6 نصايح لستايلك لو كنتى من اصحاب الجسم الكمترى الشكل او الـ pear body shapes
لو إنتي جسمك علي شكل الكمتري اللي هو شكل الجسم الجزء اللى تحت اكبر واعرض من الجزء اللى فوق اللى بيكون صغير زي شكل الكمتري بظبط النهرده هنقولك 6 نصايح مهمين جدا عشان لستايلك عشان تعرفي تظبطي لبسك علي حسب شكل جسمك. من اهم المشاهير اللي قوامهم علي شكل جسم الكمتري هي كيم كاردشيان.
الجسم كمترى الشكل بيعتبر من شكل الاجسام اللى بتحتاج شوية اهتمام فى اختيار الستايلات و الهدوم المناسبة ومن اكتر الحاجات اللى موجودة فى الموضة السنة دى و مناسبة الجسم كمترى الشكل هو البنلطون الواسع او الـ flare pants ، لان شكلهم stylish و بيبروزا جمالك بشكل كبير، فى المقال ده هنقولك ازاى تلبسي الـ flare pants ونصايح تانية لستايلك لو كنتى من اصحاب الجسم الكمترى الشكل ..
6 نصايح لستايلك لو كنتى من اصحاب الجسم الكمترى الشكل او الـ pear body shapes
النصيحة الاولى :
اول نصيحة تاخدى بالك منها هى انك تتجنبى الخطأ الشاع اللى معظمنا بنعمله لما نيجى نلبس البنطلون الواسع او الـ flare pants و هو انه يبقى قصير زيادة او طويل زيادة، البنطلون الواسع المثالى هو اللى بيكون آخره يادوب بيلامس الارض و مش اطول و لا اقصر من كده، علشان كده وانتى نازلة تشتريه خدى معاكى بنطلون يكون طوله مظبوط عليكى و قيسى الـ flare pants على نفس الطول ويا ريت كمان تكوني لابسه الشوز اللي هتلبسيها عليه عشان متخدعكيش في الطول.
النصيحة الثانية :
لانه رجلين الـ flare pants بتبقى اوسع بكتير من البنطلونات العادية، لازم تاخدى بالك من وسع البنطلون و انتى بتختاريه، و القاعدة الاساسية علشان تطلعى بلوك مظبوط هى انه يبقى فى قطعة ملابس واحدة واسعه و باقى القطع مقاسها مظبوط، يعنى لما تلبسي الـ flare pants البسى عليه بلوزة تكون مظبوطة عليكى مش واسعة او بكم واسع مثلا.
النصيحة الثالثة :
ممكن كمان بدل البنطلون الواسع تلبسي البنطلون الـ slim مع بلوزة بتصميم مناسب و يكون مقاسها مظبوط معمولة من الساتان او الشيفون او الحرير و اعملى لوك شيك و اليجانت، وممكن علشان تعملى لوك جذاب اكتر جربي تدخلى البلوزة أو التيشرت فى البنطلون او تلبسي معاها حزام رفيع او عريض علشان يبرز وسطك .
النصيحة الرابعة :
حاولى على قد ما تقدرى تعتمدى قى الستايل بتاعك على قطع الملابس الموضة و المودرن ، جربى تلبسي جينز مع تيشيرت او مع قميص مناسب و معاهم الاكسسوارات المناسبة علشان تعملى لوك عصرى.
النصيحة الخامسة :
جربى تلبسي كعب عالى خصوصا مع البنطلونات الواسعة علشان الكعب هيرفعك عن الارض فهيخلق مساحة تخليكى تمشي براحتك من غير ما تقلقى انك تدوسى على رجل البنطلون الواسعة .
النصيحة السادسة :
بتعتبرالـ High waist pants و الـ low waist pants ستايلات مناسبة جدا للجسم كمترى الشكل، و لو عندك curvy hips يبقى البسي بنطلونات below belly button علشان تعادل شكل رجلك و تخليه احلى.