ازاي تلبسي الشيرلينج جاكيت Shearling Jacket في الايام البرد اوي

ريهام محمود
ريهام محمود
6773

الشيرلينج جاكيت Shearling Jacket من القطع المميزة جدا المناسبة للايام البرد اوي, وستايل الجاكيت ده بيكون مصنوع من خامتين من بره بيكون ياما من الجلد ونوعه بيكون في معظم الاحيان جلد غزال او غنم او بيكون من القطيفة ومن جوه بيكون من الفرو.

وفي منه ستايلات مختلفة ما بين الطويل والقصير وبألوان مختلفة تقدري تختاري منها اللي يناسب ذوقك اكتر, بس من اكتر الالوان التريندي اوي في الشيرلينج هو الاسود والبني, لكن كمان في منه الوان تانية حيوية وجريئة.

– الشيرلينج جاكيت Shearling Jacket الاسود:

اللون الاسود منه من الالوان اللي ممكن تتلبس على اي حاجة عندك لانه بيليق عليه كل الالوان يعني مش هيقيدك انك تلبسيه على لون معين, وتقدري تختاري ما بين الستايل الطويل او القصير, والفرو ما بين اللون الاسود زي لون الجاكيت او اللون البيج.

– الشيرلينج جاكيت Shearling Jacket البني:

اللون البني كمان من الالوان التريندي للجاكيت الشيرلينج وكمان يعتبر من اكتر الالوان الدافية المناسبة اوي لموسم الشتا, وتقدري تختاري ما بين درجات البني المختلفة من الفاتح للغامق, وبردو هتلاقي منه الستايل القصير الكاجوال او البالطو الطويل للوك انيق ومميز.

الشيرلينج جاكيت Shearling Jacket 6
الشيرلينج جاكيت Shearling Jacket 6

– الشيرلينج جاكيت Shearling Jacket الرمادي:

اللون الرمادي كمان من الالوان المنتشرة اوي للشيرلينج مع الاسود والبني, ومع اللون الرمادي بيكون في الغالب لون الفرو ابيض مع خط فرو في نهاية الجاكيت من تحت وعلى الكم, والرمادي يعتبر كمان من الالوان المحايدة اللي ممكن تليق على اي الوان لبس عندك.

الشيرلينج جاكيت Shearling Jacket 17
الشيرلينج جاكيت Shearling Jacket 17

– الشيرلينج جاكيت Shearling Jacket الملون:

طبعا غير الالوان المحايدة التقليدية نازل من الشيرلينج ستايلات ملونة للي بيحبوا اللوك المختلف والجريء وبيحبوا يبقوا مميزين, ممكن تختاري ما بين اللون الازرق سواء الفاتح او الغامق, او اللون العنابي, ممكن تنسقي الموديل القصير منه على سكيني جينز او بنطلون جلد مع بلوفر مناسب وانكل بوت, او لو حابة تلبسي البالطو الطويل ممكن تنسقيه مع فستان او جيبة مع بوت طويل.

وطبعا مع الستايلات كلها ننسق معاها البلوفر المناسب مع الشنطة والشوز او البوت وتقدري تاخدي افكار لستايل كامل من المجموعة اللي احنا شوفناها مع بعض وتختاري منها اللي يناسبك.

شوفي كمان ستايلات انيقة جدا للبس الجاكيت والبالطو القطيفة Suede Jackets

ستايلات أنيقة للبس الجاكت والبالطو القطيفة
ستايلات أنيقة للبس الجاكت والبالطو القطيفة

مقالات متعلقه

أفكار للبس الـ skirt  فى موضة خريف 2017 علشان تعملى لوك ماحصلش!

أفكار للبس الـ skirt فى موضة خريف 2017 علشان تعملى لوك ماحصلش!

موضة الـ hunter rain boots وازاى تلبسيها

موضة الـ hunter rain boots وازاى تلبسيها

نصايح وافكار ازاى تعملى الـ velvet لوك صح

نصايح وافكار ازاى تعملى الـ velvet لوك صح