طريقة تجنن لعمل لازانيا بالفراخ

ريهام محمود
ريهام محمود
7815
اللازانيا من الاكلاتالشهية جدا اللي متتقاومش وفي كتير مننا بيحبها واحنا النهاردة جايبين لكل محبات اللازانيا طريقة لذيذة جدا وجديدة غير اللازنيا اللي متعودين عليها باللحمة المفرومة يلا نشوف طريقة عمل لازانيا بالفراخ.
طريقة عمل لازانيا بالفراخ:

المقادير:

  • – 3 قطع صدور فراخ.

– 2 كوب خبز مطحون “بقسماط مطحون”.

  • – 5 بيضات.

– 1 كوب دقيق.

  • – 600 جرام صلصة.

– 42 جرام جبنة ريكوتا.

  • – 8 شرايح لازانيا.

– 2 كوب جبنة موتزاريلا.

  • – 2 كوب جبنة بارميزان.

– زيت نباتي.

  • – ريحان.

طريقة التحضير:

1- هنسخن الفرن على 180 درجة مئوية اثناء تجهيز اللازانيا.

2- هنقطع صدور الفراخ كل قطعة منهم لنصين عشان تبقى رقيقة مش سميكة اوي ونتبلها بالملح والفلفل.

3- هنحط الفراخ في الدقيق وبعدين البيض وبعدين البقسماط المطحون.

4- هنسخن الزيت في طاسة ونقلي صدور الفراخ من الجانبين لحد ما تاخد لون دهبي تقريبا 4 دقايق لكل جنب.

5- في طبق هنخلط بيضة مع الجبنة الريكوتا ونخليهم على جنب.

6- في الصينية اللي هنعمل فيها اللازانيا نحط من تحت 1/3 كمية الصلصة ونستخدم نوع الصلصة المفضلة ونفردها في الصينية من تحت ونرص عليها طبقة من شرايح اللازانيا لحد ما نغطيها تقريبا نص كمية اللازانيا, وبعدين نحط عليها طبقة من الجبنة الريكوتا اللي احنا خلطناها مع البيض ونرص فوقيهم صدور الفراخ.

7- هنرش على الفراخ ½ كوباية من الجبنة الموتزاريلا, و ½ كوباية جبنة بارميزان.

8- وبعدين نعمل طبقة تانية بباقي الكمية بنفس الترتيب الصلصة وبعدين اللازانيا والجبنة الريكوتا وصدور الفراخ وفي الاخر نرش عليهم باقي كمية الموتزاريلا والبارميزان تبقى اخر طبقة فوق.

9- هنغطيها بورق فويل ونحطها في الفرن لمدة من 45 – 60 دقيقة, ونشيل الورق الفويل اخر 10 دقايق قبل ما نطلعها من الفرن عشان الوش يتحمر وتاخد لون دهبي.

10- اخر حاجة هنرش على الوش ريحان وده اختياري.

ده فيديو للطريقة بالخطوات:

شوفي كمان طريقة عمل الكوردون بلو مع الصوص

طريقة عمل الكوردون بلو مع الصوص (19)
طريقة عمل الكوردون بلو مع الصوص (19)

مقالات متعلقه

طريقة عمل الفلفل المحشي باللحمة المفرومة على الطريقة الايطالية

طريقة عمل الفلفل المحشي باللحمة المفرومة على الطريقة الايطالية

شوربة العدس بالطماطم مع كرات اللحمة

شوربة العدس بالطماطم مع كرات اللحمة

طريقة عمل المسخن الفلسطيني بالفراخ

طريقة عمل المسخن الفلسطيني بالفراخ