موضة الاظافر الهولوجرافيك Holographic Nails .. وازاي تعمليها

بقلمريهام محمود فيأظافر visibility2918

كل يوم بتظهر حاجات جديدة في عالم تصاميم ورسم الاظافر وبتطلع طرق مبتكرة ومختلفة, وواحدة من احدث التريند المميزة جدا اللي ظهرت هي موضة الاظافر الهولوجرافيك او الثلاثية الابعاد الطريقة دي بتدي لوك Shiny ومختلف اوي للاظافر, والنهاردة من خلال موضوعنا هنعرف مع بعض ازاي نعملها وهنشوف مجموعة مختلفة من تصاميم الهولوجرافيك.

– الحاجات اللي محتاجينها لتصميم الاظافر بالهولوجرافيك:

1- Base Coat “اختياري”.

2- مانيكير جل “اي لون تختاريه”.

3- هولوجرافيك بودر.

4- سفنجة.

5- Top Coat جل.

موضة الاظافر الهولوجرافيك
موضة الاظافر الهولوجرافيك

– الطريقة:

1- هنحط طبقة او اتنين من المانيكير الجل باللون اللي احنا اخترناه ونحط عليه طبقة Base Coat ودي اختياري يعني ممكن منحطش.

2- تاني خطوة هنجيب السفنجة ممكن نستخدم اي سفنجة عندنا او فرشة الايشادو, هناخد من البودر الهولوجرام بالسفنجة ونبدأ نطبقها على الضوافر كلها.

3- اخر خطوة هنحط طبقة الTop Coat جل عشان نثبت التصميم اطول فترة.

طبعا ممكن نستخدم المانيكير العادي مش شرط الجل بس هو الفرق ما بين الجل والعادي ان المانيكير الجل بيقعد فترة اطول تقريبا من اسبوعين لتلاتة, مش بيتكتل على الضوافر, بينشف بسرعة تقريبا في 30 ثانية بس هتلاقيه نشف خالص, مش بيتشقق, مش بيحتوي على اي مواد كيميائية مضرة بالضوافر.

لكن المانيكير العادي زي ما كلنا عارفين انه بيتقشر بسرعة, بياخد وقت على ما ينشف, ممكن يتكتل على الضوافر, ومش بيقعد تقريبا اكتر من يومين على الضوافر وبعدها بيبدأ يتقشر ويتشقق.

– تعالوا نشوف مع بعض مجموعة تصاميم مختلفة من موضة الاظافر الهولوجرافيك:

– ده فيديو بيوضح الطريقة:

شوفي كمان خدعة عبقرية هتخليكي تحطي المانيكير الجليتر بطريقة سهلة

طريقة وضع المانيكير الجليتر
طريقة وضع المانيكير الجليتر