ايه اللى بيحصل لجسمك لما بتعانى من قلة النوم؟

آية حسان
آية حسان
في
صحة
3644

لما مابتناميش كويس ده بيأثر عليكى بشكل كبير سواء على بشرتك او صحتك او طاقتك او مودك بشكل عام فى اليوم التانى ، فلو عندك مشكلة فى نومك او مابتناميش كويس و مش عارفة ليه ده بيحصل او ازاى بيأثر عليكى و عايزة تلاقى حل ..  اعرفى معانا ايه اللى بيحصل لجسمك لما بتعانى من قلة النوم او لما مابتناميش كويس؟

ايه اللى بيحصل لجسمك لما بتعانى من قلة النوم او لما مابتناميش كويس؟

ايه اللى بيحصل لجسمك لما بتعانى من قلة النوم او لما مابتناميش كويس ؟
ايه اللى بيحصل لجسمك لما بتعانى من قلة النوم او لما مابتناميش كويس ؟

ازاى النوم بيأثر عليكى ؟ 

اول حاجه بتأثر عليكي من قلة النوم بشكل كبير هى بشرتك، لانه البشرة بتعتبر الشباك اللى بيبين صحتنا و جمالنا علشان كده لو مابتناميش كويس ممكن تلاحظى ده على لون بشرتك و هتلاقى البشرة جافة و فيها حبوب، وفى المقال ده هنحاول نقولك اكتر ازاى النوم بيؤثر على بشرتك وايه هى كمية النوم اللى بتحتاجيها كل يوم .. 

ازاى النوم بيأثر عليكى
ازاى النوم بيأثر عليكى

بتحتاجى تنامى قد ايه ؟

كلنا مختلفين عن بعض فى كمة النوم اللى بتحتاجها، و الابحاث بتقول انه متوسط عدد ساعات النوم اللى بيحتاجها الفرد يوميا بتكون من 7 لـ 8 ساعات علشان يقدر جسمك يحقق الراحة اللى لازماه علشان يقدر جسمك و عقلك يشتغلوا كويس تانى يوم.

بتحتاجى تنامى قد ايه ؟
بتحتاجى تنامى قد ايه ؟

تاثير النوم على الجسم و العقل و البشرة

النوم بيعتبر هو الفرصة الوحيدة لجسمك انه يجدد طاقته ويستعيد نشاطه و يديله الراحة الكافية من كل التفكير والهموم اللى بتبقى شاغلة بالنا او مسببه لينا الارهاق طول اليوم. و بيسمح للدماغ انه يخزن المعلومات الى اكتسبتيها خلال اليوم و علشان كده ممكن احيانا تلاقى نفسك بتحلمى احلام غريبة، و كمان النوم له تأثير على بشرتك لانه بيساعد خلايا البشرة انها تتجدد و تصلح نفسها.

تاثير النوم على الجسم و العقل و البشرة
تاثير النوم على الجسم و العقل و البشرة

النوم العميق : 

بأنك تحاولى تنامى من 7 لـ 8 ساعات نوم متواصل ده بيخلى جسمك قادر على انه يدخل فى عملية اسمها the sleep – wake cycle ، و العملية او الـ process دى بتتكون من مرحلتين : 

– المرحلة الاولى : مرحلة النوم البطئ  slow wave sleep :

فى المرحلة دى من النوم العميق جسمك بيبدأ يسترخى و ضغط الدم بيبدأ يقل و معدل التنفس بيبقى اعمق و منتظم اكتر لانه المخ بيبقى يكون استجابات لحاجات اقل لانه بتبقى لا بتشتغلى ولا بتتكلمى و لا بتسمعى موسيقى مثلا فمعدل استجابات المخ للى بيحصل حواليه بيقل و ده بيخلى انك تصحى من النوم فى المرحلة دى صعب. و كمان بيبدأ الجسم فى افراز الهرمونات اللى بتخلى الجسم يبدأ ينقى نفسه من أى سموم اتعرض ليها خلال اليوم وكمان بيبدأ يجدد من الخلايا.

-المرحلة التانية: مرحلة حركة العين السريعة rapid eye movement sleep : 

المرحلة دى بتحصل على فترات سريعة و متقطعة خلال النوم لانه فيها بيبدأ ضغط الدم يرتفع تانى و بيزيد معدل ضربات القلب مع كل حركة بسيطة لجسمك، فى المرحلة دى بيبدأ جسمك يكون الاحلام و يكون انواع مختلفة من الذكريات من المعلومات اللى اكتسبها خلال اليوم و بيصفى اى معلومات زايدة عن حاجتك او مالهاش قيمة، فى المرحلة دى بيبدأ عقلك يتعافى.

النوم العميق
النوم العميق

ازاى النوم العميق بيتأثر حسب السن : 

كل ما بنتقدم فى السن بيقل النوم العميق اللى ممكن نحصل عليه و ده له اسباب مختلفة منها اضطرابات النوم اللى بتحصل بسبب انه الاولاد بيصحوكى وانتى نايمة مثلا فى نص الليل خصوصا لو عندك بيبى، كمان اسلوب الحياة المتوتر او الـ stressful life style  بانك تبقى بتسهرى وكمان زيادة المشكلات الصحية كل ما بنكبر فى السن بتقلل من فرصتنا فى اننا ننام نوم عميق و ده معناه انه جسمنا بيبقى عنده فرصة اقل انه يصلح نفسه او يجدد طاقته و ده بيسرع من ظهور علامات تقدم السن علينا.

ازاى النوم بيأثر على العمر ؟
ازاى النوم بيأثر على العمر ؟

ازاى قلة النوم بتأثر على الوش و البشرة ؟ 

خلايا البشرة بتتكون و تتجد اسرع خلال اللليل اكتر من النهار واكتر فترة بيبقى فيها تجديد خلايا البشرة زايد اوى و نشيط بتبقى على حوالى الساعة 2 بعد نص الليل و كمان ساعتها الجسم بيفرز مادة الكولاجين اللى بتجدد خلايا البشرة و تخليها شابة و صحية. علشان كده لما مابتاميش كويس بالليل او بتسهرى لفترات طويلة بشرتك مابتخدش الوقت الكافى علشان تجدد خلاياها و بتبدأ يبقى شكلها مجهد و باهت لانها تدريجيا بتبدأ تفقد صحتها و بيقل لونها و تبدأ تغمق فبتتكون الهالات السوداء و الكلف، علشان كده بتزيد أهمية النوم كل ما بنتقدم فى السن .

ازاى قلة النوم بتأثر على الوش و البشرة ؟
ازاى قلة النوم بتأثر على الوش و البشرة ؟

ازاى تساعدى بشرتك لو مابتناميش كويس ؟ 

انك تنامى على مخدة طرية وناعمة ده هيساعد بشرتك انها تتحسن بشكل كبير ، ولاننا بنقضى حوالى تلت حياتنا نايمين ، مهم جدا انك تنامى على مخدة صحية و مفيدة لبشرتك وكمان لشعرك ، حاولى تنامى على مخدة يبقى غطاها من الستان او الحرير علشان تبقى ناعمة على بشرتك و لان الحرير بيحتوى على بروتين طبيعى و amino acids  بتعزز افراز البشرة لمادة الكولاجين وكمان النوم على مخدة حرير او ستان بيخلى جسمك يحافظ على درجة حرارته و ده هيخليكى ماتحسيش بالحر وانتى نايمة و كمان هتبقى مفيدة جدا لشعرك. ابعدى عن المخدات القطن او اللى قماشها خشن.

ازاى تساعدى بشرتك لو مابتناميش كويس ؟
ازاى تساعدى بشرتك لو مابتناميش كويس ؟

ازاى تخلى اوضتك مكان مثالى للنوم ؟ 

علشان تستفيدى من فترة النوم قد ما تقدرى لازم تبقى حريصة انه اوضتك مكان مثالى للنوم وده معناه انك تنامى فى اوضة ضلمة و هادية بعيدة عن اى صوت ممكن يزعجك ولو بتنامى فى اوضة حر يبقى حاولى تخلى شباك او بلكونة مفتوحة على خفيف و يفضل تنامى فى اوضة مفيش فيها اى جهاز الكترونى زى تليفزيون او كمبيوتر او موبايل و لو لازم يبقى حاجه من دى موجودة يبقى يفضل انك تطفيهم و تسيبيهم من ايدك قبل النوم بنص ساعة على الاقل.

ازاى تخلى اوضتك مكان مثالى للنوم ؟
ازاى تخلى اوضتك مكان مثالى للنوم ؟

ازاى الموبايل بيأثر على نومك ؟ 

كتير مننا بيناموا و الموبايل جنبهم على المخدة  لكن ده غلط كبير لانه اشارات الموبايل بتمنع مادة الميلاتونين melatonin وده هرمون بيفرزه جزء صغير فى المخ و بيتحكم فى دورات النوم و الصحيان، وعلشان تخلى الموبايل يزعجك اقل شغلى خاصية الـ night shift ودى موجودة فى موبايلات  i-phone ، الخاصية دى بتقلل من brightness الشاشة و بتحول نورها للون اصفر علشان تقلل من الازعاج اللى ممكن يسببه الموبايل، لانه الضوء اللى بيصدر من الشاشة ممكن يأثر فعلا على افراز مادى الميلاتونين وده ممكن ينسبب فى انك تفضلى سهرانة و ماتقدريش تنامى بالليل.  ولو الخاصية دى مش موجودة فى موبايلك حاولى تقللى الـ brightness على اقل حاجه و تقلب الموبايل على وشة بحيث تكون الشاشة مواجهه للمخدة او الكومودينو .

ازاى الموبايل بيأثر على نومك ؟
ازاى الموبايل بيأثر على نومك ؟

ازاى تحضرى عقلك للنوم ؟ 

علشان تحضرى عقلك للنوم و تستفيدى فعلا من ساعات النوم حاولى تساعدى جسمك انه يصل فى وقت معين كل يوم  والوقت ده  يبقى هو ميعاد نومك بتمرينات استرخاء زى اليوجا، التأمل او تمارين التنفس العميق. الطرق دى بتقدر تقلل كل معدلات التوتر و القلق و بتحسن من مستوى نومك ، ممكن تدورى على فيديوهات الاسترخاء او اليوجا و تختارى الافضل منها او اللى تحسي انه سهل عليكى تعمليه .

ازاى تحضرى عقلك للنوم ؟
ازاى تحضرى عقلك للنوم ؟

ازاى تحضرى عقلك للنوم ؟

خلى عقلك يسترخى بتمرين التنفس ده :

فى تكنيك للتنفس و الاسترخاء اسمه تمرين ” 4-7-8″ بيعتبر حل سحرى للى بيعانوا من قلة النوم او بيناموا بصعوبة، التمرين ده مش بس هيساعدك تنامى ولكن كمان هيقلل من معدل ضربات القلب ، ضغط الدم و هيحسن من الهضم و هيساعدك تقللى من التوتر والقلق و بيتعمل فى 3 خطوات بسيطة : 

1- ابدأ خدى نفس من الانف نفس عميق لمدة 4 ثوانى.

2- احبسي النفس ده لمدة 7 ثوانى.

3-طلعى النفس من بقك وانتى بتعدى لحد 8.

الخطوات اللى فوق دى بتعتبر نفس واحد، كررى الخطوات دى لـ 4 انفاس علشان تساعدى نفسك تسترخى، ممكن تحسي انك دايخة شوية فى الاول بس الاحساس ده هيروح بالتمرين.

شوفى كمان 10 نصايح ليكي أثناء النوم عشان تصحي مشرقة وجميلة 

نصايح ليكي أثناء النوم
نصايح ليكي أثناء النوم

مقالات متعلقه

افضل وصفات شاي هتساعدك على النوم

افضل وصفات شاي هتساعدك على النوم

8 اوضاع يوجا هندية هتساعدك على النوم بعمق

8 اوضاع يوجا هندية هتساعدك على النوم بعمق

6 وضعيات للنوم مريحة وهتخليكي تنامي بشكل أعمق كل ليلة

6 وضعيات للنوم مريحة وهتخليكي تنامي بشكل أعمق كل ليلة