طريقة حلوى النوتيلا بالمارشميلو السهلة

بقلمريهام محمود فيحلويات visibility2510

النوتيلا والمارشميلو تقريبا مافيش حد مننا مش بيحبهم واحنا النهاردة جايبين لكم وصفة فيها الاتنين وهي حلوى النوتيلا بالمارشميلو, طريقتها سهلة جدا ومبتاخدش وقت ومش محتاجة فرن عشان تعمليها وفي نفس الوقت لذيذة اوي.

طريقة حلوى النوتيلا بالمارشميلو:

– المكونات:

  • – 2 ¼ معلقة صغيرة جيلاتين.

– 3 معالق كبيرة مية باردة.

  • – 1 كوب نوتيلا.

– ¼ معلقة صغيرة ملح.

  • – 1 ½ كوب كريمة خفق “كريم شانتي”.

– ½ معلقة صغيرة فانيليا.

  • – 1 كوب لبن.

– مكونات خليط المارشميلو:

  • – 1 كوب كريمة المارشميلو.

– 1/3 كوب زبدة طرية.

  • – ¾ كوب سكر بودرة:

– طريقة التحضير:

1- هنضيف كريمة الخفق مع الفانيليا ونحطهم على النار لحد ما يغلوا مع بعض وبعدين نرفع الخليط.

2- هنخلط الجيلاتين مع المية ونقلبهم كويس ونضيف عليهم 1/3 كمية الكريمة ونقلب المكونات كلها مع بعض.

3- هنخلط النوتيلا مع الملح ونحط عليهم باقي كمية الكريمة ونقلبهم مع بعض كويس وبعدين نحط خليط الكريمة مع الجيلاتين ونقلبهم.

4- نضيف اللبن للخليط ونقلبه كويس, وبعدين نصبه  في اطباق ونحطه في التلاجة 4 ساعات على الاقل او لحد ما يتماسك.

5- هنخلط كريمة المارشميلو وهي عبارة عن مارشميلو سايح هتجيبي كيس مارشميلو وتضيفي عليه معلقة كبيرة مية وتحطيه في الميكروويف او الفرن لمدة دقايق بس لحد ما يسيح وبعد ما نسيحه هنضيف عليه الزبدة ونضربهم مع بعض بالمضرب الكهربا وبعدين نضيف لهم السكر البودرة ونضربهم تاني بالمضرب لحد ما المكونات تمتزج كويس مع بعض.

6- هنجيب اطباق النوتيلا اللي احنا حضرناها هنحط الطبق في حمام مية سخنة عشان نطلعه ونقلبه على طبق التقديم ونزينه من فوق بخليط المارشميلو وممكن ترشي عليه مكسرات او بسكويت مجروش اي حاجة انتي تفضليها.

الطريقة بالفيديو:

شوفي 10 وصفات اصناف حلو بالشيكولاتة تحضريهم في 10 دقايق بس

10 وصفات اصناف حلو بالشيكولاته تحضريهم فى 10 دقايق بس
10 وصفات اصناف حلو بالشيكولاته تحضريهم فى 10 دقايق بس