اعملي مكياج ينور وشك ويداري التعب في دقيقة واحدة بس !

ريهام محمود
ريهام محمود
في
مكياج
8182

ايام كتير بتعدي علينا بتبقى بشرتنا شكلها مرهق ومجهد اوي بسبب ضغط الشغل او الدراسة او قلة النوم يعني الاسباب كتير اللي بتخلي ساعات بشرتنا تظهر بشكل مرهق ومش حلو, طيب نعمل ايه في الايام اللي زي دي عشان نداري التعب والارهاق بشكل سريع ؟ ده اللي هنعرفه النهاردة مع بعض هنعمل خطوات مكياج سريع ينور الوش ويداري التعب في دقيقة واحدة بس.

خطوات مكياج سريع ينور الوش ويداري التعب:

1- ضيفي لمسة دافية لبشرتك:

من اكتر الحاجات اللي ممكن تداري تعب واجهاد البشرة هو كريم الاساس اختاري كريم الاساس المناسب ليكي وتكون تغطيته عالية, لكن احيانا بيكون ده كمان مش كافي عشان يداري تعب البشرة لو مجهدة اوي عشان كده احنا هنعمل اضافة بسيطة اوي هتغيرلك اللوك وهي انك قبل ما تحطي كريم الاساس اخلطي كمية من البرونزينج جل مع الكريم المرطب بتاعك وافرديه على بشرتك ده هيدي لون ولمسة دافية للبشرة وهينورها, وممكن تستخدموا للخطوة دي برونزينج ذي بودي شوب بالعسل The Body Shop Honey Bronzing Gel For Face, او لوريال سابلايم برونز L’Oreal Sublime Bronze.

مكياج سريع ينور الوش ويداري التعب 1
مكياج سريع ينور الوش ويداري التعب 1

2- استخدمي سائل مضيء:

من اسرع الحاجات اللي ممكن تنور الوش في ثواني هو استخدام سائل مضيء للبشرة هيبقى مناسب اوي لموسم الشتا بشكل خاص لانه اخف على البشرة من استخدام الهايلايترز والبرونزر, ضيفي نقطة او اتنين من السائل المضيء للكريم المرطب الملون او الفونديشن بتاعك وبعدين طبقيه على بشرتك هيديكي لوك حلو اوي وهينور الوش بشكل طبيعي, وممكن تستخدموا السائل المضيء من لوريال L’Oreal Magic Lumi Light Infusing Primer.

مكياج سريع ينور الوش ويداري التعب 2
مكياج سريع ينور الوش ويداري التعب 2

 شوفي كمان كل اللي محتاجة تعرفيه عن الستروبنج المكياج المضيء .. وازاي تعمليه

الستروبنج Strobing لنحت الوش
الستروبنج Strobing لنحت الوش

مقالات متعلقه

خطوات عمل مكياج نهاري خفيف

خطوات عمل مكياج نهاري خفيف

ازاي تعملي مكياج بيبي فيس Baby face makeup?

ازاي تعملي مكياج بيبي فيس Baby face makeup?

مكياج للجامعة سهل وسريع في 8 خطوات

مكياج للجامعة سهل وسريع في 8 خطوات