نصايح ازاى تنسقي طبقات من الملابس في الشتا

آية حسان
آية حسان
6902

في وقت الخريف والشتا بنحتاج نلبس هدوم فوق بعضها علشان نتدفى ونبقى مرتاحين واحنا نازلين كل يوم فى البرد، وعلشان متبقيش قلقانة من انك بتلبسي طبقات فوق بعضها و محتارة شكلها هيبقى حلو ولا لا ، فى المقال ده هتعرفى  ازاى تنسقي طبقات من الملابس فى الشتاء بطريقة stylish وشيك علشان تدفى وانتى كلك ثقة فى اللوك بتاعك ، شوفى معانا البومات صور لافكار مختلفة تقدرى بيها تعرفى ازاى تنسقي طبقات من الملابس فى الشتاء

نصايح ازاى تنسقي طبقات من الملابس في الشتا

ماتبالغيش فى عدد الطبقات اللى هتلبسيها 

لما تبالغى فى عدد الطبقات اللى انتى بتلبسيها اللوك بتاعك ممكن يطلع مبهدل و انتى هتحسي انك مش مرتاحة و مش عارفه تتحركى براحتك، لانه الطبقات دى ممكن تكلكع و يبقى شكلها مش حلو ومش زى ما انتى حباه يطلع، علشان كده حاولى تقللى عدد الطبقات بتاعتك لـ3 طبقات اساسية معاهم الجاكت. علشان كده الطبقات بتاعتك خليها تتكون من تيشيرت او قميص، وبلوفر مع جاكت او بالطو . او ممن تكونى الطبقات بتاعتك من تيشيرت، مع جاكت او فيست فرو.

اهتمى بنوع القماش الى بتلبسيه 

نوع القماش بيلعب دور مهم لما تيجى تلبسي طبقات فوق بعضها، ممكن تبقى الاقمشة اللى انتى اختارتيها مش تقيلة لكن مريحة وتدفيكى ، زى القماش الجلد مثلا بيدفيكى و بيدىيكى لوك حلو من غير ما يبقى تقيل او سميك، البسي طبقات من اقمشة مناسبة علشان تقدرى تدفى و يبقى شكلك حلو من غير ما تضطرى تلبسي اكتر من 3 طبقات .

اعملى طبقات من الاكسسوارات كمان !

غير انك ممكن تعملى طبقات من الهدوم ممكن كمان تستخدمى الاكسسوارات فى عمل الطبقات دى، ودى بتعتبر طريقة حلوة علشان تضيفى ابعاد للوك بتاعك و تديله حياة ، استخدمى الاكسوارات زى السكارف او الـ Hat علشان تعملى طبقات من الاكسسوارات لانها بتعتبر حلوة ومناسبة لجو الشتاء، وممكن كمان تلبسي necklace او كوليه لو لبستى بلوزة سادة.

مقالات متعلقه

14 قاعدة ملابس اساسية محتاجة تعرفيها

14 قاعدة ملابس اساسية محتاجة تعرفيها

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

افضل دليل لقواعد اللبس الاساسية لكل الاوقات والمناسبات

افضل دليل لقواعد اللبس الاساسية لكل الاوقات والمناسبات