نصايح و افكار تلبسي ايه فى الجيم

بقلمآية حسان فيموضة وأزياء visibility12251

لبس الجيم و ستايلك وانتى رايحة تتمرنى او تجرى كل يوم مهم زيه زى اى لبس تانى بتختاريه علشان تروحى شغك او كليتك او اى مناسبة تانية، خصوصا لو انتى من البنات اللى الجيم و التمرينات بتعتبر حاجه اساسية فى يومهم و بتحافظى عليها، فى الحالة دى اكيد بتحتاجى يبقى عندك لبس رياضى او sports wear  كتير و متنوع، وعلشان بنات حوا حريصة دايما نك تظهرى فى احسن شكل ، فى المقال ده هنقولك نصايح و افكار تلبسي ايه فى الجيم و كمان هتشوفى معانا البوم صور بأفكار لستايلات و تنسقيات الوان مختلفة للبس الجيم علشان تحافظى على شياكتك وجمالك حتى وقت التمرين..

نصايح و افكار تلبسي ايه فى الجيم

الـ sports wear عادة بتبقى الوانه فاتحة و منورة زى البينك و الاخضر و الفسفورى، وده علشان يديكى دايما طاقة واحساس بالنشاط والحيوية، واللبس الرياضى المثالى  بتقدرى تعمليه بجهد بسيط جدا لكن لازم يبقى مناسب للمجهود اللى هتعمليه فى الجيم بأنه يبقى من قماش خاماته مرنة و خفيفة علشان تقدرى تتحركى فيه براحتك، وطبعا اختيارك للبس الرياضى بيعتمد على زوقك و الستايل اللى بترتاحى فيه اكتر و انتى بتتمرنى ، وعادة البنات الصغيرين بيحبوا يلبسوا الالوان الفاتحة المنورة زى الوان النيون و بتعتبر الماركات  المعروفة زى اديداس Adidas و نايك Nike من اشهر الماركات اللى بتنتج لبس رياضى مريح جدا و خاماته نضيفة لكن ممكن تكون اسعارهم عالية شوية .. شوفى فى الالبوم افكار مختلفة و متنوعة وسهل تنفيذها علشان تختارى منهم ستايل الجيم اللى يناسبك اكتر :)