9 اسباب ليه تمرين الـبيلاتس نتيجته افضل من تمرين الكارديو

مفيش حد فين مابيعرفش تمرينات الكارديو المشهورة وقد ما هى مفيدة لكن اوقات بتبقى متعبة و بيبقى صعب علينا اننا نلتزم و نواظب عليها ، وعلشان الموضوع يبقى اسهل عليكى فى المقال ده هنقولك على تمرين جديد اسمه تمرين الـبيلاتس وهنقولك على 9 اسباب يخلوا التمرين ده نتيجته افضل من تمرين الكارديو .

9 اسباب يخلوا التمرين ده نتيجته افضل من تمرين الكارديو

1- تحسين استقامة الضهر : 

استقامة ضهرك او الـ good posture بيعتبر من اول الحاجات اللى الناس بتلاحظها فيكى لما بتقابلك لاول مرة، انك تقفى وضهرك مستقيم بيخلى الجزئين العلوى و السفلى من جسمك شكلهم مظبوط وطبعا مهم جدا تقعدى وضهرك مش منحنى، الضهر المستقيم هيخليكى تتفادى تكوين اى انحناءات فى ضهرك و كمان هيحافظ على بطنك مسطحة ومشدودة.

-تمرين الـ pilate بيحسن من postureضهرك.

-بيخلى عمودك الفقرى صحى و المسافات بين الفقرات صحيحة.

2- بيخليكى اقوى : 

فايده تانية من فوايد التمرين ده هى انه بيحسن من قوة الجسم و بيخليكى اقوى بشكل عام خصوصا لو كانت طبيعة جسمك انه ضعيف شوية ، تدريجيا و مع الانتظام على التمرين ده هتلاحظى انه عضلاتك بقت اقوى وجسمك زادت قوته بشكل عام.

• – بمساعدة تمرينات الـ dynamic هتبدأ عضلاتك تبقى اقوى و تحققى نتيجة افضل.
• -تمرين الـ Pilates هيساعدك تزودى قوتك اللى بتحتاجيها لاعمال كل يوم.

3- تحسين التوازن : 

جسمك بيحتاج يبقى فيه توازن علشان تقدرى تعملى تمارينك بلطف ومن غير ما تبقى مرهقة بالنسبة لك ، تمرين الـبيلاتس بيساعدك على تحسين توازن الجسم بشكل كبير .

-التمرين ده هيساعدك فى روتينك اليومى.

-بيساعدك فى خلق التوازن و بالتالى بيحسن من حركتك ومشيتك.

-ده معناه ان ردود فعلك و طبيعة حركة جسمك بتبقى احسن واقوى.

تحسين التوازن

4- بيزود مرونة الجسم : 

جسمنا فى العادة مابيبقاش مرن كفاية علشان يأدى كل الحركات المطلوبة منه بسهولة، ويمكن معظمنا بنلاحظ ده و احنا بنعمل تمرينات معينة او تمرين اليوجا مثلا ، لكن تمرين الـبيلاتس بيساعدك نزودى مرونة جسمك.

-تمرين الـبيلاتس بيساعد عضلاتك انها تتمدد و تبقى مرنة اكتر تدريجيا مع زيادة معدل حركتك اثناء التمرين.

— زيادة مرونة عضلان الجسم بتساعد فى تحسين تدفق الدورة الدموية.

5-تقوية الدورة الدموية : 

حاجه كمان بتخلى التمرين ده نتيجته افضل من تمرين الكارديو هى انه بيحسن من تدفق الدم و بالتالى بيقوى الدورة الدموية للجسم بشكل كبير وده بيزود قدرتك على انك تشتغلى و تتحركى اكتر، فى بعض التمرينات بتساعد تدفق الدم و بتعزز من قوة الجسم و تمرين الـ Pilates بيعتبر من افضلها.

-مع تحسين استقامة الجسم و زيادة قوة الجسم العامة ده هيحسن من الدورة الدموية.

-تنظيم التنفس اثناء تمرين الـبيلاتس بيضمن انه الدم يفضل فى معدل تدفق كويس و كمان بيدخل نسبة الاكسجين المطلوبة للجسم.

6- زيادة قوة التحمل : 

زيادة قوة تحمل الجسم بتتحسن مع الوقت ومفيش اى طريقة تعمليها وتصحى تانى يوم الصبح قوة تحملك زايدة، و لكن ده بياخد وقت و مجهود. تقدرى تزودى من قوة تحمل جسمك من خلال التمرين ده و لكن مهم انك تواظبى و تتمرنى.

-تمرين الـبيلاتس لو انتظمتى عليه هيساعدك تبنى قوة تحمل جسمك اسرع.

-ساعة تمرين من الـ Pilates كل يوم هتساعدك تكونى قوة تحمل عالية.

• تمرين الـبيلاتس بيشتغل على العضلات كمان وده بيحسن من تحمل عضلات جسمك كله بشكل عام.

7- تحسين الصحة العقلية :      

التمرين اللى يبقى الهدف منه تقويتك جسديا بس نقدر نعتبره  تمرين مش مفيد كفاية، فايدة كمان من تمرينات الـبيلاتس أنها مش بس بتقوي صحتك الجسدية لكنها كمان بتحسن من صحتك العقلية ، و بتعتبر تمرينات اليوجا هى كمان من افضل التمرينات اللى بتشتغل على الناحيتين الجسد و العقل .

-تمرين الـبيلاتس مفيد لصحتك العقلية زيه زى اليوجا.

-تمرين الـبيلاتس بيحتاج منك التركيز الكامل وانك تصفى ذهنك بشكل كبير وده بيساعدك تسترخى و تقوى عقلك.

-التنفس الصحيح اثناء التمرين مهمة.

-التنفس الصحيح مع الاسترخاء هتساعد المخ ينفذ وظائفه بشكل افضل.

8- زيادة قوة العضلات : 

زى ما قلنا من شوبة انه من اهم مميزات التمرين ده و اللى بتخلي التمرين ده نتيجته افضل من تمرين الكارديو هى انه بيشتغل على عضلات الجسم وبيقويها بنسبة كبيرة جدا، خصوصا انه معظم التمرينات اللى بيبقى الهدف منها العضلات بتبقى صعبة شوية فى الاول لكنك بتتعودى بعد كده وبيبقى الموضوع اسهل بالنسبة لك. تمرين الـ Pilates بيشتغل على عضلات البطن ، الضهر و قاع الحوض .

• -تمرين الـبيلاتس بيشتغل على العضلات من جوه لبرة.
• -و بكده كل حركة هتعمليها اثناء التمرين هتبقى جاية من داخل العضلات وتتجه لبره باتجاه الاطراف.

9- التقليل من مخاطر الاصابات : 

فى معظم الوقت بنعمل تمرينات بتبقى تقيلة و مجهدة للمفاصل و ده احيانا ممكن يؤدى لالم كبير او التهابات فى المفاصل علشان كده ايا كان التمرين اللى بتعمليه لازم تتأكدى انه مش هيأذيكى او يسببلك أى الم ، تمرين الـ pilates بيعتبر من التمرينات الغير مجهدة واللى ليها فاعلية كبيرة فى تحسين وضع الضهر و تخفيف تشنج العضلات .

-مع تمرين الـ Pilates بضهر مستقيم و توازن هتقدرى تقللى من مخاطر تعرضك للاصابات اثناء التمرينات .

شوفى هنا كمان فيديو لتمرين pilates للجسم كله فى 10 دقايق بس ..