شوفى ازاى تلبسي العقد مع الحجاب و يبقى شكله حلو بالصور

بقلمآية حسان فيموضة وأزياء visibility9354

ال Necklace او العقد مع الحجاب من قطع الاكسسوارات اللى ممكن تحول اللوك بتاعك وتخليه أحلى فى ثوانى، خصوصا انه متوفر بأشكال والوان كتيرة جدا وتقدرى تعتمدى عليه كقطعة أساسية فى اى لوك تحبيه. و زى ما اتكلمنا قبل كده عن طرق تحسين اى لوك فى ثوانى و بسهولة و كانت من اهم النصايح ازاى تعتمدى على الاكسسوار النهرده بنخص المحجبات بالنصايح ديه ازاى ممكن ينسقوا العقد مع الحجاب.

العقد بيدى شكل Classy جدا للوك بتاعك لو انتى بتحبى هدوم كلها بلون واحد زى الاسود مثلا او الابيض، لما تلبسي معاه العقد او الكوليه هيدىكى لوك حيوى ومليان حياة خصوصا مع الحجاب، ممكن تلبسي العقد مع بلوزة و حجاب بلون مناسب علشان تعملى لوك كاجوال وشيك بسهولة. وبيعتبروا كمان مناسبين للايام اللى بتقى فيها كسلانة وعايزة تلبسي اى حجه سريعة، ببساطة البسي اى بلوفر او تيشيرت مع العقد و طرحة مناسبين و هتبقى جاهزة فى وقت قليل، خصوصا انه فى اشكل و الوان من الكوليه بتمشى مع كل حاجه فى دولابنا تقريبا.

و الفيست الفرو او الـ fur vest بيعتبر من القطع اللى بنرشحهالك تكون فى دولابك الشتاء ده، لان شكله بيبقى حلو مع تيشيرت وعقد بشكل جرئ تجملى بيه اللوك بتاعك، وممكن كمان تلبسي النيكلاس او الكوليه مع سويتر منقوش علشان تعملى لوك ملفت اكتر، البسي الفيست الفرو بلون اساسي زى الاسود او الابيض مع بلوزة باللون العنابى ونيكلاس بحجم مناسب و بيلمع مع حجابك علشان تعملى لوك شيك وعلى الموضةز

العقد ممكن تلبسيه و يكون نازل من تحت الطرحه ده فى حاله انه يكون حجمه رقيق او طويل لكن لو حجمه كبير ممكن تلبسيه فوق الطرحه و وقتها شكله هيبقى جذاب و ملفت اكتر. لو لابسه قميص يفضل انك تلبسيه فوق ياقه القميص و الطرحة تكون نازله فوقه او ممكن تجربو ستايل انك تدخلى الطرحه من جوه عشان تظهرى جمال العقد اكتر.

شوفى البوم لصور فيها افكار ازاى تنسقى العقد مع الحجاب فى الشتاء السنة دى واختارى منها اللى يناسبك.