اعملي خلطة كنتاكي الاصلية زي المطعم بنفسك في البيت

بقلمريهام محمود فيوجبات رئيسية visibility7770

لكل مدمنات وعشاق الكنتاكي النهاردة جايبين لكم خلطة كنتاكي الاصلية  تعمليها في البيت بنفسك وهتطلع طعمها زي اللي في المطعم بالظبط ولما تحبي تاكليها بعد كده في اي وقت هتقدري تعمليها انتي بكل سهولة.

وقت التحضير : 60 دقيقة – الوجبة تكفي 4 افراد.

طريقة خلطة كنتاكي الاصلية:

المكونات:

  • – فرخة كاملة.

– 2 لتر زيت.

-1 بياض بيضة.

-1 1/2 كوب دقيق.

  • – معلقة كبيرة سكر.

– معلقة كبيرة ملح.

خلطة التوابل:

  • – معلقة كبيرة بابريكا.

– 2 معلقة صغيرة بصل بودر.

  • – معلقة صغيرة شطة.

– معلقة صغيرة فلفل اسود.

  • – ½ معلقة صغيرة ملح الكرفس “لو مش موجود عند العطار ممكن نعمله في البيت هنجيب اوراق الكرفس الاخضر ونغسلها وننشفها كويس وبعدين نحطها في الفرن في صينية على ورق فويل او ورق زبدة ونسيبها من 5 – 7 دقايق على درجة حرارة 180 لحد ما تنشف وبعدين نخرجها ونسيبها تبرد ونطحنها ونخلط معاها نفس الكمية ملح ونقلبهم مع بعض”.

– ½ معلقة صغيرة مرمرية مجففة.

  • – ½ معلقة صغيرة ثوم بودر.

– ½ معلقة صغيرة جوزة الطيب مطحونة.

  • – ½ معلقة صغيرة زعتر مجفف.

– ½ معلقة صغيرة ريحان مجفف.

  • – ½ معلقة صغيرة بردقوش مجفف.

طريقة التحضير:

1- اخلطي كل التوابل مع بعض في طبق.

خلطة كنتاكي الاصلية
خلطة كنتاكي الاصلية

2- حطي التوابل مع الدقيق والسكر والملح وقلبيهم كويس.

خلطة كنتاكي الاصلية
خلطة كنتاكي الاصلية

3- اغمسي الفراخ في بياض البيض وبعدين حطيها في الدقيق وممكن تعملي طبقة تانية وتحطيها في بياض البيض مرة كمان وبعدين في الدقيق التاني واضغطي عليها بايدك كويس عشان تتأكدي ان الدقيق مسك في قطع الفراخ كويس.

خلطة كنتاكي الاصلية
خلطة كنتاكي الاصلية

4- بعد ما تتبلي قطع الفراخ كلها سيبيها في الطبق لمدة 5 دقايق عشان الطبقة اللي عليها تنشف وتمسك فيها كويس.

خلطة كنتاكي الاصلية
خلطة كنتاكي الاصلية

5- دلوقتي المرحلة الاخيرة وهي القلي هنبدأ نقلي قطع الفراخ في زيت غزيرعلى دفعات من كل الجوانب كويس تقريبا بتحتاج من 12 – 14 دقيقة لحد ما تاخد اللون الدهبي.

خلطة كنتاكي الاصلية
خلطة كنتاكي الاصلية

6- طلعيها على ورق مطبخ عشان تمتص كل الزيوت منها وقدميها واستمتعي بالطعم اللذيذ.

خلطة كنتاكي الاصلية
خلطة كنتاكي الاصلية

شوفي كمان دبابيس الديك الرومي المشوية

دبابيس الديك الرومي المشويه