افضل 9 افكار تجددى بيهم شكل الستاير فى بيتك

بقلمآية حسان فيمنوعات visibility3452

شكل الستاير و تصميمها مهم لديكور اى بيت، لان الستاير بتعتبر اللمسة الاخيرة علشان تضيف لمسة جمالية للبيت وتخليه دافى ومريح اكتر، لكن كمان اختيار شكب الستاير المناسب و التصميم الصح اللى يناسب الشباك او البلكونة مش حاجه سهلة ابدا ، ده غير انه الستاير بقت تعتبر دلوقتى من الحاجات اللى تكلفتها عاليه سواء فى سعر القماش او التفصيل . ولازم تفكرى فى نوع القماش، درجات الالوان الصح ، الطول والعرض والنقشة وتقررى هتعمليها مخصوص ولا هتشتريها جاهزة! يعنى تفاصيل كتيرة جدا محتاجة تهتمى بيها، علشان كده اختيار الستارة الصح بيحلى اجواء البيت حلوة و مريحة ، فلو عندك ستاير قديمة و محتاجة تجددى شكلها او لو عايزة تعملى ستاير جديدة و ماتكلفكيش كتير علشان تضيفى لمسة جمالية لبيتك، شوفى معانا 9 أفكار مختلفة تغييرى بيهم شكل الستاير ..

افضل 9 افكار تجددى بيهم شكل الستاير فى بيتك .. 

1- الستاير الـ trimmed  :

الستاير الـ trimmed واحده من تصميمات الستاير اللى شكلها بسيط لكن حلوة و بتناسب اى شكل ستارة انتى عايزة تعمليه سواء كانت سادة او منقوشة ، اشترى كنار منقط زى اللى فى الصورة من اى محل مستلزمات خياطة و ثبيتيه على طرف الستارة زى الصورة كده و اختاريه بلون ظاهر علشان تباين الالوان ده هيغير من شكل الستارة تماما، جربى تعمليه على الستارة بتاعتك و هتبقى غيرتى شكل و ستايل الستارة خالص و بخطوة بسيطة جدا.

الستاير الـ trimmed
الستاير الـ trimmed

2-الستاير المخططة:

بشوبة خطوط ملونة تقدرى تجددى من شكل الستارة بتاعتك، هاتى قطعة قماش قديمة عندك و قصيها على شكل خطوط متساوية و خيطيها على الستارة ، او ممكن تعمليها بالصبغة لو هتقدرى تتحكمى فيها و بكده تكونى عملتى ستارة جديدة!

الستاير المخططة
الستاير المخططة

3- الستاير الاومبرى : 

صبغة الشعر الاومبرى بتعتبر من اكتر طرق صبغ الشعر المنتشرة و المختلفة جدا، بس مين قال انها للشعر بس ؟! ممكن تصبغى طرف الستارة بتاعتك من تحت على طريقة الاومبرى بأنك تدرجى اللون و تتحكمى فيه باستخدام سفنجة مثلا علشان الستارة ماتبوظش او بأنك تستخدمى صبغات بدرجات مختلفة و تصبغى الطرف مثلا و تسيبيه ينشف خالص و بعدين تصبغى المنطقة اللى عليها الدور وهكذا.

الستاير الاومبرى
الستاير الاومبرى

4- الستاير المطبوعه : 

الطباعة على الستاير من اسهل الحاجات اللى ممكن تعمليها، لانه فى رسومات او templates جاهزة ممكن تشتريها و تلونى بيها على الستاير، اشترى قالب رسومات على ذوقك و صبغة قماش بأى لون تفضليه او رولة منقوشة زى بتاعت دهانات الحيطة و ارسمى على الستاير بتاعتك و غيرى شكلها .

الستاير المطبوعة
الستاير المطبوعة
ستاير stencil
ستاير stencil

5- ستاير بزخارف دهبية : 

باستخدام شريط لاصق دهبى عريض او قطعة قماش دهبية ممكن تعملى ستاير مزخرفة بالدهب و بتصميمات و اشكال كتيرة و مابتخلصش، او ممكن تستخدمى الشرايح المعدنية الرقيقة و تقدرى تلاقيها عند محلات الحدايد و هتلاقيها متوفرة باللون الدهبى، الفضى و البرونزى، اخترعى التصميم اللى تفضليه و جربى تنفذيه.

ستاير بزخارف دهبية
ستاير بزخارف دهبية

6- ستاير بخطوط عريضة : 

لو بتحبى الخطوط العريضة و الجريئة يبقى جربى تعملى ستاير بخطوط عريضة و واضحة على الستارة بتاعتك اشترى قماش سعره معقول بأى لون تفضليه و الزقيه او خيطيه على الستارة.

ستاير بخطوط عريضة
ستاير بخطوط عريضة

7- ستاير اومبرى منقوشة : 

بنفس طريقة عمل الستاير الاومبرى الى قولناها فوق ، او باستخدام قطع سفنج متقطعة على اشكال معينة زى مثلثات او مربعات او دواير او اى شكل تانى تحبيه و ارسمى على الستارة بأشكال و درجات مختلفة لنفس اللون.

ستاير اومبرى منقوشة
ستاير اومبرى منقوشة

8- ستاير بكنار منقط : 

بنفس اول طريقة ، اشترى كنار او حلية بنقشات و الوان مختلفة او قصى شريط من قماشة بنقشة بتحبيها و ثبتيها على الستارة بتاعتك فى تصميمات و خطوط و زينى اى ستارة فى البيت بتكلفة قليلة جدا وبمجهود بسيط.

ستاير بكنار منقط
ستاير بكنار منقط

9- ستاير fold and clamp  : 

طريقة الـ fold and clmp دى طريقة يابانية معروفة فى صبغ القماش و تلوينه، و الحلو فيها انه حتى لو لغبطتى وانت بتعمليها مفيش مشكلة لان الفكرة اصر انك تلونى القماش بأشكال غريبة و كترة وداخلة فى بعضها من غيرما تبقى الاشكال منتظمة او مترتبة .

ستاير fold and clamp
ستاير fold and clamp