نصايح و قواعد أتيكيت الهدايا فى الشغل

بقلمآية حسان فيعلاقات visibility1715

لما بيبقى فى مناسبة لحد من زمايلك فى الشغل سواء عيد ميلاد او فرح او اى مناسبة و بتبقى محتارة تيجيبى هدية ولا لاء ؟ و هل ده مناسب ولا لاء ؟ و لو ينفع تيجيبى هدية بتبقى مش عارفة ايه هى الهدية المناسبة ، ماتحتاريش .. فى المقال ده هتعرفى ايه هو أتيكيت الهدايا فى الشغل و ايه هى قواعده و الهدايا المناسبة ..

نصايح و قواعد أتيكيت الهدايا فى الشغل

لو عايزة تجيبى هديه لحد من زمايلك علشان عيد ميلاده او اى مناسبة تانية، موضوع الهدايا فى الشغل ممكن يبقى محرج و حساس، علشان كده مهم انك تمشى على الأتيكيت الخاص بالهدايا فى الشغل و تبقى عارفه ايه الهدايا اللى ممن تجيبيها و ايه هى القواعد الخاصة بيها .

ايه هى المناسبات اللى المفروض تقدمى فيها هدية ؟

بعد نجاح زمايلك فى تنفيذ مشروع مهم .
احتفالا بترقية حد من زمايلك.
لو كان فى فرح، عيد ميلاد او سبوع حد من اولاد زمايلك.
علشان تبينى تقديرك لمساعدة حد ليكى.
احتفالا بالمناسبات و الاعياد.

ازاى تختارى هدية مناسبة ؟

لما تيجى تختارى هدية لحد من زمايلك فى الشغل او لعميل لازم تبقى الهدية creative وليها علاقة بالمناسبة، لكن دايما اتجنبى اى هدية تبان شخصية او ليها معنى خاص زى لبرفانات او الدهب .

ايه هى الهدايا اللى ممكن تجيبيها ؟ 

باسكت فاكهة.
علبة شوكولاتة.
بوكية ورد.
طرحة او جرافتة.
شنطة للورق او portfilo جلد او hand bag .
كتاب او رواية لكاتبهم المفضل.
منتج بتصنعه الشركة اللى بتشتغلوا فيها.
تذاكر حفلة لمطربهم المفضل او تذاكر لماتش.

أتيكيت الهدايا فى الشغل
أتيكيت الهدايا فى الشغل

الهدايا من المديرين للموظفين : 

من المواقف الصعبة برده هى لما المدير يحب يقدم هدية لوظف عنده، علشان كده أتيكيت الهدايا فى الشغل بيبقى مهم فى الموقف ده لان تقديم الهدية المناسبة هيمنع اى سوء تفاهم او احراج، وفى اعلب المواقف المديرين بيقدموا هداياي للموظفين اللى بيشتغلوا تحتهم مباشرة ، علشان كده لو القسم كبير و انتى كمديرة مضطرة تقدمى هدايا للموظفين بتوعك يبقى الافضل تقدمى هدايا بسيطة و مناسبة مش حاجه كبيرة او مبالغ فيها او انك مثلا تنظمى حفلة بره الشغل للقسم كله او تعزميهم على الغدا .

الهدايا من الموظفين للمديرين : 

فى معظم الوقت الموظفين مابيبقاش مطلوب منهم يقدموا هدايا للمديرين بتوعهم، لكن لو كان فى مناسبة مهمة تخص مديرك او مديرتك اختارى دايما هدية بسيطة و مش غالية لكن كمان مناسبين و ذوقهم حلو زى براويز الصور ، مج مختلف للقهوة، و كتب فى مجالات اهتمام مديرك او مديرتك . وافتكرى دايما انه ماينفعش تقدمى هدية غالية لمديرك زى الساعات او البرفانات لانهم هيتفهموا غلط ، لكن لو قررتوا انتى و زمايلك فى الشغل تجمعوا فلوس من بعض وتشترى هدية غالية  زى ساعة ايد، شنطة ن حجز لمطعم المدير المفضل فى الحالة دى مش هيبقى فى مشكلة.

تقديم الشكر على الهدية : 

>ايما لما تستقبلى هدايا اهتمى انك تبينى اهتمامك و تقديرك للهدية و لصاحبها، قدمى thank you card او كارت مكتوب فيه شكرا بالبريد او حطيه على مكتب زميلك او زميلتك افضل من انك تبعتيه بالايميل او فى رسالة موبايل لانه  الكارت المكتوب بالايد  هيبين اهتمامك و تقديرك بشكل اكتر ، ممكن تكلون رسالة الشكر مختصرة زى ” شكرا على مج القهوة، هتشوفنى بستخدمه على طول لانه عاجينى” او مثلا ” متشكرة جدا على الورد لانه خلا اليوم حلو ” او اى شكر مناسب يخطر على بالك.