20 نصيحة مبتكرة ومفيدة هتسهل حياتك !

بقلمريهام محمود فيمنوعات visibility11802

موضوعنا النهاردة عن حاجات بتقابلنا تقريبا بشكل يومي في حياتنا ساعات بتكون حاجات بسيطة بس بتغير مودنا لو معرفناش نعملها او معرفناش نحلها بسرعة, عشان كده احنا النهاردة جايبين لكل بنات حوا نصايح مفيدة هتسهل حياتك جدا.

نصايح مفيدة هتسهل حياتك:

1- خلي طعم اللحمة المفرومة احلى:

اللحمة المفرومة من الحاجات اللي بنستخدمها في كتير من الاكلات والاطباق, لكن في حيلة بسيطة اوي هتخلي طعم اطباقك احلى بكل سهولة ومن غير مجهود وهو انك قبل ما تستخدمي اللحمة المفرومة لاي طبق بتعمليه حطيها في التلاجة شوية قبلها هتلاقي طعمها احلى بكتير في الاكل.

خلي طعم اللحمة المفرومة احلى
خلي طعم اللحمة المفرومة احلى

2- علاج التهاب الحلق:

التهاب الحلق من الحاجات اللي بنشتكي منها كتير خصوصا في فصل الشتا, في مشروب بسيط ممكن تعمليه هيعالج لك مشكلة التهاب الحلق بشكل اسرع وهو انك تشربي لبن سخن وتضيفي عليه كام حبة حبهان, الوصفة دي بتضيع الالتهاب بشكل سريع.

علاج التهاب الحلق
علاج التهاب الحلق

3- ولعي النار اسرع:

اوقات كتير لو مع اصحابنا او في رحلة وحابين نشوي اكتر حاجة بنتعذب فيها اننا نولع النار, ممكن بطريقة سهلة جدا نولعها بسرعة ولعي كام واحدة بطاطس شيبسي وحطيهم ما بين الفحم بتاعك هتلاقي النار ولعت معاكي بسرعة جدا حتى احسن من اي سائل بيساعد على الاشتعال.

ولعي النار اسرع
ولعي النار اسرع

4- عالجي الحرق بمعجون السنان:

لو حصل حرق او لدغة حشرة ممكن تعالجيها بشكل سريع باستخدام معجون السنان, افركي المنطقة بيه هيقلل الضرر على الجلد وهيخليه يخف اسرع.

عالجي الحرق بمعجون السنان
عالجي الحرق بمعجون السنان

5- اسلقي البطاطس اسرع:

لو بتسلقي بطاطس وعايزاها تتسلق بسرعة معاكي وتنجزي وتوفري وقت, حطي معاها وهي بتتسلق حتة صغيرة زبدة هتسرع عملية السلق معاكي.

اسلقي البطاطس اسرع
اسلقي البطاطس اسرع

6- اعرفي البيض طازة ولا لا:

من اسهل الطرق اللي ممكن تشوفي بيها البيض طازة ولا لا, حطي البيض في مية باردة البيضة اللي هتنزل للقاع تحت دي تبقى طازة, والبيضة اللي هتطفو على سطح المية تبقى مش طازة.

اعرفي البيض طازة ولا لا
اعرفي البيض طازة ولا لا

7- استبدلي البيض بالموز في الخبز:

لو بتعملي معجنات او اي عجين محتاج بيض ومش متوفر عندك ممكن تستبدلي البيض بالموز تحطيه مع العجينة, ½ موزة تقريبا بتساوي بيضة واحدة حطي موز حسب كمية البيض اللي انتي كنتي محتاجاها.

استبدلي البيض بالموز في الخبز
استبدلي البيض بالموز في الخبز

8- ازالة الغرا من الزجاج:

لو عندك ازاز عليه غرا ممكن تشيليه بطريقة سهلة جدا انك تجيبي اي زيت نباتي عندك وتحطيه على المكان اللي فيه الغرا وتسيبيه 10 دقايق وبعدين تمسحيه بمنديل ورق.

ازالة الغرا من الزجاج
ازالة الغرا من الزجاج

9- اسلقي البقوليات اسرع:

البقوليات زي الفاصوليا والعدس واللوبيا وغيرها من انواع البقوليات اللي دايما بتحتاج وقت على ما تتسلق وكمان بتحتاج اننا ننقعها قبل بيوم قبل سلقها, لكن لو انتي نسيتي تنقعيها وعايزة تسلقيها بسرعة,ممكن تعملي ده بطريقة سهلة جدا اولا اسلقيها في مية من غير ما تضيفي لها ملح, تاني حاجة اثناء ما هي بتتسلق حطي لها معلقة كبيرة مية باردة كل 7 – 10 دقايق هتلاقيها اتسلقت معاكي بسرعة وفي وقت اقل.

اسلقي البقوليات اسرع
اسلقي البقوليات اسرع

10- اتخلصي من بقع الحبر على الملابس:

من المشاكل اللي كتير بتحصلنا ان الحبر يقع على الهدوم ممكن تحلي المشكلة دي بطريقة بسيطة امسحي بقعة الحبر الاول بالاسيتون وبعدين افركيها بالكربوناتو.

اتخلصي من بقع الحبر على الملابس
اتخلصي من بقع الحبر على الملابس

11- تعملي ايه مع البيض المكسور:

ساعات كتير بنشتري بيض نلاقي فيه منه مكسور او يتكسر مننا في البيت في الحالة دي ممكن تعملي ايه ؟ اسلقيها زي ما هي في المية بالطريقة العادية جدا.

تعملي ايه مع البيض المكسور
تعملي ايه مع البيض المكسور

12- تجفيف الاحذية بسرعة:

من الحاجات اللي بتحصلنا كتير في ايام الشتا ان الشوز بتاعنا يتبل وبياخد وقت على ما ينشف, احنا ممكن ننشفها بسرعة بخدعة بسيطة اوي, سخني شوية ملح في طاسة وبعدين هاتي شراب حطي جواه الملح وحطيه جوه الشوز بتاعك وسيبيه فيه شوية الملح هيمتص الرطوبة منه ويخليه ينشف بسرعة ولو منشفش على طول ممكن تغيري الشراب الاولاني اللي هيكون امتص جزء من الرطوبة وحطي شراب تاني بنفس الطريقة.

تجفيف الاحذية بسرعة
تجفيف الاحذية بسرعة

13- اغلي اللبن اسرع:

من الحاجات المملة اوي اللي بتعدي علينا يوميا تقريبا هو غلي اللبن بنقف قدامه كتير على ما يغلي ولو سبناه شوية بيفور ويروح كله ودي من الحاجات اللي بتحصل كتير لمعظمنا تقريبا, لكن حل الموضوع ده بسيط اوي وهو انك تحطي معلقة سكر مع اللبن وهو على النار هيخليه يغلي اسرع.

اغلي اللبن اسرع
اغلي اللبن اسرع

14- ابشري الجبنة بشكل اسهل:

لما بنيجي نبشر جبنة عشان نستخدمها في الاكل خصوصا الانواع اللي بتكون ناشفة بنلاقي صعوبة في الموضوع ده وساعات بنعور نفسنا كمان, عشان نتفادى المشكلة دي قبل ما تبشري الجبنة امسحي المبشرة بزيت نباتي هتلاقي الجبنة اتبشرت معاكي اسهل وكمان مش هتلزق في المبشرة وهتنزل كلها.

 ابشري الجبنة بشكل اسهل
ابشري الجبنة بشكل اسهل

15- اتخلصي من الروايح الكريهة في المطبخ:

المطبخ بيبقى مع الشغل فيه طول اليوم بيبقى فيه خليط روايح على بعض وممكن تكون الريحة مش مستحبة, عشان تتخلصي منها بطريقة سهلة اوي حطي معلقة كبيرة خل في طاسة وحطيهم على النار وسيبيهم يتبخروا البخار اللي طالع منه هيضيع اي ريحة مش حلوة في المطبخ.

اتخلصي من الروايح الكريهة في المطبخ
اتخلصي من الروايح الكريهة في المطبخ

16- رجعي الليمون الناشف طازة تاني:

لو عندك ليمون ناشف او بقاله فترة طويلة ونشف ومش عارفة تستخدميه, ممكن ترجعيه تاني كانه لسه فريش حطيه في طبق مليان مية وسيبيه كام ساعة منقوع في المية هيرجع طازة وتقدري تستخدميه.

رجعي الليمون الناشف طازة تاني
رجعي الليمون الناشف طازة تاني

17- توسيع الجزمة:

 لو عندك جزمة ضيقة وعايزة توسعيها, او لسه جايبة جزمة جديدة وبتضايقك وعايزة توسعيها ممكن نوسعها بخدعة سهلة اوي, البسي شراب تخين والبسي عليه الجزمة وهاتي السيشوار ركزية على الجزمة لمدة 10 دقايق وركزي على المناطق اللي بتضايقك اكتر, هتلاقي الجزمة وسعت لما تيجي تلبسيها ولو عايزة توسعيها اكتر ممكن تكرري نفس الطريقة تاني.

توسيع الجزمة
توسيع الجزمة

18- اتخلصي من الصداع:

تقريبا مافيش حد مننا مش بيعاني من الصداع ويمكن بشكل يومي كمان, لكن النهاردة ممكن تتخلصي منه بطريقة سهلة جدا هاتي ليمون وقطعية شرايح وافركي بيها منطقة الجبين يمكن تكون الطريقة غريبة بس جربوها وشوفوا النتيجة بنفسكم والطريقة دي مش بتضيع الصداع بس كمان ريحة الليمون بتهدي الاعصاب جدا.

 اتخلصي من الصداع
اتخلصي من الصداع

19- لمي الازاز المكسور بالصلصال:

ساعات كتير لما بتتكسر مننا حاجة ازاز في البيت بتبقى مشكلة كبيرة اننا نلم كل القطع اللي اتكسرت وخصوصا اللي بتكون صغيرة جدا وممكن نعور ايدينا, عشان تحلي المشكلة دي لو عندك ازاز اتكسر هاتي صلصال ولمي الازاز المكسور بيه هيلقط كل الازاز حتى القطع الصغيرة جدا منه.

لمي الازاز المكسور بالصلصال
لمي الازاز المكسور بالصلصال

20- هدي اعصابك في ثواني:

لو قعدة في مكان شغلك او في الجامعة او في اي مكان عام وحاسة انك مضغوطة اوي ومحتاجة في اللحظة دي انك تخففي من الضغط ده باي طريقة تقدري تتخلصي من ده بشكل سريع جدا بحيلة سهلة اوي انك تبصي لتحت وتضغطي بالصوباع الابهام على المنطقة اللي ما بين الشفة والانف لمدة 3 ثواني الطريقة دي سريعة وفعالة جدا في انها تهدي اعصابك حتى لو حاسة انك هيجيلك انهيار عصبي في اللحظة دي هتلاقي كل الضغط اللي عليكي اختفى.

هدي اعصابك في ثواني
هدي اعصابك في ثواني

شوفي افكار حيل وافكار منزلية مبتكرة ما تفوتكيش

حيل وافكار منزلية
حيل وافكار منزلية