حيل هتخلي كريم الاساس يدوم معاكي طول اليوم

بقلمريهام محمود فيمكياج visibility10441

كريم الاساس يعتبر اهم خطوة في روتين المكياج بتاعك لان هو اساس المكياج لو حطاه مظبوط مكياجك كله هيطلع مظبوط ولو مش مظبوط كل المكياج بتاعك هيطلع مش حلو وهيبوظ منك, عشان كده النهاردة هنقول لكل بنات حوا حيل لتثبيت كريم الاساس اطول فترة معاكي يعني هيقعد معاكي من اول اليوم لاخره لو نفذتي النصايح دي.

حيل لتثبيت كريم الاساس فترة طويلة:

1- خلي الكريم المرطب يتشرب في بشرتك:

من الغلطات اللي ممكن نكون بنعملها وبتسبب ان كريم الاساس ميدومش فترة طويلة اننا نحط الكريم المرطب وبعده على طول كريم الاساس لكن ده غلط جدا, لما تحطي الكريم المرطب لازم تديه فرصة كام دقيقة انه يتشرب في بشرتك كويس قبل ما تحطي كريم الاساس عشان ميطلعش شكل كان الوش عرقان ويسيح منك بسرعة, يعني حطي الكريم المرطب وسيبيه تقريبا 10 دقايق كده وبعدين حطي كريم الاساس بالطريقة دي هيدوم معاكي فترة اطول.

خلي الكريم المرطب يتشرب في بشرتك
خلي الكريم المرطب يتشرب في بشرتك

2- استخدمي البرايمر المناسب:

البرايمر من الخطوات المهمة اللي ممكن تفرق اوي مع مكياجك وتثبته فترة اطول لان البرايمر بيقلل من مسام البشرة وافرازات الدهون وبيداري الخطوط الرفيعة والتجاعيد وبيوحد لون البشرة وبيخلي البشرة مخملية وبيطلع المكياج بشكل مثالي عشان كده مهم اننا نطبق البرايمر قبل كريم الاساس ونختار البرايمر المناسب لبشرتنا.

وبالنسبة لانواع البرايمر المناسبة لكل بشرة:

  • – البشرة الدهنية : ممكن تستخدم اتش دي برايمر من ميك اب فورايفر “HD primer makeup forever”, فيس فينيتي من ماكس فاكتور “Max factor face finity primer”, بريب برايم بي بي من ماك “Mac prep prime BB”, بيبي سكين انيستانت برايمر من مايبيلين “Maybelline baby skin primer”.

– البشرة الجافة : لوريال بروفيشنال فيس برايمر من لوريال باريس “L’oreal professional face primer”, اتش دي ميكرو بيرفيكتينج برايمر من ميك اب فورايفر”Makeup forever HD micro perfecting primer”, فوتو فينش لومينيزينج فونديشن برايمر من سماش بوكس “Smashbox photo finish luminizing foundation primer”, بريب برايم من ماك “Mac prep prime BB”, دريم سموز برايمر من مايبيلين “Maybelline dream smooth primer”, فوتو ريدي برايمر من ريفلون “Revlon photoready” primer.

  • – البشرة المختلطة : لا باس برو بور اريزر من لانكوم “Lancome la pas pro pore eraser”, فوتو فينيش بور من سماش بوكس “Smashbox photo finish pore primer”, فيس فينيتي من ماكس فاكتور”Max factor face finity primer”, بيبي سكين برايمر من مايبيلين “Maybelline baby skin primer”.

– البشرة الحساسة : فوتو فينش كولور كوريكتينج فونديشن برايمر من سماش بوكس “Smashbox photo finish color correcting foundation primer”, بيبي سكين برايمر من مايبيلين “Maybelline baby skin primer”, بروفيشنال برو بالم تو مينيمايز ذا ابيرنس اوف بورز من بينيفيت “Benefit professional pro balm to minimize the appearance of pores”.

استخدمي البرايمر المناسب
استخدمي البرايمر المناسب

3- استخدمي البودرة بعد كريم الاساس “Baking Makeup”:

البودرة من الحاجات اللي بتساعد على تثبيت كريم الاساس فترة اطول وهتخليه يثبت معاكي طول اليوم والخطوة دي بيسموها في عالم المكياج بتقنية خبز الميك اب Baking Makeup وهي طريقة وضع البودر بعد كريم الاساس لتثبيته, بس لازم نطبق ده بشكل صح بالخطوات دي:

1- مزج كريم الاساس مع البرايمر:

بعد ما تحطي الكريم المرطب وتديه وقته عشان يتشرب على البشرة اخلطي كمية من كريم الاساس والبرايمر على ضهر ايدك.

2- تطبيق الخليط على البشرة:

بعد ما نمزجهم مع بعض هنطبقهم على البشرة كلها بالفرشة الخاصة بكريم الاساس وممكن بالايد ونحطه على البشرة كلها والرقبة والفك عشان تبقى البشرة كلها زي بعض وميبقاش فيها خطوط.

3- تطبيق الكونسيلر:

باستخدام فرشة صغيرة او بصوابعك ابدأي حطي الكونسيلر تحت العين وحوالين منطقة الفم والانف.

4- استخدمي سبونج مكياج:

استخدمي سبونج بدل الفرشة لتطبيق اللوس بودر والسبونج هتخليكي تحطي اللوس البودر بشكل ادق واحسن على البشرة اكتر من الفرشة وحطي البودر بطريقة الضغط يعني متمسحيش بيها على البشرة وطبقيها على منطقة الجبين والدقن وتحت العين والانف.

5- سيبي البودر تندمج على البشرة:

بعد ما حطيتي البودر سيبيها تندمج على البشرة كويس حوالي خمس دقايق وخلال الوقت ده ممكن تحطي الماسكارا.

6- شيلي اي زيادات بالفرشة:

بعد ما سيبنا البودر يندمج كويس في البشرة هاتي فرشة كبيرة ومشيها على بشرتك عشان تشيلي اي زيادات من البودر من البشرة.

استخدمي البودرة بعد كريم الاساس "Baking Makeup"
استخدمي البودرة بعد كريم الاساس “Baking Makeup”

4- حطي مثبت مكياج:

اخر حاجة خالص بعد ما تخلصي مكياجك ممكن تحطي مثبت مكياج عشان يثبت لك مكياجك كله.

حطي مثبت مكياج
حطي مثبت مكياج

– ده فيديو للخطوات اللي احنا شرحناها:

اتعرفي على انواع كريم الاساس المناسبة لكل بشرة وازاي تحطيه صح

انواع كريم الاساس المناسبة لكل بشرة
انواع كريم الاساس المناسبة لكل بشرة