19 حيلة تخلي البرفان يدوم معاكي طول اليوم !

بقلمريهام محمود فيمنوعات visibility4110

كتير مننا بتقابلنا مشكلة ان البرفان مش بيدوم معانا فترة طويلة حتى مع اغلى الانواع بمجرد ما بنخرج بنلاقي ريحته اختفت ومالهاش اي اثر, عشان كده احنا النهاردة جايبين لكل بنات حوا حيل تخلي البرفان يدوم فترة طويلة وريحتة تستمر معاكي طول اليوم.

حيل تخلي البرفان يدوم فترة طويلة:

1- لو عايزة البرفان يدوم معاكي فترة طويلة متحطيهوش في الحمام او اي مكان يكون فيه رطوبة او دافي لان الرطوبة بتقلل من جودة وريحة البرفان, شيليه دايما في اماكن باردة وجافة يعني زي اوضة النوم ويكون كمان بعيد عن الشبابيك, وممكن تستخدمي ستاند ترصي عليه البرفانات بتاعتك كلها بشكل حلو.

حيل تخلي البرفان يدوم فترة طويلة
حيل تخلي البرفان يدوم فترة طويلة

2- افركي فازلين عند مناطق النبض قبل ما تحطي البرفان, الحيلة دي هتخليه يدوم معاكي فترة طويلة, لان لما يتحط على جلد رطب هيدوم اطول من انه يتحط على جلد جاف.

حيل تخلي البرفان يدوم فترة طويلة
حيل تخلي البرفان يدوم فترة طويلة

3- حطي لوشن قبل ما ترشي البرفان لان الطريقة دي هتخليه يدوم فترة طويلة, عشان كده البشرة الدهنية بتحتفظ بريحة البرفان فترة اطول فلو بشرتك جافة رطبيها بلوشن الاول قبل البرفان.

حيل تخلي البرفان يدوم فترة طويلة
حيل تخلي البرفان يدوم فترة طويلة

4- رشي البرفان بعد ما تكوني واخدة شاور على طول وقبل ما تلبسي هدومك لان الرطوبة اللي على الجسم هتخلي البرفان يدوم اطول, وكمان هتحمي الاكسسوارات والهدوم بتاعتك من بقع البرفان.

حيل تخلي البرفان يدوم فترة طويلة
حيل تخلي البرفان يدوم فترة طويلة

5- في حركة كتير من البنات بيعملوها بعد رش البرفان بيفركوا ايديهم في بعض لكن ده غلط متفركيش معصمين الايد في بعض بعد ما تحطي البرفان لان الحركة دي هتخلي ريحة البرفان تروح بسرعة ومش هيدوم معاكي.

حيل تخلي البرفان يدوم فترة طويلة
حيل تخلي البرفان يدوم فترة طويلة

6- رشي البرفان على اماكن النبض والاماكن الدافية في الجسم اللي هي منطقة المعصم, وورا الاذن, الرقبة, خلف الركبة, تنية الكوع, تحت الصدر, ومنطقة الانكل والسمانة, المناطق دي كلها بتحتفظ بالريحة فترة اطول وبتنشر الريحة في باقي اجزاء الجسم, واختاري منطقتين بس ترشي عليهم البرفان مش كل الاماكن.

حيل تخلي البرفان يدوم فترة طويلة
حيل تخلي البرفان يدوم فترة طويلة

7- لو مش عايزة ريحة البرفان تكون قوية اوي ممكن ترشي منه رشه في الهوا وتمشي تحت الرذاذ ببطء الريحة هتنزل على الجسم كله وفي نفس الوقت هتبقى خفيفة.

حيل تخلي البرفان يدوم فترة طويلة
حيل تخلي البرفان يدوم فترة طويلة

8- لو عايزة تعطري شعرك بالبرفان المفضل ليكي رشي منه رشة على فرشة الشعر وبعدين سرحي بيها شعرك ريحة البرفان هتتوزع عليه كله من غير ما تضريه بالكحول الموجود في البرفان.

حيل تخلي البرفان يدوم فترة طويلة
حيل تخلي البرفان يدوم فترة طويلة

9- او ممكن تستخدمي العطور اللي بتكون معمولة مخصوص لتعطير الشعر.

حيل تخلي البرفان يدوم فترة طويلة
حيل تخلي البرفان يدوم فترة طويلة

10- بالنسبة لانواع البرفانات بتختلف ثبات الريحة فيها حسب مكوناتها, البرفانات اللي بتكون فيها تركيز الزيوت العطرية منخفض ريحتها بتروح اسرع, لكن اللي تركيز الزيوت العطرية فيها عالي هي دي اللي بتدوم فترة طويلة وترتيبها من الاخف للاتقل بيكون

  • – Body Splash

– Eau de Cologne

  • – Eau de Toilette

– Eau dePerfum

  • – Extrait de Perfum /Fragrance Oils

 واي برفان بيتركب من مجموعة روايح مختلفة اول ريحة بتشميها بعد ما بترشي البرفان هي دي اسرع ريحة بتختفي بسرعة, واللي بتشميها بعدها بتروح بعد الاولى على طول, والريحة الاتقل بتفضل للاخر وبتستمر معاكي فترة طويلة, عشان كده احنا لما بنيجي نجرب اي برفان بنشتريه لما بيهدى شوية او بتعدي على فترة بتلاقي ريحتة اتغيرت لان الروايح الخفيفة بتكون اتبخرت والريحة الاتقل بس هي اللي بتفضل.

حيل تخلي البرفان يدوم فترة طويلة
حيل تخلي البرفان يدوم فترة طويلة

11- لو عندك باقي برفان في اخر الازازة ومش عارفة تستفيدي بيه ممكن تفضيه على الكريم او اللوشن بتاعك.

حيل تخلي البرفان يدوم فترة طويلة
حيل تخلي البرفان يدوم فترة طويلة

12- ممكن انتي تعملي برفان خاص بيكي رشي من اكتر نوع برفان على بعض يعني لو عندك اكتر من نوع جربي كده ما بين نوعين تلاتة حسب ما انتي عايزة وشوفي اكتر روايح ماشية مع بعض, وحطي الاول البرفان اللي ريحته اقوى وبعدين الاخف فوقيه عشان القوي ميغطيش على الخفيف.

حيل تخلي البرفان يدوم فترة طويلة
حيل تخلي البرفان يدوم فترة طويلة

13- لو بتجربي برفان عشان تشتريه ومعجبكيش وعايزة تمسحيه وتجربي واحد تاني استخدمي ويبس ازالة المكياج امسحي بيه ريحة البرفان.

حيل تخلي البرفان يدوم فترة طويلة
حيل تخلي البرفان يدوم فترة طويلة

14- او ممكن تستخدمي اي كارت معاكي تجربي عليه البرفان هيقوم بنفس مهمة شرايط تجربة البرفان.

حيل تخلي البرفان يدوم فترة طويلة
حيل تخلي البرفان يدوم فترة طويلة

15- لما تيجي تجربي البرفان رشي على معصم الايد واستني شوية لما الريحة تهدى لان هي دي الريحة اللي هتثبت معاكي من البرفان لفترة اطول والريحة الاولانية هتطير اسرع.

حيل تخلي البرفان يدوم فترة طويلة

16- البرفان ليه وظيفة تانية كمان هو يعتبر من الحاجات اللي ممكن تساعدك على النوم قبل ما تنامي رشي المخدة ببرفان بريحة مهدئة هتساعدك تنامي بشكل احسن واسرع.

حيل تخلي البرفان يدوم فترة طويلة

17- ممكن بدل ما تشيلي ازازة البرفان كلها معاكي استخدمي اعواد القطن رشي عليها من البرفان وحطيها في Ziplock Bag وشيليها في شنطتك واستخدميها طول اليوم.

حيل تخلي البرفان يدوم فترة طويلة

18- ممكن تعطري الهدوم بتاعتك رشي من البرفان المفضل بتاعك على مناديل وحطيها في الادراج او الدولاب بين الهدوم عشان تعطريها.

حيل تخلي البرفان يدوم فترة طويلة

19- او ممكن تجيبي الصابون المعطر وتلفيه في منديل ورق وحطيها في الدرج بين الهدوم.

حيل تخلي البرفان يدوم فترة طويلة

شوفي نصايح ازاي تختاري البرفيوم المناسب ليكي

اعرفى معانا نصايح ازاى تختارى البرفيوم perfum المناسب ليكى
اعرفى معانا نصايح ازاى تختارى البرفيوم perfum المناسب ليكى