دليلك لاختيار البنطلون الجينز المناسب لشكل جسمك

بقلمريهام محمود فيموضة وأزياء visibility3509

البنطلون الجينز من القطع الاساسية في لبسنا وممكن كمان يكون بشكل يومي لانه تقريبا مناسب لكل الاوقات ومريح وعملي, لكن المشكلة اللي ممكن تكون بتقابلنا اننا مش بنعرف نختار موديل الجينز المناسب لشكل جسمنا عشان كده احنا النهاردة هنساعدكم في المهمة دي وهنقدم لكل بنات حوا دليل يساعدك في اختيار البنطلون الجينز المناسب لشكل جسمك عشان تطلعي بشكل احلى.

اختيار البنطلون الجينز المناسب لشكل جسمك:

1- الجسم الكمثري:

الجسم الكمثري بيكون فيه الجزء اللي فوق من الجسم اصغر من منطقة الوركين, هيبقى انسب موديل جينز لشكل الجسم ده هو الBootcut اللي بيبقى ضيق من عند الجناب ونازل على واسع من اول منطقة تحت الركبة, الموديل ده هيظبط شكل الجسم وهيعمل توازن ما بين الجزء اللي فوق واللي تحت, واختاري دايما الجينز باللون الازرق الغامق لانه هيبين شكل الرجل اطول, واتجنبي الجينز السوبر سكيني وال Super high-waisted اللي وسطه عالي اوي لانهم هيبينوا الرجل بشكل اقصر واضخم وهيظهروا منطقة الوركين..ممكن تشوفي من هنا 6 نصايح لستايلك لو كنتي من اصحاب الجسم الكمثري الشكل Pear body shapes.

الجسم الكمثري
الجسم الكمثري

2- الجسم على شكل ساعة رملية:

الجسم ده بيكون تقريبا عرض الكتفين والوركين متساويين ومنطقة الوسط بتبقى انحف ومتحددة, هيبقى انسب موديل ليكي هو السكيني السترتش عشان ياخد شكل الجسم ويظهر تقسيماتة بشكل حلو, وممكن كمان يناسبك موديل الBootcut زي الجسم الكمثري.

الجسم على شكل ساعة رملية
الجسم على شكل ساعة رملية

3- الجسم الرياضي “الصبياني”:

لو عندك منطقة الوركين رفيعة والوسط مش متحدد اوي, تقريبا هيناسبك كل موديلات الجينز, ممكن تلبسي موديل السكيني Super high-waisted , او اللي بيكون ضيق من فوق ونازل على واسع من تحت الركبة زي الموديل اللي في الصورة, واختاري الجينز اللي بيكون فيه جيوب من الجنب او من قدام او من ورا عشان يدي شكل كيرفي اكتر للجسم.

الجسم الرياضي
الجسم الرياضي

4- الجسم على شكل تفاحة:

الجسم اللي بيكون على شكل تفاحة بيبقى الوزن الزيادة او اكتر جزء بيكون ظاهر في الجسم هو الجزء اللي في النص, اختاري موديل جينز يكون فلات مافيش فيه تفاصيل كتير يعني من غير ازرار زيادة او جيوب زيادة عشان متضيفيش حجم زيادة لمنطقة الوسط, واتجنبي الموديلات اللي وسطها منخفض عشان مش هتديكي التغطية المناسبة لمنطقة الوسط لكن اختاري الموديل اللي وسطه عالي هيكون مريح اكتر وشكله احلى ومش هيلفت الانتباه لمنطقة الوسط, ممكن كمان تلبسي الموديل الستريت اللي نازل كله وسع واحد او الBootcut لانها هتدي طول اكتر للرجل, وممكن كمان عشان تزودي طول الرجل اكتر تلبسي شوز بكعب هيدي طول اكتر من منطقة الوسط للقدم وده هيخلي شكلك يظهر ارفع, اتجنبي الموديل السوبر سكيني, وممكن تنسقي على البنطلون Peplum top اللي بيكون نازل بوسع او كشكشة من تحت منطقة الوسط زي اللي في الصورة كده عشان ده هيساعد انه يداري الجزء المليان.

الجسم على شكل تفاحة
الجسم على شكل تفاحة

5- الجسم على شكل مثلث مقلوب “شكل الجزرة”:

الجسم ده بيكون فيه الكتفين اعرض من منطقة الوركين, في الحالة دي اختاري موديل الجينز اللي بيكون ارتفاع الوسط بتاعه من متوسط لعالي عشان يحدد منطقة الوسط اكتر ويعمل توازن ما بين الجزء اللي فوق واللي تحت من الجسم, واتجنبي لبس اي ستايل من  موديل الBootcut سواء الستريت او اللي نازل على واسع من تحت الركبة.

الجسم على شكل مثلث مقلوب
الجسم على شكل مثلث مقلوب

شوفي كمان ازاي تختاري اللبس اللي يليق على شكل جسمك

إزاى تختارى اللبس اللى يليق على شكل جسمك
إزاى أختار اللبس اللى يليق على شكل جسمى