افضل اكسسوارات شعر ليوم فرحك لكل طول شعر

بقلمآية حسان فيشعر visibility843

يوم الفرح هو اهم واحلى يوم فى حياة كل بنت، لانه اليوم ده بيبقى مليان بالتفاصيل والافكار اللى بتبقى البنت عايزة تنفذها، تصميم الفستان، ضوافرها، مكان الفرح وحاجات كتيرة جدا بتبقى البنت بتفكر فيها وبتدور على اكتر حاجة تناسبها، و واحدة من التفصيلات المهمة هى الشعر، تسريحة الشعر و شكل التاج و اللون و اهم تفصيلة فى شعر كل عروسة هى اكسسوارات الشعر اللى هتستخدميها ، فلو بتدورى على الجديد فى اكسسوارات الشعر فى المقال ده هنقولك على افضل اكسسوارات شعر للافراح  و المناسبة لكل طول شعر

افضل اكسسوارات شعر للافراح لكل طول شعر

1- مشبك الورد : 

الورود دايما مرتبطة بالفراح و دايما بنشوفها موجودة، ناس كتير بتختار الورد الابيض لانه اللون الابيض مرتبط بالفرح ، لكن اضافة الوان للابيض بيحليه و يخلى شكله مفرح اكتر. جربى تزينى شعرك بمشبك الورود بألوان مختلفة زى الصورة و ترفعى شعرك على شكل updo او bun، و يا سلام لو كانت الورورد طبيعية.

مشبك الورد

مشبك الورد

2- مشبك الورود الصغيرة : 

لو حبيتى يوم الفرح تعملى شعرك على شكل تسريحة ديل حصان pony tail يبقى مشبك الورد هو الاختيار المناسب لاكسسوار لشعرك، و بيعتبر اختيار جدا لو مابتحبيش اكسسوارات الشعر المعتادة اللى احنا متعودين نشوفها او اى مشبك تانى ممكن يبقى تقيل و مش ميح او بيشد شعرك. التوة او المشبك ده بيبقى وزنه خفيف جدا مابتحسيش بيه و هيخلى اى تسريحة شعر مهما كانت عادية او بسيطة شكلها حلو و مختلف.

مشبك الورود الصغيرة
مشبك الورود الصغيرة

3- شبكة الشعر : 

شبكة الشعر بيبقى شكلها حلو مهما كان طول شعرك وخصوصا الشعر القصير، فى بنات كتيرة شعرهم قصير بيفكروا انه اختيارات تسريحة او تزيين شعرهم بتبقى محدودة لكن ده مش صحيح، شبكة الشعر بتعتبر واحدة من احلى اختيارات اكسسوارات الفرح للشعر القصير لانها بتعتبر اختيار بسيط لكن بيدى شكل حلو و اليجانت و بيفكرنا بلوك الخمسينات و بتليق على اى فستان فرح مهما كان بسيط او بيلمع ومزخرف.

شبكة الشعر
شبكة الشعر

4- تاج الورد : 

تاج الورد بيعتبر من الاختيارات الاساسية لكتير من العرايس و الحلو فى الاكسسوار ده انه اختياراته كتيرة و مالهاش عدد، سواء فى الشكل او فى نوع الورد او فى الالوان، ممكن تختارى الوان جريئة زى الفوشيا و الاحمر و النبيتى او تختارى الوان هادية زى الابيض و البمبى و ممكن تختارى تاج بورد حجمه كبير او تعملى تاج بسيط بوردات صغيرة. 

تاج الورد
تاج الورد

5- ربطة الـ boho  : 

لو مش عايزة تعملى bun او updo و قررتى تسيبيى شعرك بحريته يبقى ربطة الـ Boho  هى الاختيار المناسب ليكى، النوع ده من اكسسوار الشعر بسيط بتفاصيل قليلة هتناسب التسريحة البسيطة لشعرك خصوصا لو لبستى ربطة boho معمولة من اللؤلؤ و الوردات الصغيرة.

ربطة الـ boho
ربطة الـ boho

6- تاج الالماظ : 

لو مش عايزة تجربى الورد او ربطات البوهو وعايزة اكسسوار يدى فخامة و يخليكى اميرة او ملكة فى اهم يوم فى حياتك يبقى اختيارك هو التاج الالماظ ، شكلهم بيبقى glamorous و شيك و بيدوا فخامة، فلو عايزة اكسسوار يبقى بارز و حجمه كبير و sparkly يبقى التاج الالماظ هو الحل مع تسريحة شعر مناسبة و هتبقى ملكة فى يومك.

تاج الالماظ
تاج الالماظ

7- فرع الورد : 

الاكسسوار ده هيديكى لوك hippi لكن فى نفس الوقت شيك و رقيق، و الحلو فيه انه فرع الورد بيمشى مع اى ستايل فستان فرح هتختاريه و بيبقى مناسب جدا للشعر الطويل لمتوسط الطول .

فرع الورد
فرع الورد

8- ستايل العشرينات : 

لو بتدورى على حاجه فريدة و مختلفة عن اى اكسسوارات شعر للافراح بتشوفيها يبقى اعملى ستايل العشرينات فى اختيارك للاكسسوار ، بنشوف كتير من دور الازياء بترجع لموضة الازياء القديمة و اختيارك للستايل ده من الاكسسوارات مع تسريحة الشعر المناسبة هيخلى اللوك بتاعك يطلع مميز ومختلف.

ستايل العشرينات
ستايل العشرينات

9- السنبلة الدهبية : 

زى ما شفنا قبل كده استخدام الريش اكسسوار للشعر المرة ده هنشوف اكسسوار على شكل سنبلة قمح دهبية ، الاكسسوار ده بيبقى شكله حلو مع تسريحة شعر على كل ضفيرة بسيطة او ضفيرة مرفوعة updo .

السنبلة الدهبية
السنبلة الدهبية

شوفى كمان 8 نصايح مهمة لتألقك وجمالك يوم فرحك لازم تكونى عارفاهم ..