6 اسباب ليه كريم الاساس بتاعك بيبوظ ويطلع شكله مش حلو !

ريهام محمود
ريهام محمود
في
مكياج
12733

كريم الاساس تقريبا من اصعب الخطوات اللي في المكياج اللي بنلاقي صعوبة في اننا نظبطه ويطلع بشكل مثالي وبالتالي لما كريم الاساس بيبقى مش مظبوط المكياج كله بيطلع بايظ ومش حلو لان هو يعتبر مكياج الاساس كله لو اتظبط هيظبطلك كل المكياج, عشان كده النهاردة هنعرف مع بعض من خلال مقالنا ليه كريم الاساس بيبوظ, وايه اكتر الاسباب اللي بتخلي كريم الاساس يطلع شكله مش حلو على البشرة.

تعالوا نعرف مع بعض ليه كريم الاساس بيبوظ:

1- مش بتقشري بشرتك بشكل كافي:

واحدة من الاسباب اللي ممكن تأثر على شكل كريم الاساس اننا مش بنهتم ببشرتنا بشكل كافي, البشرة بتبقى محتاجة تقشير بانتظام عشان نزيل كل الجلد الميت وننضف المسام ونخليها ناعمة وشكلها مخملي, اعملي تقشير خفيف للبشرة من مرة لمرتين في الاسبوع.

ليه كريم الاساس بيبوظ 1
ليه كريم الاساس بيبوظ 1

2- بتستخدمي لون غلط:

اختيار درجة لون غلط من كريم الاساس واحد من الاسباب اللي بيخلي شكله يطلع مش حلو على البشرة, عشان كده مهم جدا اننا نختار درجة اللون بعناية لازم تكون نفس درجة لون بشرتك بالظبط, يعني ميكونش افتح ويبقى باين اوي على البشرة ولا اغمق ويغمق بشرتك احسن درجة انه يكون مطابق للون البشرة بالظبط وزي ما قولنا قبل كده جربي اللون على الرقبة او خط الفك عشان تجيبي اللون الصح.

ليه كريم الاساس بيبوظ 2
ليه كريم الاساس بيبوظ 2

3- مش بتستخدمي برايمر:

البرايمر من الخطوات المهمة جدا اللي بتحافظ على كريم الاساس وبتثبته لفترة طويلة, وتطبيق البرايمر على البشرة قبل كريم الاساس مش بس بيساعد على ثباته لكن كمان بيطفي لمعة الوش, بيقلل حجم المسام الواسعة, بيخفي احمرار والتهاب البشرة.

ليه كريم الاساس بيبوظ 3
ليه كريم الاساس بيبوظ 3

4- بتستخدمي كريم اساس مش مناسب لنوع بشرتك:

كل نوع بشرة بيبقى ليه متطلبات مختلفة يعني البشرة الجافة غير الدهنية غير العادية, عشان كده لازم تكوني عارفة نوع بشرتك كويس جدا عشان تقدري تشتري كريم الاساس المناسب لنوع بشرتك ويطلع شكله حلو ومثالي على البشرة.

ليه كريم الاساس بيبوظ 4
ليه كريم الاساس بيبوظ 4

5- مش بتستخدمي بودرة:

اللوس بودر تعتبر المفتاح السحري لثبات كريم الاساس اطول فترة ممكنة خصوصا لصاحبات البشرة الدهنية اللي بيعانوا دايما من الدهون الزيادة في البشرة ولمعانها, عشان كده خطوة البودرة مهمة بعد ما تطبقي كريم الاساس حطي طبقة خفيفة من البودرة, والبودرة مش بس بتثبت كريم الاساس كمان بتسهل تطبيق البلاشر والكونتور او البرونزر.

ليه كريم الاساس بيبوظ 5
ليه كريم الاساس بيبوظ 5

6- مش بتستخدمي الاداة الصح لتطبيق كريم الاساس:

اداة وضع كريم الاساس من الحاجات المهمة جدا اللي ممكن تأثر على شكله على البشرة, والاداة بتختلف من نوع كريم اساس للتاني يعني في انواع ممكن نستخدم فيها صوابعنا وانواع تانية بيبقى انسب لها استخدام فرشة كريم الاساس او السبونج, ولو مش عارفة تحددي تستخدمي اي اداة مع نوع كريم الاساس بتاعك ممكن تجربي كل الطرق وتشوفي اي واحدة منهم هتخلي كريم الاساس احلى على بشرتك.

ليه كريم الاساس بيبوظ 6
ليه كريم الاساس بيبوظ 6

انواع كريم الاساس المناسبة لكل بشرة وازاي تحطيه صح

انواع كريم الاساس المناسبة لكل بشرة
انواع كريم الاساس المناسبة لكل بشرة

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي