضهر بسرعة

5- التمرين الخامس:

التمرين ده بيشتغل على اسفل واعلى الضهر والكتفين.

1- خدي وضعية البلانك على الارض يعني اسندي الكوعين على الارض يعني زي وضع البوش اب كده بس بدل ما تسندي الذراعين على الارض بتسندي بالكوعين.

2- ابدأي نزلي جنب واحد على الارض.

3- وخلي الكتفين فوق منطقة الكوعين.

4- ارجعي للوضع الاول وبعدين نزلي الجنب التاني على الارض.

5- كرري التمرين من 15 – 20 مرة يوميا.

تمارين للتخلص من دهون الضهر بسرعة
تمارين للتخلص من دهون الضهر بسرعة

6- التمرين السادس:

التمرين ده بيشتغل على عضلات الضهر العلوية, والكتفي, والذراعين.

1- اسندي ايديكي على كرسي ورا ضهرك وخلي الكوعين اوسع شوية من الكتفين.

2- مدي الساقين لقدام واتني الركبة شوية.

3- انزلي بجسمك ناحية الارض ببطء بزاوية 90 درجة مع الكوعين.

4- ارفعي جسمك لفوق تاني مع فرد الذراعين.

5- كرري التمرين من 15 – 20 مرة يوميا.

تمارين للتخلص من دهون الضهر بسرعة
تمارين للتخلص من دهون الضهر بسرعة

7- التمرين السابع:

التمرين ده بيشتغل على عضلات الجسم كلها الضهر, والكتفين واوتار الركبة والذراعين والبطن.

1- نامي على معدتك على الارض.

2- مدي الذراعين لقدام على الارض.

3- خلي الراس مساوية للرقبة والكتفين.

4- ارفعي الذراعين والساقين عن الارض في وقت واحد “وضع الطيران” وحافظي على منطقة الجذع ثابتة على الارض.

5- اعملي شكل قوس بالضهر على قد ما تقدري, ولو حسيتي بضغط زيادة على عضلات الذراعين والكتفين ممكن توقفي من 3 – 5 ثواني وبعدين تكملي.

6- نزلي الذراعين والساقين ببطء على الارض.

7- كرري التمرين من 12 – 20 مرة يوميا, ولو حسيتي بتعب في عضلات الضهر وقفيه.

تمارين للتخلص من دهون الضهر بسرعة
تمارين للتخلص من دهون الضهر بسرعة

8- التمرين التامن:

التمرين ده بيشتغل على اسفل الضهر, والوركين, والفخدين, والعضلات القابضة في الفخد.

1- نامي على ضهرك.

2- اتني الساقين وخلي القدمين على الارض تحت الركبتين, والذراعين جنب الجسم.

3- شدي عضلات البطن وارفعي الوركين لفوق ببطء مع الحفاظ على الكتفين على الارض.

4- ارفعي الرجل اليمين لفوق واتني الركبة ناحية الصدر.

5- نزلي الرجل ببطء وارفعي الرجل الشمال واتني الركبة ناحية الصدر.

6- انزلي على الارض للوضع الاول.

7- كرري التمرين كل 20 مرة لكل رجل يوميا , ولو حسيتي بألم اسفل الضهر وقفي شوية خدي استراحة وبعدين كملي.

تمارين للتخلص من دهون الضهر بسرعة
تمارين للتخلص من دهون الضهر بسرعة

9- التمرين التاسع:

التمرين ده مفيد جدا في التخلص من الدهون الزيادة في الضهر, وفعال جدا في تخفيف آلام المفاصل.

1- نامي على بطنك على الارض.

2- اتني الركبتين ببطء.

3- امسكي القدمين بايدك وشدي الصدر لفوق.

4- ارفعي الفخدين والقدمين ببطء لاعلى مستوى ممكن تقدري عليه.

5- وركزي الوزن على منطقة السرة.

6- خليكي على الوضع ده وعدي لحد 5 وانتي بتاخدي نفس عميق, وممكن تزودي المدة بالتدريج كل يوم.

7- كررية مرتين في اليوم يوميا عشان توصلي لافضل النتايج.

تمارين للتخلص من دهون الضهر بسرعة
تمارين للتخلص من دهون الضهر بسرعة

10- التمرين العاشر:

تمارين الكارديو بشكل عام من افضل التمارين للتخلص من الدهون الزيادة في الجسم ودهون الضهر واحنا اتكلمنا عليها قبل كده بالتفصيل ان هي تمارين القلب اللي بتبذلي فيها مجهود زي السباحة, نط الحبل, المشي السريع, الجري, الملاكمة, التجديف, الرقص.

وتمارين الكارديو مش بس بتحرق الدهون لكن كمان بتشتغل على العضلات اللي حوالين الوسط واسفل الضهر وبتنحت الجسم.

وعشان توصلي لنتايج فعالة مارسي اي نوع من تمارين الكارديو على الاقل من 30 – 60 دقيقة 5 مرات في الاسبوع.

تمارين للتخلص من دهون الضهر بسرعة
تمارين للتخلص من دهون الضهر بسرعة

افضل 15 طريقة لحرق اكتر من 300 كالوري في ساعة

افضل 15 طريقة لحرق اكتر من 300 كالورى فى ساعه
افضل 15 طريقة لحرق اكتر من 300 كالورى فى ساعه