موضة الفستان المنزلق أو ال Skater Dress وإزاي تلبسيه
الفستان المنزلق او الـ skater dress من ستايلات الهدوم اللى منتشرة السنة دى و مسيطرة على الموضة بشكل كبير، و كمان بين المشاهير و النجمات، و الحلو فيها انها بعتبر من ستايلات الهدوم المريحة والبسيطة لكن فى نفس الوقت شيك و متوفرة بألوان و نقشات و خامات قماش كتيرة، واكبر ميزة فى الفستان المنزلق انه بيناسب اشكال و انواع كتيرة من الاجسام ..
ايه هو الفستان المنزلق او الـ skater dress ؟
اول حاجه لازم نعرفها هى ايه هو الفستان المنزلق، هو فستان قصته على طريقة الـ A Line نازل بوسع شوية من عند الوسط لتحت،و المميز فيه انه بيرفع الجسم و يديله شكل رشيق ، و بيبقى طول الفستان عادة لحد الفخذين لكن ممكن تخليه بالطول اللى يناسبك و قصة الفستان المميزة هى اللى بتخليه واحد من القطع الاساسية للى لازم تكون موجود فة دولابك الشتاء ده ..
ايه هو شكل الجسم المناسب للفستان المنزلق؟
الفستان ده بيعتبر من الفساتين المحبوبة و المنتشرة عند كتير من البنات لانه بيناسب تقريبا كل انواع واشكال الاجسام و تقدرى تلبسيه بسهولة ده غير انه هيبرز الـ curves اللى فى جسمك و يبرز جمالك و يخلى وسطك يبان ارفع خصوصا لو انتى اصحاب الـ apple shaped bodies او الجسم اللى على شكل تفاحة لانه هيساعدك تدى شكل احلى للجزء السفلى من جسمك و كمان هيخليكى تبانى اطول و ممكن تلبسي معاه بلايزر بلون مناسب.
ازاى تلبسي الفستان المنزلق ؟
اختارى الفستان بألوان الباستيل و النقشات الفلورال لو هتلبسيه بالنهار، بالليل البسى الفستان بألأوان اغمق شوية زى التركواز الفامق او الاخضر، و افضل طريقة تلبسي بيها الاكسسوارات مع الفستان المنزلق هى سلسلة بسيطة بعيده عن الاحجام الكبيرة و ممكن تكون طويلة و خاتم مناسب بسيط برده ، ممكن تلبسي معاه حزام رفيع مع باليرينا بلون نيود علشان تكملى اللوك بتاعك.
موضة الفستان المنزلق أو ال Skater Dress وإزاي تلبسيه
شوفى معانا البوم كامل لستايلات مختلفة من الفستان المنزلق او الـ skater dress و اختارى منها اللى يناسبك :)
