10 قطع ملابس لو ضيفتيهم لدولابك هيخلوكي جذابة اكتر
دايما بنحتار في اختيار اللبس المناسب لينا او ايه هي اكتر قطع ملابس هتخليكي جذابة وتطلعي بشكل احلى, ومن خلال مسح عملتة منظمة الصحة العالمية كشفت فيه عن اكتر قطع الملابس اللي الرجالة بيشوفوا فيها الست اكتر جاذبية وكانت اهم القطع دي هما ال10 قطع ملابس اللي هنشوفهم النهاردة مع بعض من خلال موضوعنا.
10 قطع ملابس هتخليكي جذابة:
1- فستان اسود قصير:
الفستان الاسود القصير من القطع المميزة جدا اللي لازم تكون قطعة اساسية في دولابك لانه مناسب لكل الاوقات وللمناسبات الخاصة وكلكوك كاجوال وفي كل الحالات هيخليكي تظهري بلوك جذاب جدا.
2- الكعب العالي:
كل واحدة فينا محتاجة على الاقل يكون عندها شوز واحد كعب عالي للمناسبات الخاصة, اولا لانه بيبقى انسب واشيك لمناسبة, وبيدي طول للجسم, وبيحسن شكل الجسم, وكمان بيدي طول للساقين وبيظهرهم بحجم اقل.
3- اللون الاحمر:
اللون الاحمر من الالوان اللي بتدي جاذبية فظيعة جدا, وحتى علماء النفس اكدوا ان اللون الاحمر اكتر لون جذاب للرجل حتى لو كان مجرد بس احمر شفايف باللون الاحمر.
4- الكتف الساقط “Bare shoulders”:
الكتف الساقط من القطع الجذابة والمميزة جدا, وبيدي لوك انثوي اوي, بس المهم يكون الكتف ساقط بشكل معقول من غير مبالغة فيه عشان ميديش نتيجة عكسية ويبقى اللوك اوفر اوي.
5- الفستان الضيق “Bodycon dress”:
الفستان الضيق او اللي واخد شكل الجسم من القطع سواء القصير او الميدي يعتبر من القطع الملفتة اوي اللي هتخليكي تطلعي بلوك جذاب ومش هتحتاجي انك تعملي اضافات للوك بتاعك لان الفستان لوحده هيطلعك بشكل حلو من غير اي حاجة تانية.
6- الجاكيت الجلد:
الجاكيت الجلد من القطع الاساسية اللي لازم تكون موجودة في دولابك لانه هيديكي لوك كاجوال وعملي وشيك في نفس الوقت.
7- الدانتيل:
الدانتيل من انواع الاقمشة اللي بتدي لوك رومانسي ناعم وبتديكي لمسة انثوية, لو عايزة تبقي حلوة وسكسي وفليرتي يبقى اكيد لازم يكون عندك قطعة ملابس من الدانتيل, ممكن تضيفي لمسة بسيطة من الدانتيل للتوب هتكون كافية جدا انها تخليكي جذابة اكتر.
8- الضهر المفتوح Backless:
الضهر المفتوح كمان من القطع التريندي اوي اللي لبسها هيديكي جاذبية اكتر, سواء بلوزة على الجينز او فستان.
9- جينز ازرق وتوب ابيض:
احيانا بتكون ابسط الاشياء هي الافضل ! يعني مش شرط تبقى في تفاصيل كتير في اللوك بتاعك عشان تطلعي بشكل حلو, ومن اللوك الحلوة والبسيطة هي الجينز الازرق او الاسود مع توب ابيض, ويمكن يكون معظمنا بالفعل عندهم القطعتين دول في دولابهم ولو مش عندك بننصحك انك تضيفيهم لدولابك لانهم من القطع اللي بتدي لوك بسيط وحلو في نفس الوقت.
10- الملابس الرياضية:
يمكن في كتير مننا بيشوف الملابس الرياضية ممكن تكون مش جذابة, لكن الحقيقة ان الرجالة بيشوفوا ان الست اللي بتمارس الرياضة في الجيم بالملابس الرياضية جذابة جدا.
11- الشخصية:
اخر حاجة واهم حاجة هي الشخصية والاسلوب يعني خلي شخصيتك ملفتة وجذابة قبل ما تخلي الملابس بتاعتك جذابة ولازم يكون عندك ثقة في نفسك, لان لو شخصيتك حلوة وعندك ثقة مش هتفرق ساعتها انتي لابسة ايه وهتجذبي اللي حواليكي باسلوبك.
اعرفي معانا طرق تحسين اي لوك في ثواني وبسهولة
