18 فكرة رائعة وعملية لترتيب البيت بسهولة .. وازاي تستغلي المساحات

بقلمريهام محمود فيمنوعات visibility3291

استغلال المساحات في البيت من الحاجات اللي في كتير مننا مش بيعرف ينفذها ازاي وخصوصا لو عندك مساحات صغيرة وحاجات كتير ومش عارفة تشيليها فين او تنظميها ازاي, عشان كده احنا النهاردة هنساعدكم بمجموعة افكار لترتيب البيت عملية جدا مش بس هتخليكي تستغلي المساحات بشكل منظم لكن كمان هتخلي البيت مريح اكتر واسهل في التنضيف.

تعالوا نعرف مع بعض افكار لترتيب البيت واستغلال المساحات:

1- دواليب المطبخ من الاماكن اللي مش بنعرف نرتبها بشكل صح وبتبقى دايما في حالة فوضى, وده لاننا مش بنعرف نستغل مساحات الدولاب صح, لو انتي عندك الدولاب بارفف ممكن تستغلي كل رف بطريقة عملية يعني ممكن تحطي في سقف رف منهم علاقات صغيرة تعلقي فيها الماجات والفنجانين وتستغلي باقي الرف انك ترصي حاجات تانية فيه, وممكن كمان تستغلي مساحة الرف الكبيرة انم تحطي فيه استاند سلك صغير وتحطي حاجات فوقية وتحتيه وجنبه زي ما هو باين في الصورة, ممكن ترصي العلب والكوبايات في صف فوق بعض عشان توفري في المساحة لحاجة تانية, وبكده هتبقي استغليتي كل مساحات الدولاب بقدر الامكان.

افكار لترتيب البيت واستغلال المساحات
افكار لترتيب البيت واستغلال المساحات

2- ممكن تنظمي دولاب المفروشات والفوط بطريقة ذكية بدل ما تحطيهم كلهم على بعض ملخبطين ومنكوشين وتبقي تايهة ومش عارفة تنظميه كويس, ممكن تحطي كذا باسكت جنب بعض وتقسمي فيه الحاجة يعني مثلا حطي المفروشات في باسكت, والفوط في باسكت, يعني صنفيهم وحطي كل حاجة لوحدها وحطي على كل باسكت ملصق او Label اكتبي عليه جواه ايه وبكده هتنظميهم وفي نفس الوقت مش هتقعدي تدوري على اي حاجة انتي عايزاها لانها هتبقى منظمة كل حاجة لوحدها.

افكار لترتيب البيت واستغلال المساحات
افكار لترتيب البيت واستغلال المساحات

3- معظمنا تقريبا بيبقى عندنا التلاجة دايما زحمة ومش مترتبة وهتلاقي الازايز جنب البرطمانات على العلب وكل حاجة فوق بعضها, احنا ممكن ننظمها بطريقة سهلة ممكن تجيبي كذا باسكت بلاستيك صغيرين وترصي في واحد الازايز وواحد تاني البرطمانات او العلب, ولو عندك اكياس محفوظ فيها حاجة حطيها في باسكت تاني لوحدها, ممكن تحطي الجبن مع بعضها في باسكت, هتلاقي التلاجة عندك اترتبت وشكلها اختلف خالص حتى هتسهل عليكي كتير جدا لما تيجي تنضفيها.

افكار لترتيب البيت واستغلال المساحات
افكار لترتيب البيت واستغلال المساحات

4- الادراج اللي بتبقى دايما زحمة بحاجات كتير ممكن تترتب بطريقة بسيطة جدا, هاتي اطباق بلاستيك صغيرة باحجام مختلفة وحطي بطرق مختلفة في الدرج بالطول وبالعرض حسب حجم الدرج عندك ورصي فيهم الحاجة بتاعتك.

افكار لترتيب البيت واستغلال المساحات
افكار لترتيب البيت واستغلال المساحات

5- دولاب الحمام ممكن نستغل المساحة بتاعته بطريقة عملية ممكن تحطي فيه استاندات صغيرة ترصي عليه الحاجة اللي عندك وتحطي جنبها الفوط عشان تستغلي مساحتة انك ترصي حاجات كتير, وممكن تثبتي رف صغير على باب الدولاب تحطي فيه السيشوار والبيبي ليس والفرش.

افكار لترتيب البيت واستغلال المساحات
افكار لترتيب البيت واستغلال المساحات

6- لو عندك الاوضة مساحتها صغيرة وعندك حاجات كتير عاملة زحمة ومش عارفة تحطيها فين ممكن تنفذي الفكرة دي, اعملي رفوف مقفولة جنب بعض لمي فيها كل الحاجات اللي عاملة زحمة عندك وفي نفس الوقت كمان هتبقى زي الكنبة يعني هتبقي استغليتي المساحة انك عملتي مكان للتخزين ورتبتي الاوضة وعملتي كمان مكان للقعدة.

افكار لترتيب البيت واستغلال المساحات
افكار لترتيب البيت واستغلال المساحات

7- ممكن ترتبي الادراج بطريقة تانية انك تعملي بالخشب تقسيمات على قد مساحة الدرج وتحطيها جواه يعني كانه هيبقى درج جوه درج وترصي فيه الحاجة بطريقة منظمة جنب بعض.

افكار لترتيب البيت واستغلال المساحات
افكار لترتيب البيت واستغلال المساحات

8- لو عندك ارفف مفتوحة سواء في الحمام او المطبخ ممكن تستخدمي باسكتز بلاستيك او قماش او اطباق بلاستيك صغيرة  وتحطيهم جنب بعض على الرف وترصي فيهم الحاجة بتاعتك.

افكار لترتيب البيت واستغلال المساحات
افكار لترتيب البيت واستغلال المساحات

9- لو عندك دولاب مفتوح او مكان بتخزني فيه معلبات او توابل او اي حاجات جافة محفوظة, ممكن تنظميهم تخلي كل حاجة منهم في رف لوحده يعني خلي المعلبات مع بعض, والتوابل والحاجات الجافة مع بعض, العلب مع بعض, وممكن بردوا تستخدمي باسكت ترصي جواه الحاجة.

افكار لترتيب البيت واستغلال المساحات
افكار لترتيب البيت واستغلال المساحات

10- لو عندك مكان للبس او Dressing room ممكن تنظميها بدل ما تبقى كل الهدوم متعلقة ممكن تعملي ارفف عشان تلمي فيه كل الهدوم بشكل منظم ومترتب اكتر وممكن تحطي تعملي في الجزء اللي تحت ارفف مقفولة او تحطي باسكتز جنب بعض ترصي فيها الحاجات الصغيرة او الملابس الداخلية.

افكار لترتيب البيت واستغلال المساحات
افكار لترتيب البيت واستغلال المساحات

11- ممكن تستغلي مساحة دولاب المطبخ بطريقة تانية عملية انك تعملي رف صغير في الجزء اللي فوق منه ومن تحت تقسميه بالطول او تعملي فواصل رفيعة تحطي فيها اطباق او صواني.

افكار لترتيب البيت واستغلال المساحات
افكار لترتيب البيت واستغلال المساحات

12- وممكن ترتبيه بطريقة تانية تحطي على كل رف قعدة متحركة من اللي بتلف هتلاقيها في محلات بيع ادوات المنزلية وترصي عليها الحاجات فوق بعض حتى كمان هتسهل عليكي انك تجيبي اي حاجة بسهولة من الدولاب وهتسهل عليكي التنضيف وممكن تستخدمي طبق او صينية مدورة تنفذي بيها نفس الفكرة وترصي عليها لو مش متوفر عندك القعدة المتحركة او مش هتعرفي تجيبيها.

افكار لترتيب البيت واستغلال المساحات
افكار لترتيب البيت واستغلال المساحات

13- ممكن بردو دولاب التخزين ترتبيه بطريقة تانية جيبي الرف الخاص بتخزين الجزم ثبتيه في باب الدولاب ورصي فيه المعلبات الصغيرة والبرطمانات, وعلى ارفف الدولاب نرص الحاجات الكبيرة, بردوا نقسمهم الازايز ممكن نحطهم في باسكت مع بعض, والعلب مع بعض وهكذا.

افكار لترتيب البيت واستغلال المساحات
افكار لترتيب البيت واستغلال المساحات

14- الدولاب اللي بتخزني فيه الحلل والطاسات ممكن تعملي له فواصل بالطول وترصي الحلل والطاسات جنب بعض وتخلي مساحة صغيرة فوق تعملي عليها رف تحطي عليه غطيان الحلل والطاسات, وخلي على طول الحاجات اللي بتستخدميها دايما في الدولاب من قدام يعني تبقى في متناول ايدك واللي مش بتستخدميها حطيها من ورا.

افكار لترتيب البيت واستغلال المساحات
افكار لترتيب البيت واستغلال المساحات

15- زي ما عملنا في دولاب الهدوم وقسمنا كل حاجة لوحدها ممكن نعمل نفس الفكرة في دولاب المطبح حطي باسكتز جنب ورصي كل حاجة في باسكت واكتبي على كل واحد جواه ايه.

افكار لترتيب البيت واستغلال المساحات
افكار لترتيب البيت واستغلال المساحات

16- نفس الفكرة اللي فاتت ممكن تستخدميها في الدولاب اللي بترصي فيه العلب البلاستيك اللي بتخزني فيها الاكل او اي حاجة عندك, حطي باسكتز رصي فيه العلب, او حطي العلب جوه بعض الكبير في الصغير في الاصغر وحطي جنبهم الغطيان بتاعتهم.

افكار لترتيب البيت واستغلال المساحات
افكار لترتيب البيت واستغلال المساحات

17- درج الشوك والمعالق والسكاكين هتلاقي في محلات الادوات المنزلية منظم الادراج ده ممكن تشتريه وتحطيه جوه الدرج تقسمي فيه كل حاجة لوحدها, او الافضل كمان انك تعملي انتي تقسيمات جوه الدرج بالخشب لانك هتقدري تنفذي تقسيمات بالاحجام اللي انتي عايزاها.

افكار لترتيب البيت واستغلال المساحات
افكار لترتيب البيت واستغلال المساحات

18- درج الشرابات او الملابس الداخلية الحاجات الصغيرة عموما ممكن تشتري منظم ادراج قماش تحطيه في الدرج وترصي فيه الحاجات بتاعتك ابرميها وحطيها في المنظم بالشكل زي اللي في الصورة.

افكار لترتيب البيت واستغلال المساحات
افكار لترتيب البيت واستغلال المساحات

شوفي كمان 24 حيلة ذكية هتساعدك على تنضيف البيت بسرعة وسهولة

24 حيلة ذكية هتساعدك على تنضيف البيت بسرعة وسهولة
24 حيلة ذكية هتساعدك على تنضيف البيت بسرعة وسهولة