موضة الستريت ستايل للمحجبات Street Style لشتاء 2017
موضة الستريت ستايل للمحجبات من الحاجات المريحة اوي في اللبس وشيك في نفس الوقت, وممكن تلبسيها كلوك كاجوال لخروجاتك الصبح, وممكن تلبسيها كلاسيك لخروجك بعد الضهر او بالليل يعني تمشي مع كل الاوقات.
وزي ما هنشوف في المجموعة بتاعتنا النهاردة مجموعة ستايلات منوعة ما بين البلوفرات الTurtleneck على الجينز كلوك كاجوال للصبح على البوت الطويل, او الفيست الفرو على الجينز والفرو من القطع التريندي اوي لشتاء 2017, كمان القميص الكاروه من القطع الموضة اوي السنة دي ممكن تنسقي فوقيه جاكيت مع بوت طويل, ومن الحاجات اللي كانت معانا في الربيع ومكملة معانا موسم الشتا هو الكارديجان عملي جدا في لبسه وينفع لكل الاوقات ممكن تنسقيه مع بدي او شيميز مع الجينز وتنسقيه مع شوز بكعب لو عايزاة يبقى لوك مناسب لخروجك بعد الضهر,.
كمان لوك الطبقات من انسب الحاجات المناسبة للشتا جدا واحنا اتكلمنا قبل كده بالتفصيل ازاي ننسق الطبقات مع بعض تقدروا تشوفوه من هنا.. نصايح ازاي تنسقي طبقات من الملابس في الشتا.
لو عايزة لوك كلاسيك لخروجاتك بعد الضهر او بالليل ممكن تعتمدي على الفساتين والجيبات مع شوز بكعب عالي مع الفيست او الجاكيت الفرو عشان تدي اناقة اكتر للوك بتاعك او تنسقيه مع جاكيت جلد, وممكن تلبسي بنطلون كلاسيك مع بلوزة وجاكيت وشوز بكعب, او تنسقي الجينز الاسود مع شيميز او بلوزة وعليهم جاكيت وشوز بكعب, من اللوك الحلوة اوي والمريحة كمان هو البلايزر ممكن تنسقيه مع بدي وبنطلون جينز او جيبة وشوز بكعب, كمان التونيك الطويل مع بنطلون كلاسيك من اللوك الشيك والمريحة لبعد الضهر.
يعني انتي تقدري تغيري في اللوك بتاعك ما بين الكاجوال والكلاسيك بنفس القطع مع تغييرات بسيطة بس بالاكسسوار والشوز تقدري تحولي اللوك بتاعك زي ما انتي عايزة, يعني الصبح تلبسي الشوز الفلات مع الجينز والبلوفر او الشيميز ولبعد الضهر ممكن تعملي تغيرات بسيطة بانك تلبسي شوز بكعب مع اكسسوارات مناسبة لبعد الضهر.
تعالوا نشوف مع بعض ستايلات مختلفة من موضة الستريت ستايل للمحجبات لشتاء 2017:
شوفي كمان الالوان الزاهية موضة المحجبات لشتاء 2017
