ازاي تحطي الميك اب بتاعك في خمس دقايق بس !

بقلمريهام محمود فيمكياج visibility5030

كلنا بنكون محتاجين وقت طويل كل يوم عشان نعمل مكياجنا ويطلع بشكل حلو ومظبوط لكن اكيد مش دايما بيبقى عندنا الوقت لروتين المكياج اليومي وبنحتاج اننا ننجز ونخلص بسرعة, عشان كده النهاردة جايبين لكل بنات حوا خطوات مكياج سريع وسهل لمكياجك اليومي كل يوم الصبح, هنقولكم على حيل بسيطة توفر لكم في الوقت وتخليكوا تحطوا المكياج في وقت اقل وفي نفس الوقت يطلع بشكل حلو.

خطوات مكياج سريع وسهل:

1- اللوك الاول:

  • – اتخطي خطوة كريم الاساس:

اول حاجة بدل الوقت اللي بتاخديه انك تحطي كريم اساس على الوش كله, ممكن تستبدليه انك تحطي كونسيلر بس تحت العين عشان نداري الهالات السودا وعلى الاماكن اللي فيها حبوب او بقع او اي عيوب ومتفركيهوش على بشرتك بس اضغطي عليه بصوابعك او اسفنجة المكياج.

  • – اتخطي خطوة البودر والبلاشر والكونتور:

اكيد اغلبنا هيشوف ان الخطوات دي مهمة لكن انتي ممكن تختصري الخطوات دي كلها وتوفري في الوقت وتستبدلي الخطوات دي كلها انك تحطي بس بلاشر كريمي على عضمتين الخد بلون بينك فاتح هيبقى كافي جدا انه يدي حياة للوش بلوك طبيعي جدا, طبقي بس كمية صغيرة منه بصوابعك.

  • – اتخطي خطوة مكياج العين الكامل:

بدل الوقت اللي بتاخديه في مكياج العين الكامل وطبقات الايشادو استبدلي ده انك تركزي على الحواجب سرحيهم وارسميهم برسمة مناسبة الخطوة دي هتحدد وشك وتظهره جدا.

وكده تبقي خلصتي المكياج في فترة قصيرة جدا ووفرتي في الوقت وكمان هتطلعي في نفس الوقت بلوك حلو وطبيعي, وطبعا اللوك ده مناسب للمكياج اليومي الصباحي سريع وسهل وطبيعي وخفيف على البشرة.

مكياج سريع وسهل
مكياج سريع وسهل

فيديو للخطوات:

2- اللوك التاني:

  • – الخطوة الاولى:

اول خطوة الكريم المرطب حطي الكريم المناسب لنوع بشرتك على الوش كله والرقبة.

مكياج سريع وسهل
مكياج سريع وسهل
  • – الخطوة التانية:

حطي BB كريم على الوش كله والرقبة عشان يبقوا لون واحد, وهي هنا استخدمت BB غارنييه المكافح لحب الشباب خفيف على البشرة وفي نفس الوقت بيدي تغطية كويسة لاي عيوب في البشرة.

مكياج سريع وسهل
مكياج سريع وسهل
  • – الخطوة التالتة:

تالت خطوة الكونسيلر وهنا استخدمت كونسيلر ريفلون فوتو ريدي Photoready ستيك, طبقيه تحت العين, وبين الحواجب, وتحت الانف, وفوق الشفة العلوية, وعلى اي عيوب او بقع او حبوب عندك على البشرة, وبعدين امزجيه كويس بصوابعك.

مكياج سريع وسهل
مكياج سريع وسهل
  • – الخطوة الرابعة:

 هنحط البودرة عشان نثبت المكياج طبقيها على الوش والرقبة, وهي هنا استخدمت بودرة مايبيلين فيت مي, وخطوة البودرة ممكن نتخاطاها في فصل الشتا بشكل خاص للبنات اللي بشرتهم مش دهنية ومش محتاجة بودر.

مكياج سريع وسهل
مكياج سريع وسهل
  • – الخطوة الخامسة:

في الخطوة دي هنحط البرونزر على عضمة الخد واعلى الجبين وعلى الانف عشان نحدد ملامح الوش وممكن على الرقبة كمان.

مكياج سريع وسهل
مكياج سريع وسهل
  • – الخطوة السادسة:

في الخطوة دي هنحط البلاشر على عضمتين الخد.

مكياج سريع وسهل
مكياج سريع وسهل
  • – الخطوة السابعة:

املي فراغات الحواجب بقلم حواجب يكون مناسب للون حواجبك وبالرسمة المناسبة.

مكياج سريع وسهل
مكياج سريع وسهل
  • – الخطوة التامنة:

حطي الايشادو بألوان طبيعية وفاتحة ممكن تستخدمي درجات البينك عشان يديكي لوك طبيعي.

مكياج سريع وسهل
مكياج سريع وسهل
  • الخطوة التاسعة:

طبقي الماسكارا على الرموش, وهي هنا استخدمت ماسكارا مايبيلين The falsies volume express عشان تدي حجم اكبر للرموش.

مكياج سريع وسهل
مكياج سريع وسهل
  • – الخطوة العاشرة:

هنيجي لاخر خطوة وهي احمر الشفايف, ممكن تكتفي باستخدام زبدة كاكاو بس, او تحطي ليب جلوس بلون بينك فاتح عشان تكملي اللوك الطبيعي بتاعك, وفي اللوك استخدمت ليب جلوس من نيكس NYX.

مكياج سريع وسهل
مكياج سريع وسهل

يمكن في منكم يشوف الخطوات كتير لكن كلها سهلة جدا ومش هتاخد منك اكتر من 5 دقايق لتنفيذها وفي اللوك ده ممكن تتخطي خطوة البلاشر, والايشادو, والماسكارا لو عايزة توفري في الوقت اكتر, لكن ركزي على الحواجب دي من الخطوات المهمة اللي لازم تعمليها وكمان البرونزر عشان تحددي ملامح الوش ويظهر بشكل احلى, او ممكن تختاري ما بين البلاشر والبرونزر يعني اعمل خطوة واحدة من الاتنين, 

ودي النتيجة النهائية للوك قبل وبعد المكياج.

النتيجة النهائية
النتيجة النهائية

ياللا جربوا اي لوك من الاتنين وقولوا لنا اخد معاكوا وقت قد ايه لتنفيذه ؟

اعملي مكياج ينور وشك ويداري التعب في دقيقة واحدة بس !

مكياج سريع ينور الوش ويداري التعب
مكياج سريع ينور الوش ويداري التعب