افضل 10 افكار ستايلات لبس الخريف والشتا
محتارة تلبسي ايه فى الشتا ده ؟! فى المقال ده هنقولك على افضل 10 افكار ستايلات لبس الخريف والشتا ينفعوا لاى مناسبة سواء الشغل او خارجة مع صحباتك او خروجاتك للجامعة ، والمميز فى الستايلات دى ان معظمها بتعتمد على قطع ملابس موجودة عندك، يعنى مش هتحتاجى تشترى لبس جديد، كل اللى عليكى تغيرى طريقة استخدامك ليهم بس ، شوفى معانا افضل 10 افكار ستايلات لبس الخريف والشتا تقدرى بيهم تخلى ستايلك تريندى وعلى الموضة ..
افضل 10 افكار ستايلات لبس الخريف والشتا
1- الطبقات :
ستايل الطبقات او الـ layers بيعتبر من اشيك الستايلات اللى ممكن تنفذيها فى الشتا، لانه كاجوال و عملى و فى نفس الوقت شيك ، علشان تعملى ستايل زى اللى فى الصورة دى هتحتاجى قطع ملابس هتلاقيها موجودة فى دولابك زى البنطلون الجينز، الشوز او الـ sneakers ، تيشيرت ، بلوفر و جاكت. وممكن تلبسي سكارف علشان تزودى الطبقات و تخلى اللوك شيك اكتر.
2- الكاب الكاجوال :
الكاب من قطع الملابس الاليجانت و الشيك، ده غير انهم بيدفوا جدا و بيعتبروا من اسهل الـ looks اللى ممكن تنفذيها، كل اللى محتاجه تعمليه هى انك تلبسي الجينز المفضل عندك مع بلوزة او تيشيرت و عليهم الكاب مع شوز مناسب سواء كان شوز بكعب عالى، sneakers او البوت.
3- الفيدورا hat :
اللوك ده هيعجبك لدرجة انك هتبقى عايزة تلبسيه كل يوم، الـفيدورا hat واحده من قطع اكسسوارات الملابس اللى trendy جدا، البسي فيدورا hat مع كارديجان واسع او oversized cardigan و بوت برقبة قصيرة مع بنطلون جينز.
4- السويتر :
السويتر من القطع الشتوية الاساسية فى دولاب اى بنت، لو لسه ماعندكيش بلوفر او سويتر مفضل يبقى لازم تشترى واحد. جربى الشتا ده يبقى عندك اكتر من بلوفر بألوان و ستايلات مختلفة وجربي إنك تلبسي تحته قميص هتلاقي اللوك بتاعك اختلف تماما.
5- الفرو :
الفرو بنشوفه اول ما الشتا يبدأ، لانه غير انه بيدفي و ناعم جدا لكن كمان شكله شيك و اليجانت و فى افكار كتيرة ممكن تلبسي بيها الجاكت او الجيليه الفرو، جربى تلبسي جاكت او الفيست الفرو باللونين الابيض او الاسود أو البني مع بنطلون و مكياج مناسب و هتحبى اللوك اللى هتطلعى بيه جدا، او ممكن تعملى لوك زى اللى فى الصورة.
6- السكارف :
السكارف ممكن يبقى تفصيلة بتضيف شياكة وجمال للوك بتاعك، جربى تلبسي سكارف مع بلوفر او تحت جاكت و هتلاقى نفسك بتحبى اللوك جدا و كمان هيحميكى من البرد ، جربى السكارفات المنقوشة او السادة بألوان مختلفة و اختارى اللى يناسبك اكتر.
7- اللون الاخضر الزيتونى :
الاخضر الزيتونى بيعتبر من الالوان المميزة لانه بيمشى مع الوان كتيرة و مناسب لجو الخريف و الشتا، جربى يبقى فى دولابك بنطلون او قميص بلون الاخضر الزيتونى و البسيه مع بوت بيج برقبة صغيرة او sneaker.
8- البندانا :
البندانا و سكارفات الرفبة الصغيرة راجعه موضة السنة دى بشكل قوى، و بتستخدم كـ choker ، جربى تلبسي بندانا على الرقبة او تربطى سكارف صغير علشان تضيفى لمسه للوك بتاعك ويبقى على الموضة اكتر و شبه الـ street style.
9- الجاكت المنفوخ :
الجاكت المنفوخ او الـ bomber jacket هتقدرى تعملى بيه لوك كاجوال لكن كمان classy، البسي الجاكت المنفوخ مع جزمة بكعب عالى و اخرجى بيه وانتى رايحة الشغل او رايحة تقابلى اصحابك او فى السفر .
10- اللون الاسود:
اللون الاسود ملك الالوان، جربى تعملى لوك كله باللون الاسود او all black outfit زى الصورة او بأى قطع ملابس تانية تفضليها و اعملى لوك مختلف ومميز .
شوفي كمان نصايح ازاى تنسقي طبقات من الملابس في الشتا
