طريقة عمل فطيرة من المكرونة السبجاتي

آية حسان
آية حسان
4096

علشان نساعدك تجددى فى اكلاتك و تخلصى من حيرة هناكل ايه النهاردة، فى المقال ده هنقولك على وصفة مبتكرة و جديدة و هى فطيرة بالمكرونة السبجاتي ، بمكونات بسيطة وسهلة والوصفة مكونة من جزئين، شوفى معانا لخطوات الكاملة بالفيديو ..

طريقة عمل فطيرة بالمكرونة السبجاتي

المقادير اللى هتحتاجيها للسباجيتى المقرمشة او الـ pasta crust :

حوالى 120 جام من المكرونة السباجيتى ” او اكتر حسب الكمية اللى عايزة تعمليها.” 
فصين توم متقشرين .
معلقتين اكل زبدة .
كوباية من الجبنة البرميزان المبشورة .
حبة بيضة كبيرة مضروبة.
معلقتين اكل من فتات العيش ” قلب العيش” .

مقادير الحشو:

معلقتين من زيت الزيتون ” او اى زيت نباتى تفضليه” .
بصلة صغيرة متقطعة مكعبات .
حوالى 250 جرام من اللحمة المفرومة.
3 معالق اكل من معجون الطماطم .
معلقة اكل سكر.
معلقة اكل من الريحان المفروم.
بيضة كبيرة .
معلقة توابل اكل .
كوباية من جبنة الريكوتا ” او اى نوع جبنة تانى تفضليه “.
كوباية و نص من الجبنة الموزاريلا المبشورة كاملة الدسم . 

طريقة تحضير فطيرة بالمكرونة السبجاتي :

خطوات تحضير الفطيرة :

1-سخنى الفرن على درجة حرارة 180
2- لفى المكرونة السباجيتى فى فوطة مطبخ نضيفة و كسريها ل3 اجزاء .
3- اسلقى المكرونة فى مية مغلية لحوالى 3 دقايق و اشطفيها كويس اوى بعد السلق و سيبيها تتصفى .
4- فى طبق غويط او بولة متوسطة الحجم امزجى المكرونة مع التوم و الزبدة والجبنة البارميزان و البيض و فتات العيش او فتات الخبز، و قلبى كويس اوى لحد مال الجبنة و الزبدة يدوبوا خالص والمكونات كلها تعمل خليط يشبه العجينة.
5- فى الخطوة دى هتحطى مزيج المكونات ده فى قالب الكيك يكون قطره حوالى 20 سم و تدخليخ الفرق من 15 لـ 20 دقيقة  او لحد ما الاطراف تبدأ تتحول لونها للون البنى.

فطيرة الاسباجيتى
فطيرة الاسباجيتى

خطوات تحضير الحشوة : 

1- فى طاسة او حلة  سخنى كمية قليلة مع الزيت و ضيفيله البصل و خليه يتحمر لحد ما يدبل و يبقى ناعم هتسيبيه حوالى 3 دقايق و بعد كده ضيفى اللحمة و سيبيها تستوى لحد ما يبقى لونها بنى خفيف و بمعلقة شيلى اى دهون هتتكون من اللحمة.
2- بعد كده ضيفى معجون الطماطم و السكر و سيبيى الخليط كله حوالى 5 دقايق على النار ، بعد كده ارفعى الحلة من على النار و ضيفى الريحان و الملح و الفلفل . 

3- فى طبق تانى امزجى البيض مع جبنة الريكوتا و توابل الاكل و افردى المزيج ده فوق المكرونة و فوقيهم اللحمة بصوص الطماطم و على الوش حطى طبقة من جبنة الموزاريلا .

4- آخر خطوة هى انك هتدخلى المزيج ده كله فى الفرن مرة تانية على درجة حرارة 180 لحوالى 25 دقيقة او لحد ما الوش يبقى دهبى ، و سيبيها تبرد من 15 لـ 20 دقيقة قبل التقديم .

و شوفى كمان فيديو للخطوات …

مقالات متعلقه

10 عادات طبخ سيئة بنعملها ومش عارفين انها خطر على حياتنا.. اعرفيهم واتجنبيهم

10 عادات طبخ سيئة بنعملها ومش عارفين انها خطر على حياتنا.. اعرفيهم واتجنبيهم

طريقة عمل الباستا بصوص البيستو مع الفراخ

طريقة عمل الباستا بصوص البيستو مع الفراخ

بالخطوات .. وصفة الفراخ بالكاجو السهلة واللذيذة

بالخطوات .. وصفة الفراخ بالكاجو السهلة واللذيذة