الالوان الزاهية موضة المحجبات لشتاء 2017
الالوان الزاهية والمبهجة ليها نصيب كبير من موضة المحجبات لشتاء 2017, واكتر تريند نازل موضة السنة دي هي الحاجات الطويلة الصوف بمجموعة الوان مميزة جدا ومبهجة ومناسبة لموسم الخريف والشتا.
والتصاميم كلها بافكار بسيطة اوي ولكن انيقة جدا في نفس الوقت ومريحة في اللبس, والمجموعة منوعة ما بين البلوفر, التونيك الطويل المقفول, الكاريجان الطويل اللي بازرار وبطبعات بسيطة عليه , الدريس الطويل, الفيست الطويل, والبونشو, يعني ستايلات مختلفة عشان تناسب كل الاذواق, والستايلات كلها معمولة من خامات مريحة وناعمة.
واتنوعت الالوان ما بين الاخضر, المسطردة, النبيتي, والالوان التقليدية اللي متعودين عليها كل شتا زي البني بدرجاته والاسود, لكن من الالوان التريند اوي والموضة السنة دي هما الازرق والاحمر ويعتبروا هما الوان موسم شتاء 2017
تقدري بقى تنوعي في لبس الستايلات دي ممكن تلبسيها على البنطلون الجينز وقميص او بلوزة طويلة وعليهم سنيكرز او كونفرس لو عايزة لوك كاجوال للصبح, او تلبسيها على جينز مع وبوت طويل او انكل بوت او هاف بوت, او لو عايزة تعملي لوك كلاسيك شوية لخروجاتك بعد الضهر ممكن تلبسيها على الجينز وبلوزة طويلة ومعاهم شوز بكعب عالي.
وطبعا نكمل اللوك بتاعنا بالطرحة المناسبة والاكسسوار, او الكوفية, او السكارف.
تعالوا نشوف مع بعض مجموعة ستايلات بالالوان الزاهية موضة المحجبات لشتاء 2017:
شوفي كمان موضة المحجبات بألوان دافية لخريف وشتاء 2017
