لوك مكياج وشعر رائعين مناسبين لفصل الشتا

بقلمريهام محمود فيمكياج visibility2473

في الشتا دايما بنبقى محتارين في انسب لوك شعر ومكياج ممكن يكونوا مناسبين للفصل ده غير الصيف بيبقى الاختيارات فيه اكتر, عشان كده احنا النهاردة جايبين لكل بنات حوا لوك مكياج وشعر للشتا بالخطوات تقدري تنفذيهم بسهولة جدا ومش محتاجين وقت ولا مجهود وفي نفس الوقت هيخلوكي تطلعي بلوك مميز ومختلف.

لوك مكياج وشعر للشتا:

– خطوات المكياج:

1- اول خطوة حطي كريم الاساس بتاعك بالطريقة العادية وافرديه على بشرتك كلها كويس.

2- اعملي كونتور خفيف للبشرة باستخدام الكونسيلر حطيه في الاماكن اللي عايزة تظهريها او تبرزيها بشكل طبيعي.

3- حطي كونسيلر على الجفون هيقوم بوظيفة البرايمر ويثبت المكياج.

4- ثبتي الكونسيلر اللي انتي وزعتيه على بشرتك باللوس بودر باستخدام فرشة كبيرة ناعمة.

5- حطي البلاشر على تفاحتين الخد.

6- حددي ملامح الوش باستخدام برنزر عند منابت الشعر في منطقة الجبهة, وتحت عضم الخدين, وعلى طول الفك, وممكن تحطي كمان شوية على منطقة الرقبة.

7- اعملي كونتور للانف باستخدام البرونزر حطيه بفرشة صغيرة من اول الزاوية الداخلية للعين لحد طرف الانف.

8- املي فراغات الحواجب بمصحح حواجب بودر باللون البني الغامق.

9- استخدمي فرشة الايشادو وطبقي الايشادو باللون الاسود, وركزي اللون برسمه على خط الرموش اللي فوق واللي تحت.

10- حطي ايلاينر اسود على خط الرموش فوق اللي فوق واللي تحت.

11- استخدمي صوباعك لتوزيع الايشادو على الجفن وركزي على منطقة نص الجفن.

12- وباستخدام فرشة صغيرة مسطحة اضغطي على الايشادو.

13- حطي على الرموش طبقتين من الماسكارا السودا المفضلة ليكي.

14- حطي طبقة كونسيلر على الشفايف عشان تثبتي الروج.

15- حطي روج بلون نيود اختاري اي لون مفضل ليكي.

خطوات المكياج
خطوات المكياج

– خطوات تسريحة الشعر:

1- اقسمي شعرك نصين واستخدمي البيبي ليس عشان تفرديه وتديه لوك سموزي ناعم.

2- ادهنيه سيروم عشان تمنعي هيشان الشعر ممكن تستخدموا سيروم لوريال.

3- كده الشعر جاهز للتسريحة اقسمي الشعر نصين وجيبي النص اللي فوق للجنب التاني وثبتيه في النص بالبنس.

4- هاتي الشعر اللي لمتيه بالبنس وابرميه.

5- جمعي الشعر كله مع الجزء اللي ورا.

6- خدي خصلة من الشعر لفيها على باقي الشعر عشان تعملي ديل حصان.

7- ثبتي ديل الحصان بالبنس.

خطوات تسريحة الشعر
خطوات تسريحة الشعر

اعملي مكياج ينور وشك ويداري التعب في دقيقة واحدة بس !

مكياج سريع ينور الوش ويداري التعب
مكياج سريع ينور الوش ويداري التعب