افضل 7 نصايح و وصفات للدايت

آية حسان

في

4236

الدايت بيعتبر دايما من اصعب الحاجات اللى ممكن نعملها لانه وسط تعب الشغل والعزومات و خروجاتنا مع اصحابنا بيبقى صعب اننا ناخد بالنا من اكلنا و نحافظ على اننا ناكل اكل صحى قبيبقى صعب علينا نحافظ على الدايت أو اوقات كتيرة بنلغبط وبنبوظ غظب عننا، علشان كده فى المقال ده هنقولك على افضل 7 نصايح و وصفات للدايت علشان تحافظى على الدايت بتاعك ومجهودك مايضيعش و تلاقى النتيجة اللى انتى مستنياها ..

يلا نبدأ افضل 7 نصايح و وصفات للدايت

1- هاتى اكلك معاكى :

وانتى فى الشغل دايما هاتى اكلك معاكى من البيت علشان ماتضطريش تيجيبى اكل جاهز اللى كلنا عارفين انه مضر لوزنك وكمان لصحتك. فلو بتعملى تقدرى تلتزمى بيه ببساطة بأنك تحضرى اكلك و تاخديه معاكى من البت و ممكن معاه مقبلات تكونى بتحبيها زى السلطة الخضرا او سلطة الزبادى وكمان فاكهة.

2- ركزى على نوع الاكل:

مهم تركزى على نوع الاكل اللى بتاكليه وكميته، خليكى حريصة انك تاكلى دايما اكل صحى و بكمية قليلة، وانتى رايحة الشغل خدى معاكى سندوتش صغير او طبق صغيرفيه الاكل بتاعك علشان تبقى حريصة انك ماتاكليش كمية اكبر من اللى بتحتاجيها، و حاولى وقت الاكل يبقى للاكل بس من غير ما تكونى بتتكلمى مع صحابك او عيلتك لانه اثناء االكلام بناكل كمية اكبر من اللى متعودين عليها علشان مابنبقاش واخدين بالنا احنا كلنا قد ايه .

3- ماتاكليش وانتى بتعملى شوبنج :

قبل ما تخرجى تجيبى طلبات البيت من السوبر ماركت او تعملى شوبنج لازم تاكلى، و ماتقوليش انك هتاكلى وانتى بره علشان ماتضعفيش قدام محلات الاكل الجاهز و الـ junk food , من افضل نصايح و وصفات للدايت هى انك تعملى لنفسك سندوتشات و معاها خضار زى الخيارو الطماطم و الخس علشان تاكليهم لما تجوعى بره.

4- كلى الحلويات بحساب:

مهم انك تاكلى الحلويات بحساب، خصوصا لو كنتى من النوع اللى بيضعف قدام الحلويات الشرقية و الشوكولاتة، وفى طرق كتيرة ممكن تتحكمى بيها فى اكل الحلويات و تقللى كميتها ، ممكن تعملى الكمية اللى هتاكليها فى انك تعملى لنفسك 3 قطمات بس او يعنى 3 bites بالكتير .

5- كلى قبل العزومات :

لو انتى عارفه انك فى العزومات بتضعفى قدام الاكل و مابتقدريش تمسكى نفسك يبقى الحل الوحيد هو انك تاكلى فى البيت قبل العزومات ، علشان تشبعى شوية صغيرين او زى ما بنقول ” كلى نص بطن” ده هيخليكى تبقى مرتاحة و متطمنة انك هتقدرى تتحكمى فى كميات الاكل و انك مش هتاكلى كتير و ماتبوظيش الدايت بتاعك .

6- اشربى مية :

المية افضل صديق ليكى وقت الدايت، و افضل طريقة تتجنبى بيها انك تاكلى زيادة فى الخروجات او العزومات هى انك تشربى مية كتير قبل ما تخرجى، و ممكن تستبدلى المية بأى سوايل تحبيها زى الشاى او القهوة او العصاير و يا سلام لو شربتى شاى اخضر . كوباية مية كبيرة قبل الاكل هتخليكى تتحكمى فى كمية الاكل بسهولة.