10 تريندات للشعر والميكاب متوقع متبقاش موضة في 2017

بقلمريهام محمود فيمكياج visibility2855

الموضة كل سنة بتتغير سواء في الشعر او الميك اب او الازياء تقريبا كل سنة موضات جديدة بتظهر وموضات بتختفي وحاجات قديمة بترجع موضة تاني يعني عالم جمال حوا بجميع اتجاهاتة في تغيير مستمر, وفي موضوعنا النهاردة هنقولكم على 10 تريندات للشعر والميكاب في 2017 كانت معانا في 2016 ومتوقع انها تختفي .

10 تريندات للشعر والميك اب في 2017:

1- الحواجب الطبيعية بدل الحواجب المرسومة:

2016 كان السائد في موضة الحواجب هي الحواجب المرسومة, لكن ده متوقع انه يتغير في 2017 وهتبقى الموضة الحواجب الطبيعية وكمان اللي بيكون شكلها فوضوي مش مترتب هتحل محل الحواجب المرسومة بشكل مثالي, والحواجب السميكة هتستمر موضة في 2017.

الحواجب الطبيعية بدل الحواجب المرسومة
الحواجب الطبيعية بدل الحواجب المرسومة

2- رموش الدمية بدل الرموش الطبيعية:

الرموش الواضحة اوي الطويلة اللي بتبقى زي رموش العروسة اللعبة متوقع تبقى تريند في 2017 بدل الرموش الطبيعية, مع رسمة ايلاينر تقيلة على خط الرموش مع كمان الرموش الصناعية لو محتاجة تزودي من كثافة رموشك.

رموش الدمية بدل الرموش الطبيعية
رموش الدمية بدل الرموش الطبيعية

3- ماسكارا بألوان مشرقة بدل الالوان الباستيل:

المكياج النيود كان من الحاجات المنتشرة اوي في مكياج 2016 لكن مع دخول 2017 ده متوقع انه يتغير وهيبقى بدل الالوان الهادية زي الخوخي والبينك هيحل محلها الوان الماسكارا المشرقة مع الوان ايلاينر زاهية.

ماسكارا بألوان مشرقة بدل الالوان الباستيل
ماسكارا بألوان مشرقة بدل الالوان الباستيل

4- الوش الطبيعي بدل الكونتور:

لكل البنات اللي حاولوا يتقنوا او يتعلموا رسم الكونتور في 2016 نحب نقولكم انه متوقع في 2017 ان الاتجاه يكون للوش الطبيعي من غير تعقيدات رسم الكونتور, في 2017 الميك متوقع انه يعتمد اكتر على لون البشرة الطبيعي من غير طبقات كريم اساس كتير هيكون الاعتماد على المكياج المضيء اكتر, واحنا بالفعل اتكلمنا عن تقنية الستروبنج اللي بتعتمد على اضاءة الوش وتحديد ملامحة بالمكياج المضيء من غير كونتور وتقدروا تشوفوها من هنا .. كل اللي محتاجة تعرفية عن الستروبنج Strobing المكياج المضيء وازاي تعمليه.

الوش الطبيعي بدل الكونتور
الوش الطبيعي بدل الكونتور

5- احمر الشفايف اللامع بدل المات:

احمر الشفايف المات كان من التريند المسيطرعلى عالم المكياج في 2016, لكن متوقع في السنة الجديدة انه يحل محله موضة احمر الشفايف اللامع بعد ما اختفى فترة هيرجع تاني في 2017 والروج اللامع من الحاجات اللي بتساعد انها تدي حجم اكبر للشفايف وبتخلي شكلها مغري اكتر.

احمر الشفايف اللامع بدل المات
احمر الشفايف اللامع بدل المات

6- احمر الشفايف التوتي بدل العنابي:

احمر الشفايف باللون التوتي متوقع يبقى موضة جدا في 2017, وكمان اللون الاحمر الفراولة هيحلوا محل اللون العنابي اللي كان تريند في 2016.

احمر الشفايف التوتي بدل العنابي
احمر الشفايف التوتي بدل العنابي

7- الشعر الكيرلي بدل الريترو ويفز:

واحدة من الاتجاهات اللي متوقع تبقى موضة في 2017 هو تجعيد الشعر بتجعيدات او تموجات صغيرة بدل الريترو ويفز اللي بيكون فيه تموجات الشعر كبيرة وكان موضة في 2016.

الشعر الكيرلي بدل الريترو ويفز
الشعر الكيرلي بدل الريترو ويفز

8- الالوان الهادية للشعر بدل الالوان المشرقة او الفاقعة:

 خلال السنتين اللي فاتوا كانت الموضة للشعر هي الالوان الفاقعة , لكن في 2017 متوقع ان الموضة دي تتغير وهيحل محلها الالوان الهادية.

الالوان الهادية للشعر بدل الالوان المشرقة او الفاقعة
الالوان الهادية للشعر بدل الالوان المشرقة او الفاقعة

9- الشعر الملفوف بطريقة مثالية بدل الشعر الفوضوي:

عالم تسريحات الشعر كمان متوقع يحصل فيه تغيير في 2017 بعد ما كان سائد في 2016 الشعر الفوضوي ده متوقع انه يتغير السنة دي وتكون موضة التسريحات هو الشعر الملفوف بطريقة مثالية ومرتبة.

الشعر الملفوف بطريقة مثالية بدل الشعر الفوضوي
الشعر الملفوف بطريقة مثالية بدل الشعر الفوضوي

10- الفرنش مانيكير بدل الـ Moon مانيكير:

كمان المانيكير في 2017 متوقع انه يكون فيه تغيير, كان معانا في 2016 في موضة تصاميم الضوافر رسمة الـ Half Moon اللي بيكون فيها قاعدة الضوافر مرسومة بلون مختلف على شكل هلال, لكن متوقع في 2017 يحل محله الفرنش مانيكير بألوان مشرقة وبتلمع.

الفرنش مانيكير بدل الـ Moon مانيكير
الفرنش مانيكير بدل الـ Moon مانيكير

في النهاية طبعا احنا بناخد من الموضة اللي يليق علينا ومناسب لينا او اللي نحبه اكتر, لكن احنا بنحاول ننقل لكل بنات حوا  كل جديد في عالم الموضة والجمال عشان تقدروا تختاروا منها اللي يناسب ذوقكم.

شوفي كمان 7 نصايح تعملي بيهم كونتور سريع لمكياجك الصبح

7 نصايح تعملى بيهم كونتور سريع علشان مكياجك الصبح
7 نصايح تعملى بيهم كونتور سريع علشان مكياجك الصبح