تكنيك الكونتور و الهايلايت باستخدام الحروف و الارقام

بقلمآية حسان فيمكياج visibility3498

 الكونتور و الهايلايت بقوا جزء اساسي من تكنيك المكياج و انتشروا بشكل كبير جدا فى الفترة الاخيرة و بقينا نلاقى كل المشاهير و الفنانات بيعتمدوا عليه فى اللوك بتاعهم فى كل المناسبات و لانه الكونتور و الهايلايت ممكن يبقى صعب علينا نعملهم و بيبقوا متعبين لو انتى مش محترفة و لسه بادئة تعمليهم فى مكياجك كل يوم، فى المقال ده هنقولك على طريقة سهلة للكونتور و الهايلايت علشان تقدرى تعمليهم بسهولة من غير ما تتعبى ، شوفى معانا تكنيك الكونتور و الهايلايت باستخدام الحروف و الارقام …

تكنيك الكونتور و الهايلايت باستخدام الحروف و الارقام

لو انتى مش عارفه ايه الفايدة من الهايلايت و الكونتور هو تكنيك فى المكياج بيستخجم فى نحت الوش و ابراز ملامحه باستخدام درجات غامقة و فاتحة من المكياج و كأنك بترسمى على وشك بالضبك لكن بتضيفيله ابعاد اكتر و اضاءة.

الكونتور و الهايلايت باستخدام الحروف و الارقام
الكونتور و الهايلايت باستخدام الحروف و الارقام

طريقة عمل الكونتور باستخدام الارقام : 

باستخدام لون الـ blusher المفضل عندك  ارسمي الرقم 8 على وشك،هتبدأى من بداية عضمة الخد و هتنتهى حوالى 1 سم بعيد عن خط الشعرمن ناحية آخر عضمة الخد و خدى بالك تفضلى بترسمى فوق عضمة الخد مش براها او فوقيها.

باستخدام لون كونتور بنى مات matte ارسمى شكل الرقم 3 على طول الجنبين فى وشك ، ابدأى من جنب الجبهة و انزلى بالرسمة لتحت لحد ما توصلى لعضمة الخد و كملى باقى الـ 3 لحد آخر الفك.

على جنبين الانف ، ارسمى الرقم 11 علشان تحددى مناخيرك . 

ابدأى من تحت الحاجب من الاول و ارسمى رقم 7 بالمقلوب لحد ما توصلى للزاوية الخارجية لخط الرموش  باستخدام blender  وانتى بتعملى الخطوة دى جربى تعملى دواير صغيرة علشان تبقى اسهل عليكى وانتى بتدمجيها.

طريقة عمل الكونتور باستخدام الارقام
طريقة عمل الكونتور باستخدام الارقام

طريقة عمل الهايلايت باستخدام الحروف :

ابدأى فى رسم حرف C من بداية حاجبك و كملى على شكل نص دايرة لحد زاوية عينك الداخلية من ناحية الانف ، ده هيساعدك تنورى و تفتحى تحت عينيكى و كمان هيخلى حواجبك تبان مرفوعة .

اعملى هايلايت فى نص الجبهة لحد تحت ناحية الانف بانك ترسمى حرف الـ q .

اعملى هايلايت لشفتك بانك ترسمى حرف V فى الفراغ اللى بيبقى عند الشفة اللى فوق علشان شفتك تبان مليانة .

علشان تعملى هايلايت لجفن العين  استخدمى فرشة ايشادو مسطحة flat eye shadow brush و بلون ايشادو فاتح  ارسمى حرف الـ Z ، ده هيخلكى تغطى جفن العين كله و يديله بعد و يبينه اوسع ومنور اكتر . 

طريقة عمل الهايلايت باستخدام الحروف

طريقة عمل الهايلايت باستخدام الحروف

يلا جربى التكنيك ده و شاركينا تجربتك :) ، شوفى كمان 7 نصايح تعملى بيهم كونتور سريع لمكياجك الصبح