ازاي تستخدمي اللبن الرايب لجمال بشرتك وشعرك ولصحتك !

بقلمريهام محمود فيشعر visibility3732

اللبن الرايب هو يعتبر منتج لبن مخمر وبنستخدمه احيانا في بعض الاكلات او الحلويات, واللبن الرايب بيحتوي على كمية من الفيتامينات المفيدة للصحة بشكل عام زي فيتامين A, و D, وB12, والكالسيوم, والبوتاسيوم, البروتين, والسيلينيوم, والفسفور, والبروبيوتيك, والميزة في اللبن الرايب انه منخفض الدهون والسعرات الحرارية يعني مش بيزود الوزن وكمان بيساعد على انقاص الوزن, وغير فوايده الصحية ليه كمان فوايد جمالية للبشرة والشعر وده اللي هنعرفه النهاردة مع بعض هنتعرف من خلال مجموعة من الوصفات على فوايد اللبن الرايب الجمالية والصحية.

فوايد اللبن الرايب الجمالية والصحية:

1- تحسين لون البشرة:

اللبن الرايب غني بالبروتين وحمض اللاكتيك وده بيساعد على التخلص من الشوائب وخلايا الجلد الميت, وبيفتح البشرة وبيحسن لونها وينعمها.

  • – اخلطي كمية مناسبة من اللبن الرايب تكفي بشرتك مع ½ كوباية دقيق حمص ومعلقة صغيرة كركم لحد ما تتكون عندك عجينة ناعمة حطيها على البشرة وسيبيها لحد ما تنشف وبعدين افركيه بالراحة من على البشرة بصوابعك واغسلي بشرتك بالمية, كرري الوصفة مرة واحدة في الاسبوع.

– وكعلاج يومي ممكن تخلطي شوية زعفران في ½ كوباية لبن رايب وسيبيه لمدة 30 دقيقة وبعدين ادهني بشرتك بالخليط ودلكيها لمدة دقايق وسيبيه 20 دقيقة وبعدين اغسليه بالمية, احتفظي بباقي الخليط في التلاجة واستخدميه مرة واحدة يوميا.

تحسين لون البشرة
تحسين لون البشرة

2- علاج الندبات والبقع:

اللبن الرايب غني بحمض اللبنيك وحامض الفا هيدروكسي والمادة دي بتستخدم تقريبا في معظم منتجات التجميل اللي بتساعد في التخلص من الندبات والبقع وعيوب البشرة, وحمض اللبنيك بيساعد على تقشير الجلد لازالة البقع والندبات من غير ما يسبب جفاف البشرة.

  • – ادهني بشرتك باللبن الرايب باستخدام قطنة وسيبيه على البشرة 15 دقيقة وبعدين اغسليه بمية بالمية, كرري الوصفة من مرة لمرتين في اليوم يوميا لحد ما تختفي البقع والندبات.

– او اخلطي 2 معلقة كبيرة من قشر البرتقان الجاف المطحون مع كمية من اللبن الرايب لحد ما يكون عندك عجينة حطي العجينة على بشرتك ودلكيها لمدة دقايق وبعدين سيبيها 30 دقيقة لحد ما تنشف وافركيها من على البشرة واغسليها بمية باردة, كرري الوصفة من 2 – 3 مرات في الاسبوع.

علاج الندبات والبقع
علاج الندبات والبقع

3- التقليل من حروق واسمرار البشرة من الشمس:

اللبن الرايب بيساعد على تقليل اسمرار البشرة بسبب الشمس بسبب احتوائه على حمض اللبنيك وكمان ليه خصائص بتساعد على ترطيب وتنعيم البشرة.

  • – ادهني بشرتك باللبن الرايب كل يوم هيديكي نتايج فعالة جدا وسريعة.

– او اخلطي ¼ كوباية لبن رايب بارد مع ½ ثمرة طماطم وممكن اختياري تضيفي شوية نعناع اضربي المكونات كلها في الخلاط لحد ما يبقى ناعم ويمتزج مع بعض كويس, ادهني بشرتك بيه وسيبيه لحد ما ينشف وبعدين اغسليه بالمية, كرري الوصفة مرة واحدة كل يوم.

  • – او اخلطي 2 معلقة صغيرة لبن رايب مع 2 معلقة صغيرة عسل نحل دلكي بشرتك بالخليط لمدة 5 دقايق وبعدين سيبيه 20 دقيقة واغسليه بالمية, كرري الوصفة من 1 – 2 مرة يوميا.
  • التقليل من حروق واسمرار البشرة من الشمس
    التقليل من حروق واسمرار البشرة من الشمس

4- تنضيف وتطهير الجلد:

اللبن الرايب يعتبر مطهر ممتاز للبشرة بينضفها من كل الشوائب, وبيغذي البشرة من جوه وبيحافظ عليها صحية ومنورة.

  • – امسحي بشرتك باللبن الرايب باستخدام قطنة وسيبيه لمدة دقايق وبعدين اغسليه بالمية, كرري الوصفة دي كل يوم قبل النوم.

– اخلطي كميات متساوية من اللبن الرايب ومية الورد وضيفي لهم كام نقطة زيت زيتون او زيت لوز حلو, بلي قطنة بالخليط وامسحي بيها بشرتك وسيبيه من 10 – 15 دقيقة وبعدين اغسليه بمية باردة, كرري الوصفة يوميا او 3 مرات في الاسبوع.

تنضيف وتطهير البشرة
تنضيف وتطهير البشرة

5- ترطيب وتنعيم الجلد:

اخلطي 2 معلقة كبيرة لبن رايب مع شوية شوفان مطحون لحد ما تتكون عندك عجينة قوامها معقول حطيها على بشرتك وسيبيها 15 دقيقة واغسليها بمية دافية, كرري الوصفة مرة واحدة في الاسبوع.

ترطيب وتنعيم الجلد
ترطيب وتنعيم الجلد

6- سكراب للبشرة والجسم:

اخلطي 2 معلقة كبيرة من دقيق الذرة الناعم مع 3 معالق كبيرة لبن رايب امزجيهم مع بعض كويس لحد ما تتكون عندك عجينة سميكة افرديها على بشرتك وجسمك  وسيبيها دقايق وبعدين افركيها في حركات دائرية وركزي على المناطق الخشنة والسمرا زي الركبتين والكوعين والمناطق الحساسة وبعدين اغسليها بمية دافية.

سكراب للبشرة والجسم
سكراب للبشرة والجسم

7- لتقوية وترطيب الشعر والحفاظ عليه صحي:

اللبن الرايب مفيد جدا لصحة الشعر لانه غني بالبروتين والفيتامينات اللي بتوفر التغذية اللازمة اللي محتاجها الشعر لتحفيز نموه وتقويته والحفاظ عليه صحي.

  • – اخلطي 3 معالق كبيرة لبن رايب, بيضة,  موزة, 2 معلقة كبيرة عسل نحل, 3 معالق كبيرة زيت زيتون, واضربي المكونات كلها مع بعض كويس في الخلاط لحد ما يتكون عندك خليط ناعم حطيه على شعرك كله من الجذور للاطراف وغطيه بطاقية الشعر او كيس بلاستيك وسيبيه 20 دقيقة وبعدين اغسليه بمية باردة, كرري الوصفة مرة في الاسبوع لترطيب الشعر.

– او اخلطي 1 ½ كوباية لبن رايب مع موزة واضربيهم في الخلاط كويس وحطي الخليط على الشعر وفروة الراس وسيبيه 30 دقيقة وبعدين اغسليه بمية باردة, كرري الوصفة مرة واحدة في الاسبوع.

  • – او اخلطي موزة مع 2 معلقة كبيرة عسل نحل وثمرة افوكادو وكوباية لبن رايب واضربيهم كويس في الخلاط وحطي الخليط على الشعر وغطيه بكيس بلاستيك وسيبيه 45 دقيقة وبعدين اغسليه بالمية, كرري الوصفة مرة واحدة في الاسبوع.
  • لتقوية وصحة الشعر
    لتقوية وصحة الشعر

8- علاج قشرة الشعر:

لو بتعاني من قشرة الشعر اللبن الرايب هيساعدك تتخلصي من المشكلة دي لانه حمض اللبنيك اللي موجود فيه بيساعد في منع نمو الفطريات غلى فروة الراس اللي بتسبب قشرة الشعر, كمان بيمنع جفاف فروة الراس اللي بتسبب القشرة والحكة.

  • – حطي اللبن الرايب على الشعر ودلكيه لمدة 10 دقايق في حركات دائرية وسيبيه 15 دقيقة وبعدين اغسليه بمية دافية, كرري الوصفة من 3 – 4 مرات في الاسبوع لحد ما تتخلصي من القشرة.

– اخلطي نص عصير ليمونة مع كوباية لبن رايب ودلكي فروة الراس بالخليط وسيبيه من 15 – 20 دقيقة وبعدين اغسليه بالمية, كرري الوصفة من 3 – 4 مرات في الاسبوع.

علاج قشرة الشعر
علاج قشرة الشعر

9- تخسيس الوزن:

اللبن الرايب من الحاجات اللي ممكن تساعد على انقاص الوزن, اشربيه كوجبة خفيفة لو حسيتي بالجوع, والميزة فيه انه منخفض الدهون ويتناسب مع اي نظام غذائي صحي, وبيتهضم بسهولة وبيحافظ على صحة الجهاز الهضمي , وبيساعد الجسم على امتصاص المواد الغذائية اللي لزماه.

 اشربيه يوميا كبديل للبن العادي هيساعدك على خفض الدهون والتحكم في الوزن.

تخسيس الوزن
تخسيس الوزن

10- تخفيف الحموضة والانتفاخ:

اللبن الرايب غني بميكروب البروبيوتيك اللي بيساعد على تعزيز عملية الهضم, وده نوع ميكروب صحي بيمنع نمو البكتيريا السيئة اللي ممكن تسبب التهابات المعدة والاسهال, اللبن الرايب كمان بيمنع عسر الهضم والغازات والانتفاخات والحموضة والحرقان اللي ممكن يحصل بسبب حموضة المعدة, ده غير انه منخفض الدهون وبيتهضم بسرعة.

  • – لتحسين الهضم وتخفيف الانتفاخ ضيفي شوية زنجبيل مطحون مع شوية صغيرين ملح خشن لكوباية لبن رايب واشربيه من 1 – 2 مرة يوميا.

– لمنع حرقة وحموضة المعدة بعد الوجبات الدسمة والتقيلة, اشربي كوباية لبن رايب بعد الاكل هتريح معدتك جدا وهتمنع الحموضة والحرقان.

تخفيف الحموضة والانتفاخ
تخفيف الحموضة والانتفاخ

11- تعزيز الكالسيوم في الجسم:

اللبن الرايب يعتبر مصدر ممتاز للكالسيوم, كوباية من اللبن الرايب يوميا هتديكي تقريبا 282 ملجرام من الكالسيوم, يعني تقريبا 28% من الكالسيوم اللي الجسم محتاجها يوميا.

والكالسيوم زي ما كلنا عارفين مهم جدا عشان نحافظ على صحة العضم والاسنان, كمان بيساعد في نقل الاشارات العصبية اللي بتحسن وظيفة العضلات.

واللبن الرايب غير الكالسيوم بيحتوي كمان على فيتامين D اللي بيساعد على امتصاص الكالسيوم في الجسم, والانزيمات الموجودة في اللبن بتساعد على امتصاص المواد المغذية اللي محتاجها الجسم.

تعزيز الكالسيوم في الجسم
تعزيز الكالسيوم في الجسم

12- تقليل ضغط الدم ونسبة الكوليسترول في الدم:

اثبتت الدراسات ان شرب كوباية من اللبن الرايب يوميا ممكن تساعد على منع الكوليسترول الضار وارتفاع ضغط الدم, لانه بيحتوي على نوع من البروتينات اللي بتساعد على تخفيض الكوليسترول الضار, كمان بيحتوي على مضادات للجراثيم, وخصائص مضادة للسرطان.

اشربي كل يوم كوباية من اللبن الرايب وممكن تضيفي له اي اعشاب انتي بتفضليها او كمون مطحون.

تقليل ضغط الدم ونسبة الكوليسترول في الدم
تقليل ضغط الدم ونسبة الكوليسترول في الدم

13- منع ضربة الشمس:

اللبن الرايب من الحاجات اللي بتساعد على منع ضربة الشمس لو شربتي منه كوباية باردة قبل ما تخرجي في الشمس, لانه بيساعد على تقليل حرارة الجسم وبيحافظ عليه بارد.

لو اي يوم هتخرجي في الشمس وهتقعدي فترات طويلة اشربي قبل ما تخرجي كوباية لبن رايب بارد, او املي ازازة وخديها معاكي في الشنطة واشربي منها خلال اليوم.

منع ضربة الشمس
منع ضربة الشمس

15 طريقة تستخدمي بيهم اللبن لجمال البشرة والشعر

15 طريقة تستخدمي بيهم اللبن لجمال البشرة والشعر