افضل 15 طريقة لحرق اكتر من 300 كالورى فى ساعه

لو عاملة دايت و عايزة تنزلى وزنك، او لو بتتمرنى بانتظام و بتروحى الجيم علشان جسمك يبقى رياضى و تحرقى الدهون و تبدأى تكونى جسم صحى و شكله حلو بس لسه برده رغم المجهود مش قادرة تلاقى النتيجة اللى انتى مستنياها، فى المقال ده هتلاقى الحل لانه بنات حواء هتقولك فى المقال ده هتساعدك و   تقولك على افضل 15 تمرين و طريقة لحرق اكتر من 300 كالورى فى ساعه بشكل سريع و فعال..

افضل 15 طريقة لحرق اكتر من 300 كالورى فى ساعه

هتشوفى معانا صور لافضل الرياضات و التمارين اللى هتساعدك تحرقى من 300 لـ 700 كالورى فى الساعه الواحدة، الانتظام على التمارين دى مش بس هياسعدك تخسرى الـ calories الزيادة ، لكن كمان هياسعدك تخلى جسمك صحى و رياضى و مشدود، شوفى معانا ايه هى التمارين دى و كل تمرين تقدرى تحرقى من خلاله كام كالورى..

1- elliptical trainer :

الجرى كل يوم ساعة على الـمشاية الكهرباء او الـ elliptical trainer  هيساعدك تحرقى كل يوم حوالى 303 كالورى فى الساعة.

2- ايروبيكس المية :

لعب ايروبيكس المية بشكل يومى منتظم بيساعدك تحرقى 334 كالورى لكل ساعة لعب.

3- تمرين الpilates :

تمرين الـ pilates بيعتبر من التمارين الفعالة فى نحت الجسم و حرق الدهون ، ساعة من التمرين ده = 345 كالورى.

4- hiking :

الـ hiking او المشي على الطرق الوعرة او تسلق الجبال و التلال من التمرينات اللى بتعتبر شاقة فبتحرق الدهون بشكل كبير ، كل ساعة من التمرين ده بتحرق حوالى 364 كالورى.

5- skiing : 

ساعة من التزحلق على الجليد او الـ skiing  تساوى 413 كالورى.

6- aerobics : 

تمرينات الايروبيكس المكثفة او الـ intensive aerobics بتحرق كل ساعة 443 كالورى.

7- الباتيناج – roller skating : 

المشي بالباتيناج او الـ roller skating  = حرق 455 كالورى.

8- كرة السلة :

لعب كرة السلة لساعة كل يوم بيضمنلك حرق حوالى 485 كالورى.

9-التنس :

لعب ساعة واحدة من التنس = حرق 485 كالورى.

10- الجرى :

الجرى بسرعة 8 كيلو فى الساعة بيحرق حوالى 503 كالورى لكل ساعة.

11- طلوع السلالم جرى :

انك تطلعى سلالم البيت او الشغل لكتر من مرة لمدة ساعة كل يوم بيساعد جسمك يحرق حوالى 546 كالورى لكل ساعة.

12- الزومبا :

تمرين الزومبا بيعتبر من التمارين المشهورة و المحبوبة دلوقتى بشكل كبير عند البنات لانه مفيد و ممتع و بيطلع مننا طاقة كبيرة فى نفس الوقت ،ساعة كل يوم من رقصة او تمرين الزومبا بتساعد جسمك يحرق حوالى 554 كالورى.

13- السباحة السريعة:

ساعة من تمرين السباحة السريعة = حرق 595 كالورى.

14- نط الحبل :

واحده من 15 طريقة لحرق اكتر من 300 كالورى فى الساعة  يوميا هو تمرين سهل زى نط الحبل ، نط الحبل ساعة كل يوم = حرق حوالى 716 كالورى. 

15- الجرى بسرعة 13 كيلو فى ساعه :

الجرى بسرعة 13 كيلو فى الساعة بتساعدك تحرقى 716 كالورى فى الساعة.

بكده تكونى عرفتى معانا 15 طريقة لحرق اكتر من 300 كالورى مختلفين عن بعضهم و فى نفس الوقت ممتعين و فعالين، يلا اختارى التمرين المفضل عندك و جربيه وقوليلنا النتيجة :) ..